ಗಲಾತ್ಯ 6:17 - ಕೊಡವ ಬೈಬಲ್

¹⁷ ಕಡೇಕ್ ಇನ್ನನೆ ಎಣ್ಣ್‌ವಿ: ಇಂಞು ಮಿಂಞಕ್ ನಾಕ್ ದಾರೂ ತೊಂದರೆ ತರಂಡ, ಎನ್ನಂಗೆಣ್ಣ್‌ಚೇಂಗಿ ನಾಡ ಮೇಲ್‌ಲ್ ಉಳ್ಳ ಗಾಯ ನಾನ್ ಯೇಸುರ ಆಳ್‍ೕಂದ್ ಕಾಟ್‍ವ.

ಗಲಾತ್ಯ 6:17 ပူးပေါင်းရင်းမြစ်များ

ಅಪೊಸ್ತಲ 15:24

ನಂಗ ಅಪ್ಪಣೆ ಕೊಡ್‌ತಿತ್ ಅಯಿಕತ ಚೆನ್ನ ಜನ ನಂಗಡ ಕಡೇಯಿಂಜ ನಿಂಗಡ ಪಕ್ಕ ಬಂದಿತ್, ನಿಂಗಡ ಮನಸ್ಸ್‌ನ ಗಲಿಬಿಲಿ ಮಾಡ್‌ಚೀಂದ್ ನಂಗಕ್ ಗೊತ್ತಾಚಿ.

2 ಕೊರಿಂಥ 1:5

ಅದ್ ಎನ್ನನೆ ಎಣ್ಣ್‌ಚೇಂಗಿ, ಕ್ರಿಸ್ತಂಡ ಕಷ್ಟ ನಂಗಡಲ್ಲಿ ಎನ್ನನೆ ಜಾಸ್ತಿ ಆಯಂಡುಂಡೊ ಅನ್ನನೆ ಕ್ರಿಸ್ತನಗುಂಡ್ ನಂಗಕ್ ಸುಕವೂ ಜಾಸ್ತಿ ಆಯಂಡುಂಡ್.

2 ಕೊರಿಂಥ 4:10

ಯೇಸುರ ಜೀವ ನಂಗಡ ತಡೀಲ್ ಉಂಡ್‍ೕಂದ್ ಕಾಂಬ್‍ಚಿಡುವನೆಕೆ, ಯೇಸುರ ಚಾವ್‍ನ ಎಕ್ಕಾಲು ನಂಗ ನಂಗಡ ತಡೀಲ್ ಪೊರ್‍ತಂಡುಂಡ್.

ಗಲಾತ್ಯ 1:7

ಆಚೇಂಗಿ ಇದ್‍ನ ಬುಟ್ಟಿತ್ ಬೋರೆ ನಲ್ಲ ಸುದ್ದಿ ಏದ್ ಉಂಡ್? ಚೆನ್ನ ಜನ, ನಿಂಗಡ ಮನಸ್ಸ್‌ನ ಕಲ್‍ಕಿತ್ ಕ್ರಿಸ್ತಂಡ ನಲ್ಲ ಸುದ್ದಿನ ತಿರ್‌ಕ್‍ವಕ್ ಪ್ರಯತ್ನ ಪಟ್ಟಂಡುಳ್ಳದಲ್ಲತೆ ಬೋರೆ ಒಂದು ಮಾಡಿಯಂಡಿಲ್ಲೆ.

ಫಿಲಿಪ್ಪಿ 3:10

ನಾಡ ಬಲ್ಯ ಆಸೆ ಎಂತ ಎಣ್ಣ್‌ಚೇಂಗಿ ಕ್ರಿಸ್ತನ ಇಂಞು ಚಾಯಿ ನಾಕ್ ಗೊತ್ತಾಂಡು. ಅಂವೊ ಚಾವ್‍ಯಿಂಜ ಜೀವತ್‍ಲ್ ಪುನಃ ಬಪ್ಪಕ್ ಮಾಡ್‍ನ ಆ ಜೀವತ್‍ರ ಶಕ್ತಿನ ನಾನ್ ಎಕ್ಕಾಲು ನಾಡ ಬದ್‍ಕ್‍ಲ್ ಅನುಬವಿಚಿಟ್ಟಿತ್, ಕ್ರಿಸ್ತ, ದೇವಡ ಚಿತ್ತ ಮಾಡ್‌ವಕ್ ಎಚ್ಚಕ್ ನೊಂಬಲತ್‍ನ ಎಡ್‍ತತೋ, ಅದೇ ತರ ನಾನ್ ಸಹ ನೊಂಬಲತ್‍ನ ಎಡ್‌ಕಂಡು, ಅಂವೊ ಕಷ್ಟಪಟ್ಟಿತ್ ಚತ್ತನೆಕೆ ನಾನ್ ಸಹ ಕಷ್ಟಪಟ್ಟಿತ್ ಚಾವಂಡು.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

ಇಬ್ರಿಯ 12:15

ದಾರ್ ಒಬ್ಬನು ದೇವಡ ಕೃಪೇನ ಕಳೆಂದ್ ಪೋಕತನೆಕೆ, ಏದ್ ಒರ್ ವಿಷವುಳ್ಳ ಬೇರೂ ಮೊಳಕೆ ಬುಟ್ಟಿತ್, ಜಗಳ ಉಂಟ್ ಮಾಡಿ ದುಂಬ ಜನ ಪಾಳಾಯಿ ಪೋಕತನೆಕೆ ನೋಟಿಯೊಳಿ.

ಪ್ರಕಟನೆ 13:16

ಚೆರಿಯಯಿಂಗ, ಬಲ್ಯಯಿಂಗ, ಐಶ್ವರ್ಯವಂತಯಿಂಗ, ಗರೀಬಂಗ, ಸ್ವಾತಂತ್ರವಾನಯಿಂಗ, ಅಡಿಯಾಳ್‍ಂಗ, ಈಂಗೆಲ್ಲಾ ಅಯಿಂಗಡ ಬಲ್‌ತೆ ಕೈಯಿಲ್ ಅಥವ ನೆತ್ತಿರ ಮೇಲೆ ಒರ್ ಮುದ್ರೆನ ಇಡಂಡೂಂದ್ ಒತ್ತಾಯ ಮಾಡ್‍ಚಿ.

ಪ್ರಕಟನೆ 13:17

ಆ ಮೃಗತ್‍ರ ಮುದ್ರೆ ಇಲ್ಲತಪೋಚೇಂಗಿ, ಅದ್ಂಡ ಪೆದತ್‍ರ ಲೆಕ್ಕ ಕ್‍ಟ್ಟನಯಿಂಗಳ ಬುಟ್ಟಿತ್, ಬೋರೆ ದಾರ್‌ಕು ಎಡ್‍ಪಕು, ಮಾರ್‍ವಕೂ ಕಯ್ಯತನೆಕೆ ಮಾಡ್‍ಚಿ.