ಗಲಾತ್ಯ 6:2 - ಕೊಡವ ಬೈಬಲ್

² ಒಬ್ಬೊಬ್ಬನು ಬೋರೆಯಿಂಗಡ ಕಷ್ಟತ್‍ನ ಎಡ್‍ತಂಡ್ ಸಹಾಯ ಮಾಡಂಡು. ಇನ್ನನೆ ಮಾಡ್‍ಚೇಂಗಿ ಯೇಸು ಕ್ರಿಸ್ತಂಡ ಪ್ರಮಾಣತ್‍ನ ಪೂರ್ತಿ ಮಾಡ್‌ವಿರ.

ಗಲಾತ್ಯ 6:2 ပူးပေါင်းရင်းမြစ်များ

ಮತ್ತಾಯ 8:17

ಅಂವೊ, ತಾಂಗ್ ತಾನೆ ನಂಗಡ ಕಾಯಿಲೆನ ಎಡ್‍ತಿತ್, ರೋಗತ್‍ನ ವಾಸಿ ಮಾಡ್‌ವಾಂದ್ ಎಣ್ಣುವ ಯೆಶಾಯಂಡ ಪ್ರವಾದನೆ ನೆರವೇರುವನಕೆ ಇದ್ ನಡ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:46

ಅದ್ಂಗ್ ಯೇಸು: ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಳೇ ನಿಂಗಕ್ ಅಯ್ಯೋ! ಜನ ಎಡ್‌ಪಕಯ್ಯತಚ್ಚಕ್ ಬಾರತ್‍ನ ಅಯಿಂಗಡ ಮೇಲೆ ಇಟ್ಟಿತುಳ್ಳಿರ, ಅಯಿಂಗ ಆ ಬಾರತ್‍ನ ಪೊರ್‍ಪಕ್ ನಿಂಗಡ ಬೆರತ್‌ನ ಸಹ ನೇತಿತ್ ಸಹಾಯ ಮಾಡುಲೆ.

ಯೋಹಾನ 13:34

ಇಕ್ಕ ನಾನ್ ನಿಂಗಕ್ ಒರ್ ಪುದಿಯ ಹುಕುಮ್ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ನಿಂಗ ಒಬ್ಬೊಬ್ಬಂಡ ಮೇಲೆ ಪ್ರೀತಿಲ್ ಇರಂಡು; ನಾನ್ ನಿಂಗಳ ಪ್ರೀತಿ ಮಾಡ್‍ನನೆಕೆ, ನಿಂಗಳು ಒಬ್ಬೊಬ್ಬಂಡ ಮೇಲೆ ಪ್ರೀತಿ ಮಾಡಂಡು.

ಯೋಹಾನ 15:12

ನಾನ್ ನಿಂಗಳ ಪ್ರೀತಿ ಮಾಡ್‌ವನೆಕೆ ನಿಂಗಳು ಒಬ್ಬೊಬ್ಬನ ಪ್ರೀತಿ ಮಾಡಂಡು, ಇದ್ ನಾಡ ಆಜ್ಞೆ.

ರೋಮ್ 15:1

ನಂಬಿಕೇಲ್ ಸ್ತಿರವಾಯಿತ್ ಉಳ್ಳ ನಂಗ, ನಂಗಡ ಕುಶಿಕಾಯಿತ್ ಬದ್‍ಕತೆ, ನಂಬಿಕೇಲ್ ಸ್ತಿರವಿಲ್ಲತಯಿಂಗಳ, ಅಯಿಂಗಡ ಬಲಹೀನತ್‍ಲ್ ತಾಂಗಂಡು. ನಂಗಡ ಕುಶಿಕಾಯಿತ್ ಬದ್‍ಕಿಯಂಡ್ ಇಪ್ಪಕ್ಕಾಗ.

ರೋಮ್ 8:2

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

1 ಕೊರಿಂಥ 9:21

ನ್ಯಾಯಪ್ರಮಾಣತ್‍ನ ಗೊತ್ತಿಲ್ಲತ ಯೆಹೂದ್ಯರಲ್ಲತ ಜನಡ ಕೂಡೆ ಇಪ್ಪಕ, ಅಯಿಂಗಳ ಸಂಪಾದನೆ ಮಾಡ್‌ವಕಾಯಿತ್ ನಾನು ನ್ಯಾಯಪ್ರಮಾಣತ್‍ನ ಮಾಡತಂವೊನಾಯಿತ್ ಇಂಜ್. ಆಚೇಂಗಿಯು, ನಾನ್ ನ್ಯಾಯಪ್ರಮಾಣತ್‍ನ ತ್‍ಕ್ಕಾರ ಮಾಡಿತ್ತ್‌ಲ್ಲೆ; ಕ್ರಿಸ್ತಂಡ ಕಾನೂನ್‍ಕ್ ತಗ್ಗಿತ್ ನಡ್‍ಪಂವೊನಾಯಿತ್ ಉಂಡ್.

