ಗಲಾತ್ಯ 6:4 - ಕೊಡವ ಬೈಬಲ್

⁴ ಎಲ್ಲಾರು ಅಯಿಂಗ ಅಯಿಂಗಡ ಕ್ರಿಯೇನ ಪರೀಕ್ಷೆ ಮಾಡಂಡು; ಅಕ್ಕ ಅಂವೊ ಬೋರೆಯಿಂಗಳ ನೋಟ್‍ವಕ ಅಲ್ಲ, ಅಂವೊ ಅಂವೊಂಡ ವಿಷಯತ್‍ನ ನೋಟ್‍ವಕ ದುಂಬ ತೃಪ್ತಿಯಾಪ.

ಗಲಾತ್ಯ 6:4 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:14

ನಂಬಿಕೆಯಿಂಜ ದೂರ ಪೋನ ಮನುಷ್ಯ ಅಂವೊ ಮಾಡ್‌ನ ಕಾರ್ಯಕ್‌ ತಕ್ಕಂತ ದಂಡನೆನ ಅನುಬವಿಚಿಡುವ. ಒರ್‌ ನಲ್ಲ ಮನುಷ್ಯ ಅಂವೊ ಮಾಡ್‌ನ ನಲ್ಲ ಕಾರ್ಯಕ್‌ ತಕ್ಕಂತ ಪ್ರತಿಫಲತ್‌ಲ್‌ ತೃಪ್ತಿಯಾಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:11

ಫರಿಸಾಯ ಎದ್ದಿತ್: ದೇವ! ನಾನ್ ದುರಾಸೆ ಉಳ್ಳಂವೊನೆಕೆ, ಮೋಸ ಮಾಡ್‌ವಂವೊನೆಕೆ ಪಿಂಞ ವ್ಯಬಿಚಾರ ಮಾಡ್‌ವಂವೊನೆಕೆ ಇಲ್ಲತಗುಂಡ್ ನಾನ್ ನೀಕ್ ವಂದನೆ ಎಣ್ಣ್‌ವಿ. ಅದಲ್ಲತೆ ಅಲ್ಲಿ ನಿಂದಿತುಳ್ಳ ಕಂದಾಯ ಎಡ್‌ಪಂವೊನೆಕೆ ನಾನ್ ಇಲ್ಲತಗುಂಡ್ ನೀಕ್ ವಂದನೆ ಮಾಡ್‌ವಿ.

1 ಕೊರಿಂಥ 11:28

ಆನಗುಂಡ್ ಈ ಒಟ್ಟಿನ ತಿಂಬಂವೊ, ಈ ಪಾತ್ರತ್‍ಲ್ ಕುಡಿಪಂವೊ, ಅದ್‍ನ ಮಾಡ್‌ವಕ್ ಮಿಂಞ ಅಂವೊ ಅಂವೊನ ಪರೀಕ್ಷೆ ಮಾಡಂಡು.

1 ಕೊರಿಂಥ 3:14

ಆ ತಿತ್ತ್ಂಜ ಅಂವೊ ಕೆಟ್ಟ್‌ನದ್ ಬಚಾವ್ ಆಚೇಂಗಿ, ಕೆಟ್ಟ್‌ನಂವೊಂಗ್ ಇನಾಮ್ ಕ್‍ಟ್ಟ್‌ವ.

1 ಕೊರಿಂಥ 3:8

ಇಂಞು ಕುರುನ ಬಿತ್ತ್‌ವಂವೊನು ನೀರ್ ಬೂಕ್‍ವಂವೊನು ಒರೇ ಉದ್ದೇಶಕಾಯಿತ್ ಕೆಲಸ ಮಾಡ್‌ವ. ದಂಡಾಳ್‍ಕು ಅಯಿಂಗಯಿಂಗ ಮಾಡ್‍ನ ಕೆಲಸಕ್ ತಕ್ಕಂತ ಸಂಬಳ ಕ್‍ಟ್ಟ್‌ವ.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

2 ಕೊರಿಂಥ 13:5

ನಿಂಗಕ್ ನಂಬಿಕೆ ಉಂಡಾಂದ್ ನಿಂಗಳ ನಿಂಗಳೇ ಪರೀಕ್ಷೆ ಮಾಡಿತ್ ನೋಟಿ. ನಿಂಗಳ ನಿಂಗಳೇ ಪರೀಕ್ಷೆ ಮಾಡಿ ನೋಟಿ. ಯೇಸು ಕ್ರಿಸ್ತ ನಿಂಗಡಲ್ಲಿ ಉಂಡ್‍ೕಂದ್ ನಿಂಗಕೇ ಗೊತ್ತಿಲ್ಲೆಯಾ? ನಿಂಗ ಪರಿಕ್ಷೇಕ್ ನಿಕ್ಕತಯಿಂಗಳಾಯಿತ್ಂಜತೇಂಗಿ ನಿಂಗಡ ನಂಬಿಕೆ ನಿಂಗಕ್ ಗೊತ್ತಾಪುಲೆ.

ಗಲಾತ್ಯ 6:13

ಸುನ್ನತಿ ಮಾಡಂಡೂಂದ್ ಎಣ್ಣುವ ಅಯಿಂಗ ಸಹ ನ್ಯಾಯಪ್ರಮಾಣ ಎಣ್ಣ್‌ವನೆಕೆ ಮಾಡುಲೆ; ಅಯಿಂಗ ಅನ್ನನೆ ಇಂಜತೇಂಗಿಯು, ನಿಂಗ ಸುನ್ನತಿ ಮಾಡಂಡೂಂದ್ ಅಯಿಂಗ ನಿಂಗಡ ವಿಷಯತ್‍ಲ್ ಆಸೆ ಪಡುವ. ಅಕ್ಕ ನಿಂಗ ಅಯಿಂಗಡ ಬೋದನೆಲ್ ನಡ್‌ಪಯಿಂಗಾಂದ್ ಕುಶೀಲ್ ಎಣ್ಣುವಕ್ ಅಯಿಂಗಕ್ ಕಯ್ಯು.

ಫಿಲಿಪ್ಪಿ 1:26

ಅನ್ನನೆ ನಾನ್ ಇಂಞೊಮ್ಮ ಬಪ್ಪಕ, ನಾಡ ಮೂಲಕ ಯೇಸು ಕ್ರಿಸ್ತ ಮಾಡ್‍ನ ಕಾರ್ಯತ್‍ನ ನೋಟಿತ್ ನಿಂಗ ಯೇಸು ಕ್ರಿಸ್ತಂಡ ವಿಷಯತ್‍ಲ್ ಇಂಞು ಹೆಮ್ಮೆ ಪಡ್‌ವಿರ.