ಗಲಾತ್ಯ 5:5 - ಕೊಡವ ಬೈಬಲ್

⁵ ಆಚೇಂಗಿ ಪವಿತ್ರಾತ್ಮಂಡ ಸಹಾಯತ್‍ಲ್ ನಂಬಿಕೇರಗುಂಡ್, ಬದ್‍ಕಿಯಂಡುಳ್ಳ ನಂಗ, ನಂಬಿಕೇರಗುಂಡ್ ದೇವಡ ನೀತಿ ಎಕ್ಕ ಕ್‌ಟ್ಟುವಾಂದ್ ಕುಶೀಲ್ ಪಾರಕಾತಂಡ್ ಉಂಡ್.

ಗಲಾತ್ಯ 5:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:18

ಯೆಹೋವನೇ, ನಾನ್‌ ನೀಡ ರಕ್ಷಣೆಕಾಯಿತ್‌ ಪಾರಕಾತಂಡುಳ್ಳ.

ರೋಮ್ 5:21

ಆನಗುಂಡ್, ಪಾಪತ್‍ರ ಮೇಲೆ ಚಾವ್‍ಕ್ ಜಯ ಕ್‍ಟ್ಟ್‌ನನೆಕೆ, ದೇವಡ ಕೃಪೆಯು ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಿತ್ಯ ಜೀವತ್‍ನ ತಂದಿತ್, ನೀತಿರಗುಂಡ್ ಜಯ ಕ್‍ಟ್ಟ್‌ವನೆಕೆ ಮಾಡ್‍ಚಿ.

1 ಕೊರಿಂಥ 1:7

ಆನಗುಂಡ್ ನಿಂಗ ದೇವಡ ಏದ್ ವರತ್‍ಲೂ ಕಮ್ಮಿಯಿಲ್ಲತಯಿಂಗಳಾಯಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತ ಪುನಃ ಬಪ್ಪಕಾಯಿತ್ ಪಾರಕಾತಂಡುಳ್ಳಿರ.

ಎಫೆಸ 2:18

ಅನ್ನನೆ ನಂಗ ದಂಡ್ ಜನವು, ಒರೇ ಪವಿತ್ರಾತ್ಮತ್‍ರ ಮೂಲಕ, ಅಪ್ಪನಾನ ದೇವಡ ಪಕ್ಕ ಕೂಡುವಕುಳ್ಳ ಬಾಗ್ಯ ಅಂವೊಂಡ ಮೂಲಕ ಕ್‍ಟ್ಟ್‌ಚಿ.

ಫಿಲಿಪ್ಪಿ 3:9

ಕ್ರಿಸ್ತನ ನಾಕ್ ಸ್ವಂತವಾಯಿತ್ ಮಾಡ್‌ವಕ್, ನ್ಯಾಯಪ್ರಮಾಣತ್‍ರ ಪ್ರಕಾರ ನಾಕ್ ಕ್‍ಟ್ಟುವ ನೀತಿನ ಎಡ್‍ಕತೆ, ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ದೇವ ನಾಕ್ ತಪ್ಪ ನೀತಿನ ಎಡ್‍ತೊವಿ.

1 ಥೆಸಲೊನೀಕ 1:10

ಇದ್‍ಲ್ಲತೆ, ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಪುನಃ ಎಪ್ಪ್‌ಚಿಟ್ಟಂವೊನು, ಮನುಷ್ಯಂಗಕ್ ದೇವ ತಪ್ಪ ಶಿಕ್ಷೆಯಿಂಜ ನಂಗಳ ಕಾಪಾಡ್‌ವಂವೊನು ಆಯಿತುಳ್ಳ ದೇವಡ ಮೋಂವೊನಾನ ಯೇಸು ಪರಲೋಕತ್ಂಜ ಪುನಃ ಬಪ್ಪಾನ ನೋಟಿಯಂಡ್ ಪಾರಕಾತಂಡ್ ಉಳ್ಳಿರಾಂದ್ ಸಹ ಅಯಿಂಗ ನಂಗಕ್ ಎಣ್ಣಿಯಂಡುಂಡ್.

2 ಥೆಸಲೊನೀಕ 3:5

ಒಡೆಯನಾನ ದೇವ ನಿಂಗಳ, ದೇವಡ ಪ್ರೀತಿರ ಬಟ್ಟೇಲ್, ಕ್ರಿಸ್ತಂಡ ತಾಳ್ಮೆರ ಬಟ್ಟೇಲ್ ಕಾಕಿಯಂಡ್ ಪೋಡ್.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.