ಗಲಾತ್ಯ 6:16 - ಕೊಡವ ಬೈಬಲ್

¹⁶ ಈ ಪ್ರಮಾಣತ್‍ರನೆಕೆ ನಡ್‌ಪಯಿಂಗಕೂ, ದೇವಡ ಮಕ್ಕಳಾನ ಇಸ್ರಾಯೇಲ್ ಜನಕು ಸಮಾದಾನ ಪಿಂಞ ಕರುಣೆ ಕ್‍ಟ್ಟಡ್.

ಗಲಾತ್ಯ 6:16 ပူးပေါင်းရင်းမြစ်များ

ಯೋಹಾನ 1:47

ನತಾನಯೇಲ ಯೇಸುರ ಪಕ್ಕ ಬಪ್ಪಕ, ಯೇಸು ಅಂವೊನ ನೋಟಿತ್: ನೋಟಿ, ಇಂವೊ ಏದ್ ಕಪಟವು ಇಲ್ಲತ ನೇರಾನ ಇಸ್ರಾಯೇಲಾಂದ್ ಎಣ್ಣ್‌ಚಿ.

ಯೋಹಾನ 14:27

ಸಮಾದಾನತ್‍ನ ನಿಂಗಕ್ ಬುಟ್ಟಿತ್ ಪೋಪಿ, ನಾಡ ಸಮಾದಾನತ್‍ನೇ ನಿಂಗಕ್ ತಪ್ಪಿ; ಈ ಲೋಕ ತಪ್ಪ ಪ್ರಕಾರ ನಾನ್ ನಿಂಗಕ್ ತಪ್ಪುಲೆ. ನಿಂಗಡ ಹೃದಯ ಬೇಜಾರ್ ಪಡತೆ, ಗಾಬರಿ ಆಕತೆ ಇರಡ್.

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ರೋಮ್ 1:7

ದೇವ ನಿಂಗಳ ಪ್ರೀತಿ ಮಾಡಿತ್, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ಕಾಕ್‍ಚಿ. ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

ರೋಮ್ 4:12

ಅಬ್ರಹಾಮ, ಸುನ್ನತಿ ಮಾಡ್‍ನಯಿಂಗಕ್, ಅಯಿಂಗ ಸುನ್ನತಿ ಮಾಡ್‍ನಗುಂಡ್ ಮಾತ್ರ ಅಪ್ಪನಾಯಿತ್ ಅಲ್ಲತೆ, ಅಂವೊ ಸುನ್ನತಿ ಮಾಡ್‌ವಕ್ ಮಿಂಞ ಅಂವೊಂಗ್ ಇಂಜ ನಂಬಿಕೇರನೆಕೆ, ಸುನ್ನತಿ ಮಾಡ್‍ನಯಿಂಗ ನಂಬಿಕೆ ಇಡ್‍ವಕ, ಅಂವೊ ಅಯಿಂಗಕ್ ಅಪ್ಪನಾಯಿತ್ ಆಪನೆಕೆ ಆಚಿ.

ಗಲಾತ್ಯ 1:3

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

ಗಲಾತ್ಯ 3:29

ನಿಂಗ ಕ್ರಿಸ್ತಂಡ ಜನವಾಯಿತ್ಂಜತೇಂಗಿ ನಿಂಗ ಅಬ್ರಹಾಮಂಡ ಸಂತಾನಕಾರಂಗ, ಪಿಂಞ ದೇವ ಎಂತ ವಾಗ್ದಾನ ಮಾಡ್‍ಚೋ ಅದ್ ನಿಂಗಕ್ ಕ್‍ಟ್ಟ್‌ವ.

ಗಲಾತ್ಯ 5:16

ಆನಗುಂಡ್, ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ಪವಿತ್ರಾತ್ಮ ಕಾಟುವ ಬಟ್ಟೇಲ್ ನಿಂಗ ನಡ್ಂದೋಳಿ, ಅಕ್ಕ ನಿಂಗಡ ಶರೀರತ್‍ಲ್ ಉಳ್ಳ ಪಾಪತ್‍ರ ಗುಣ ನಿಂಗಳ ನಡ್‍ತುವಕ್ ಬುಡುಲೆ.

