ಗಲಾತ್ಯ 6:12 - ಕೊಡವ ಬೈಬಲ್

¹² ಅಯಿಂಗಡ ವಿಷಯತ್ ಎಲ್ಲಾರು ಚಾಯಿ ಎಣ್ಣಂಡೂಂದ್ ಗೇನಮಾಡ್‌ವಯಿಂಗಳೇ ನಿಂಗಳ ಸುನ್ನತಿ ಮಾಡಂಡೂಂದ್ ಒತ್ತಾಯ ಮಾಡ್‌ವ. ಅಯಿಂಗ ಕ್ರಿಸ್ತಂಡ ಶಿಲುಬೇರಗುಂಡ್ ಬಪ್ಪ ಕಷ್ಟತ್ಂಜ ತಪ್ಪ್‌ಚಿಡುವಕಾಯಿತ್ ಅನ್ನನೆ ಮಾಡ್‌ವ.

ಗಲಾತ್ಯ 6:12 ပူးပေါင်းရင်းမြစ်များ

ಮತ್ತಾಯ 23:27

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ! ನಿಂಗ ಚುಣ್ಣ ಪೊಜ್ಜ ಗೋರಿರನೆಕೆ ಉಳ್ಳಿರ. ಎನ್ನನೆ ಎಣ್ಣ್‌ಚೇಂಗಿ, ಅದ್ ಪೊರಮೆ ಚಾಯಿ ಕಾಂಬ ಒಳ್‍ಲ್ ನೋಟ್‌ನಕ ಚತ್ತ ಮನುಷ್ಯಂಗಡ ಮೂಳೆ ಪಿಂಞ ಅಶುದ್ದ ಚಾವ್ ತಡಿ ಇಪ್ಪ.

ಮತ್ತಾಯ 23:28

ಅನ್ನನೆ ನಿಂಗ ಪೊರಮೆ ನೀತಿವಂತಯಿಂಗಡನೆಕೆ ಕಾಂಬಿರ. ಆಚೇಂಗಿ ಒಳ್‍ಲ್ ದುಂಬ ಕಪಟತ್‌ಲು ಅನ್ಯಾಯತ್‌ಲು ದುಂಬಿತುಳ್ಳಿರ.

ಮತ್ತಾಯ 23:5

ಅಯಿಂಗ ಮಾಡ್‌ವದೆಲ್ಲ ಜನ ನೋಟ್‍ವಕಾಯಿತ್ ಮಾಡ್‌ವ. ಅಯಿಂಗ ಬಟ್ಟೇಕ್ ಕೆಟ್ಟ್‌ವ ಜ್ಞಾಪಕ ಪಟ್ಟಿನ ಅಗಲ ಮಾಡ್‌ವ.

ಮತ್ತಾಯ 5:10

ನೀತಿಕಾಯಿತ್ ಹಿಂಸೆನ ಸಹಿಸುವಯಿಂಗ ಆಶೀರ್ವಾದ ಪಡ್ಂದಯಿಂಗ; ಪರಲೋಕ ರಾಜ್ಯ ಅಯಿಂಗಡದಾಯಿತ್‌ಪ್ಪ.

ಮತ್ತಾಯ 6:16

ನಿಂಗ ಪಟ್ಟಣಿ ನಿಂದಕ, ಕಪಟಿಯರನೆಕೆ ಮೂಡ್‍ನ ಬಾಡ್‌ಚಿಡತಿ. ಅಯಿಂಗ ಪಟ್ಟಣಿ ನಿಪ್ಪದ್‌ನ ಜನ ಕಾಂಗಂಡೂಂದ್ ತಂಗಡ ಮೂಡ್‍ನ ಚಪ್ಪೆಯಾಯಿತ್ ಬೆಚ್ಚವ. ಅಯಿಂಗಕ್ ತಂಗಡ ಫಲ ಪೂರ್ತಿಯಾಯಿತ್ ಕ್‍ಟ್ಟ್‌ಚೀಂದ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 6:2

ಆನಗುಂಡ್ ನಿಂಗ ದರ್ಮ ಕಾರ್ಯ ಮಾಡ್‌ವಕ, ಕಪಟಿಯಂಗ ಮಾಡ್‌ವನೆಕೆ ಸಬಾಮಂದಿರತ್‍ಲ್ ಪಿಂಞ ರಸ್ತೆಲ್ ಪೋಪಯಿಂಗಕ್, ಅಯಿಂಗ ಮಾಡ್‌ವ ದರ್ಮ ಕಾರ್ಯ ಗೊತ್ತಾಡ್‍ೕಂದು ಅಯಿಂಗ ನಿಂಗಳ ಕೊಂಡಾಡಂಡೂಂದು ಕೊಂಬ್ ಊದ್‍ವನೆಕೆ ನಿಂಗ ಮಾಡಂಡ. ಅಯಿಂಗಕ್ ಕ್‍ಟ್ಟ್‌ವಕುಳ್ಳ ಎಲ್ಲಾ ಫಲವು ಕ್‍ಟ್ಟ್‌ಚೀಂದ್ ನಾನ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 6:5

ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ಕಪಟಿಯರನೆಕೆ ಮಾಡಂಡ. ಎಲ್ಲಾರು ಕಾಂಗಂಡೂಂದ್ ಎದ್ದ್ ನಿಂದಿತ್ ಸಬಾಮಂದಿರತ್‍ಲ್, ಬೀದಿ ಮೂಲೆಲ್ ಪ್ರಾರ್ಥನೆ ಮಾಡ್‌ವಕ್ ಅಯಿಂಗ ಕುಶಿ ಪಡ್‍ವ. ಪೂರ್ತಿಯಾಯಿತ್ ಅಯಿಂಗಕ್ ಫಲ ಕ್‍ಟ್ಟ್‌ಚೀಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:15

ಆಚೇಂಗಿ ಯೇಸು ಅಯಿಂಗಕ್, ನಿಂಗ ಎಕ್ಕಾಲು ಬೋರೆಯಿಂಗಡ ಮಿಂಞತ್ ನಲ್ಲಯಿಂಗಳಾಯಿತ್ ಕಾಂಬ್‍ಚಿಟ್ಟಂಡುಂಡ್, ಆಚೇಂಗಿ ದೇವಕ್ ನಿಂಗಡ ಹೃದಯತ್‍ನ ಗೊತ್ತುಂಡ್. ಮನುಷ್ಯಂಗ ಎಂತಾಂಗ್ ದುಂಬ ಬೆಲೆ ಉಂಡ್‍ೕಂದ್ ಗೇನ ಮಾಡ್‌ವ, ಅದ್ ದೇವಡ ಮಿಂಞತ್‍ಲ್ ಅಸಹ್ಯವಾಯಿತ್‌ಪ್ಪಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:47

ಅಯಿಂಗ ವಿದವೆಯಂಗಡ ಮನೆನ ಚದಿ ಮಾಡಿತ್ ಮುಗ್ಗಿತ್, ಎಲ್ಲಾರು ಕಾಂಬನೆಕೆ ಉದ್ದವಾಯಿತ್ ಪ್ರಾರ್ಥನೆ ಮಾಡ್‌ವ. ಅಯಿಂಗಕ್ ದೇವಡ ಶಿಕ್ಷೆ ದುಂಬ ಕಠಿಣವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 7:18

ತಾಂಡ ಸ್ವಂತ ಬೋದನೆ ಮಾಡ್‌ವಯಿಂಗ, ಅಯಿಂಗಕ್ ಮಹಿಮೆ ಕ್‍ಟ್ಟಂಡೂಂದ್ ಮಾಡ್‌ವ, ಆಚೇಂಗಿ, ಅಂವೊನ ಅಯಿಚಂವೊಂಗ್ ಮಹಿಮೆ ಕ್‍ಟ್ಟುವಕಾಯಿತ್ ಬೋದನೆ ಮಾಡ್‌ವಂವೊ ಸತ್ಯವಂತಂವೊನಾಯಿತ್ ಉಂಡ್, ಅಂವೊಂಡಲ್ಲಿ ಪೊಟ್ಟ್ ಇಲ್ಲೆ.

ಅಪೊಸ್ತಲ 15:1

ಪೌಲ ಪಿಂಞ ಬಾರ್ನಬ ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಸಮಯತ್‍ಲ್, ಚೆನ್ನ ಯೆಹೂದ್ಯ ಜನ ಯೂದಾಯತ್ಂಜ ಅಂತಿಯೋಕ್ಯಕ್ ಬಂದಿತ್: ನಿಂಗ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನ ಪ್ರಕಾರ ಸುನ್ನತಿ ಮಾಡತೆ ಪೋಚೇಂಗಿ ನಿಂಗಕ್ ರಕ್ಷಣೆ ಕ್‍ಟ್ಟ್‌ಲೇಂದ್ ಅಲ್ಲಿಯತ್‍ರ ಯೇಸುನ ನಂಬ್‍ನ ಜನಕ್ ಉಪದೇಶ ಮಾಡಿಯಂಡ್ ಇಂಜತ್.