ಗಲಾತ್ಯ 6:5

ಎಲ್ಲಾರು ಅಯಿಂಗಯಿಂಗಡ ಕಷ್ಟತ್‍ನ ಎಡ್‌ಕಂಡು.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

ಯಾಕೋಬ 1:25

ಆಚೇಂಗಿ ಒರ್ ಮನುಷ್ಯ ಅಂವೊನ ಬುಡುಗಡೆ ಮಾಡ್‌ವ ದೇವಡ ಪೂರ್ತಿ ಪ್ರಮಾಣತ್‍ನ ಜಾಗ್ರತೆಲ್ ನೋಟಿತ್, ಕ್‍ೕಟದ್‍ನ ಮರ್ಂದ್ ಪೋಕತೆ, ಅದ್ಂಡ ಪ್ರಕಾರ ನಡ್ಂದತೇಂಗಿ, ತಾಂಡ ಬದ್‍ಕ್‍ಲ್ ಆಶೀರ್ವಾದ ಉಳ್ಳಂವೊನಾಯಿತ್‌ಪ್ಪ.

ಯಾಕೋಬ 2:12

ನಿಂಗಳ ಸ್ವಾತಂತ್ರ ಮಾಡ್‌ವ ಪ್ರಮಾಣತ್‍ರ ಪ್ರಕಾರ ತೀರ್ಪ್ ಕ್‍ಟ್ಟ್‌ವನೆಕೆ ನಿಂಗ ತಕ್ಕ್ ಪರ್ಂದಿತ್ ಅನ್ನನೆ ನಡ್‌ಕಂಡು.

ಯಾಕೋಬ 2:8

ನಿಂಗ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‍ವಿರೋ ಅನ್ನನೆ ನೆರಮನೆಕಾರಳ ಪ್ರೀತಿ ಮಾಡ್‌ವಿರಾಂದ್ ಉಳ್ಳ ದೇವಡ ವಾಕ್ಯವಾನ ದೇವಡ ರಾಜ್ಯತ್‍ರ ಪ್ರಮಾಣತ್‍ನ ಮಾಡ್‍ಚೇಂಗಿ, ಅಕ್ಕ ನಿಂಗ ನಲ್ಲದ್ ಮಾಡ್‍ನನೆಕೆ.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.

2 ಪೇತ್ರ 2:21

ಅನ್ನನೆ ಉಳ್ಳಯಿಂಗ, ನೀತಿರ ಬಟ್ಟೇನ ಗೊತ್ತಾನ ಪಿಂಞ ಅಯಿಂಗಕ್ ಒಪ್ಪ್‌ಚಿಟ್ಟ ಪವಿತ್ರವಾನ ಆಜ್ಞೆನ ಬುಟ್ಟಿತ್ ಪೋಪಕಿಂಜ, ಅದ್‍ನ ಅಯಿಂಗಕ್ ಗೊತ್ತಿಲ್ಲತೆ ಇಂಜಿತೇಂಗಿ ಚಾಯಾಯಿತ್‌ಪ್ಪ.

2 ಪೇತ್ರ 3:2

ಪೂರ್ವ ಕಾಲತ್‍ಲ್ ಪವಿತ್ರ ಪ್ರವಾದಿಯಂಗಡ ಮೂಲಕ ಎಣ್ಣ್‌ನ ತಕ್ಕ್‌ನ ಪಿಂಞ ರಕ್ಷಕನಾಯಿತುಳ್ಳ, ಒಡೆಯಂಡ ಅಪೊಸ್ತಲಂಗಳಾಯಿತುಳ್ಳ ನಂಗಡ ಮೂಲಕ ನಿಂಗಕ್ ಕ್‍ಟ್ಟ್‌ನ ಆಜ್ಞೆನ ಗೇನಮಾಡಂಡೂಂದ್ ನಾಕ್ ನೇರಾಯಿತು ಆಸೆ.

1 ಯೋಹಾನ 4:21

ಕ್ರಿಸ್ತ ನಂಗಕ್ ಈ ಆಜ್ಞೆನ ತಾತ್. ಅದ್ ಎಂತ ಎಣ್ಣ್‌ಚೇಂಗಿ: ದೇವನ ಪ್ರೀತಿ ಮಾಡ್‌ವಂವೊ ತಾಂಡ ಅಣ್ಣತಮ್ಮಣಂಗಳ ಪ್ರೀತಿ ಮಾಡಂಡೂಂದ್ ಉಳ್ಳದೇ.