ಗಲಾತ್ಯ 5:25

ನಂಗ ಪವಿತ್ರಾತ್ಮತ್ಂಜ ಬದ್‍ಕಿಯಂಡುಳ್ಳಗುಂಡ್, ನಂಗಡ ಬದ್‍ಕ್‍ರ ಓರೋರ್ ವಿಷಯತ್‍ಲು ದೇವಡ ಆತ್ಮ ಕಾಟಿತಪ್ಪ ಬಟ್ಟೇಲ್ ನಡ್‌ಕಂಡು.

ಎಫೆಸ 6:23

ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಂಗಕ್ ಸಮಾದಾನ ಪಿಂಞ ನಂಬಿಕೇರ ಕೂಡೆ ಪ್ರೀತಿಯು ಕ್‍ಟ್ಟಡ್.

ಫಿಲಿಪ್ಪಿ 3:16

ಆಚೇಂಗಿಯು ನಂಗ ಎಚ್ಚಕ್ ಬೊಳ್‌ಂದಿತುಂಡೋ ಅಚ್ಚಕ್ ಚಾಯಿತೆ ಗೇನ ಮಾಡಿತ್ ನಡ್‌ಕಂಡು.

ಫಿಲಿಪ್ಪಿ 3:3

ಅಯಿಂಗಕ್ ಸುನ್ನತಿ ಆನಗುಂಡ್ ಅಯಿಂಗಳೇ ನೇರಾನ ದೇವಡ ಜನಾಂದ್ ಅಯಿಂಗ ಗೇನ ಮಾಡಿಯಂಡುಂಡ್. ಆಚೇಂಗಿ, ಸುನ್ನತಿ ಮಾಡಿತುಂಡೇಂಗಿಯು, ಮಾಡತೆ ಇಂಜತೇಂಗಿಯು ನಂಗಳೇ ನೇರಾನ ದೇವಡ ಮಕ್ಕ. ಎನ್ನಂಗೆಣ್ಣ್‌ಚೇಂಗಿ, ಅಂವೊನ ತುದಿಪಕ್ ದೇವಡ ಆತ್ಮ ನಂಗಕ್ ಸಹಾಯ ಮಾಡಿಯಂಡುಂಡ್; ನಂಗ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಕುಶಿಪಟ್ಟಂಡುಂಡ್. ನಂಗಡ ತಡೀಲ್ ಮಾಡ್‌ವ ಏದ್ ಪದ್ದತಿರಗುಂಡು ನಂಗ ದೇವಡ ಮಕ್ಕಳಾಪುಲೆ.

ಫಿಲಿಪ್ಪಿ 4:7

ನಿಂಗ ಇನ್ನನೆ ಮಾಡ್‍ಚೇಂಗಿ, ನಿಂಗ ಏದ್ ವಿಷಯತು ಬೇಜಾರ್ ಮಾಡತೆ ಇಪ್ಪಕ್, ನಿಂಗಡ ಮನಸ್ಸ್‌ನ ಕಾಪಾಡ್‌ವ. ನಿಂಗ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಾಂಗ್ ನಿಂಗಡ ಹೃದಯತ್‍ಲ್ ಸಮಾದಾನ ತಂದಿತ್ ನಿಂಗಳ ಕಾಪಾಡ್‌ವ. ಅಂವೊಂಡಿಂಜ ಬಪ್ಪ ಈ ಸಮಾದಾನತ್‍ನ ನಂಗಡ ಬುದ್ದಿಯಿಂಜ ಅರ್ಥ ಮಾಡ್‌ವಕಯ್ಯುಲೆ.

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.

ಯೂದ ಒಳ್‍ದ್‍ನ ಕಾಗದ 1:2

ದೇವ ನಿಂಗಕ್ ಇಂಞು ದುಂಬ ಕರುಣೆಯು ಸಮಾದಾನವು ಪ್ರೀತಿಯು ತರಡ್.