ಅಪೊಸ್ತಲ 15:5

ಅಕ್ಕ ಫರಿಸಾಯಂಗಡ ಕೂಟತ್‌ಂಜ ಯೇಸುರ ಮೇಲೆ ನಂಬಿಕೆ ಇಟ್ಟಿತ್ಂಜ ಚೆನ್ನ ಜನ, ದೇವಡ ಬರಿಕ್ ಮನಸ್ಸ್ ತಿರುಗ್‍ನ ಯೆಹೂದ್ಯರಲ್ಲತ ಬೋರೆ ಜನಕ್ ಸುನ್ನತಿ ಮಾಡಿತ್ ಮೋಶೇರ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಕ್ ಪಡಿಪ್‍ಚಿಡಂಡೂಂದ್ ಎಣ್ಣ್‌ಚಿ.

2 ಕೊರಿಂಥ 10:12

ಆಚೇಂಗಿಯು, ತಂಗಳ ತಾಂಗಳೇ ಬಲ್ಯಂಗಳಾಯಿತ್ ಕಾಂಬ್‍ಚಿಡುವಕಾಯಿತ್ ಬಡಾಯಿ ತಕ್ಕ್ ಎಣ್ಣುವ ಚೆನ್ನ ಜನಡ ಕೂಡೆ ನಂಗಳ ಸಮವಾಯಿತ್ ಹೋಲಿಕೆ ಮಾಡ್‌ವಕ್ ನಂಗ ದೈರ್ಯ ಎಡ್‍ಪುಲೆ; ಅಯಿಂಗ, ಅಯಿಂಗಡೊಳ್‌ಲ್ ಅಯಿಂಗ ಅಯಿಂಗಳೇ ಅಳ್‌ತೆ ಮಾಡಿಯಂಡ್, ಅಯಿಂಗಕೇ ಅಯಿಂಗಳ ಹೋಲಿಕೆ ಮಾಡಿಯಂಡುಳ್ಳ ಅಯಿಂಗ ಬುದ್ದಿವಂತಯಿಂಗ ಅಲ್ಲ.

2 ಕೊರಿಂಥ 11:13

ಅನ್ನನೆ ಉಳ್ಳಯಿಂಗ ಕಳ್ಳ ಅಪೊಸ್ತಲಂಗ, ಕಪಟಿಯಾನ ಸೇವಕಂಗ, ಕ್ರಿಸ್ತಂಡ ಅಪೊಸ್ತಲಂಗಡ ವೇಷತ್‍ನ ಇಟ್ಟಂಡುಂಡ್.

ಗಲಾತ್ಯ 2:14

ಅಯಿಂಗ ಇನ್ನನೆ ನಲ್ಲ ಸುದ್ದಿರ ಸತ್ಯಕ್ ಸರಿಯಾನ ರೀತಿಲ್ ಮಾಡತದ್‍ನ ನಾನ್ ಕಾಂಬಕ, ಎಲ್ಲಾಡ ಮಿಂಞತ್ ನಾನ್ ಪೇತ್ರನ ನೋಟಿತ್, ಇನ್ನನೆ ಎಣ್ಣ್‌ನ: ಯೆಹೂದ್ಯನಾಯಿತುಳ್ಳ ನೀನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಕತೆ ಇಂಜಂಡ್, ಯೆಹೂದ್ಯರಲ್ಲತ ಜನ ಯೆಹೂದ್ಯ ಪದ್ದತಿರನೆಕೆ ನಡ್‍ಕಂಡೂಂದ್ ಎನ್ನನೆ ಒತ್ತಾಯ ಮಾಡ್‌ವಕ್ ಕಯ್ಯು?

ಗಲಾತ್ಯ 2:3

ನಾಡ ಕೂಡೆ ಇಂಜ ತೀತ, ಗ್ರೀಕ್ ದೇಶತ್‍ರ ಮನುಷ್ಯನಾಯಿತ್ಂಜತೇಂಗಿಯು ಅಂವೊಂಗ್ ಸುನ್ನತಿ ಮಾಡಂಡೂಂದ್ ಅಯಿಂಗ ಒತ್ತಾಯ ಮಾಡಿತ್ತ್‌ಲ್ಲೆ.

ಗಲಾತ್ಯ 5:11

ನಾಡ ಅಣ್ಣತಮ್ಮಣಂಗಳೇ, ಸುನ್ನತಿ ಮಾಡಂಡೂಂದ್ ನಾನ್ ಇಂಞು ಬೋದನೆ ಮಾಡಿಯಂಡಿಂಜತೇಂಗಿ ಎನ್ನಂಗಾಯಿತ್ ನಾಕ್ ಇಕ್ಕಲು ತೊಂದರೆ ಬಂದಂಡುಂಡ್? ಅನ್ನನೆ ಆಚೇಂಗಿ, ಕ್ರಿಸ್ತಂಡ ಶಿಲುಬೇರ ವಿಷಯತ್ಂಜ ಬಪ್ಪ ನಿಂದನೆ ಇಲ್ಲತೆ ಪೋಯಿತ್‌ಪ್ಪ್‌ಲೆಯಾ?

ಗಲಾತ್ಯ 6:13

ಸುನ್ನತಿ ಮಾಡಂಡೂಂದ್ ಎಣ್ಣುವ ಅಯಿಂಗ ಸಹ ನ್ಯಾಯಪ್ರಮಾಣ ಎಣ್ಣ್‌ವನೆಕೆ ಮಾಡುಲೆ; ಅಯಿಂಗ ಅನ್ನನೆ ಇಂಜತೇಂಗಿಯು, ನಿಂಗ ಸುನ್ನತಿ ಮಾಡಂಡೂಂದ್ ಅಯಿಂಗ ನಿಂಗಡ ವಿಷಯತ್‍ಲ್ ಆಸೆ ಪಡುವ. ಅಕ್ಕ ನಿಂಗ ಅಯಿಂಗಡ ಬೋದನೆಲ್ ನಡ್‌ಪಯಿಂಗಾಂದ್ ಕುಶೀಲ್ ಎಣ್ಣುವಕ್ ಅಯಿಂಗಕ್ ಕಯ್ಯು.

ಫಿಲಿಪ್ಪಿ 1:15

ಅಕ್ಕು, ಚೆನ್ನ ಜನ ನಾಡ ಮೇಲೆ ಉಳ್ಳ ಒಟ್ಟೆಕಿಚ್ಚ್‌ಲ್ ಪಿಂಞ ವಿರೋದತ್‍ಲ್ ಯೇಸು ಕ್ರಿಸ್ತನ ಬೋದನೆ ಮಾಡಿಯಂಡುಂಡ್, ಆಚೇಂಗಿ ಚೆನ್ನ ಜನ ಸತ್ಯತ್‍ಲ್ ನಲ್ಲ ಮನಸ್ಸ್‌ಲ್ ಬೋದನೆ ಮಾಡಿಯಂಡುಂಡ್.

ಫಿಲಿಪ್ಪಿ 2:4

ನಂಗಡ ಸುಕತ್‌ನ ಮಾತ್ರ ನೋಟತೆ, ಬೋರೆಯಿಂಗಡ ಸುಕತ್‌ನ ಸಹ ನೋಟಂಡು.

ಫಿಲಿಪ್ಪಿ 3:18

ಎನ್ನಂಗೆಣ್ಣ್‌ಚೇಂಗಿ, ದುಂಬ ಜನ ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗೆಲ್ಲಾ ಕ್ರಿಸ್ತಂಡ ಶಿಲುಬೇರ ಬೋದನೆಕ್ ವಿರೋದವಾಯಿತ್ ಬದ್‍ಕಿಯಂಡುಂಡ್. ಅಯಿಂಗಡ ವಿಷಯ ನಾನ್ ನಿಂಗಕ್ ಮಿಂಞಲೇ ದುಂಬ ಎಣ್ಣಿತುಂಡ್. ಇಕ್ಕ ಪುನಃ ನಾನ್ ನಿಂಗಕ್ ಮೊರಟಂಡ್ ಎಣ್ಣ್‌ವಿ.

ಕೊಲೊಸ್ಸೆ 2:23

ಈ ತರತ್‍ರ ಬೋದನೆಯೆಲ್ಲಾ ಅಯಿಂಗಳೇ ಮಾಡ್‍ನ ಮಾರ್ಗವಾಯಿತ್, ಪೊರಮೆ ತಾಳ್ಮೆ ಉಳ್ಳಯಿಂಗಾಂದ್ ಕಾಂಬ್‌ಚಿಡ್‍ವಕಾಯಿತ್, ತಡೀನ ಚಾಯಿ ಮಾಡಂಡೂಂದ್ ಅದ್ಂಗ್ ಶಿಕ್ಷೆ ಕೊಡ್‍ಪದಾಯಿತ್ ಮಾತ್ರ ಉಂಡ್. ಆಚೇಂಗಿ ಮನುಷ್ಯಂಗಡ ತಡೀರ ಕೆಟ್ಟ ಆಸೇನ ಗೆಲ್ಲ್‌ವಕ್ ಈ ಬೋದನೆಕ್ ಶಕ್ತಿ ಇಲ್ಲೆ.