ಗಲಾತ್ಯ 5:3 - ಕೊಡವ ಬೈಬಲ್

³ ಸುನ್ನತಿ ಮಾಡ್‌ವಂವೊ ಒಬ್ಬೊಬ್ಬನು ನ್ಯಾಯಪ್ರಮಾಣತ್‍ಲ್ ಉಳ್ಳದ್‍ನೆಲ್ಲ ಕಂಡಿತವಾಯಿತ್ ಮಾಡ್‌ವಕ್ ಒಳಪಟ್ಟಂವೊನಾಯಿತುಂಡ್‍ೕಂದ್ ಇಂಞೊಮ್ಮ ನಾನ್ ನಿಂಗಕ್ ಎಚ್ಚರ ಮಾಡ್‌ವಿ.

ಗಲಾತ್ಯ 5:3 ပူးပေါင်းရင်းမြစ်များ

ಮತ್ತಾಯ 23:16

ಬಟ್ಟೆ ಕಾಟುವ ಕುರ್‌ಡಂಗಳೇ, ನಿಂಗಕ್ ಅಯ್ಯೋ! ಒಬ್ಬ ದೇವಾಲಯತ್‍ರ ಮೇಲೆ ಆಣೆ ಇಟ್ಟತೇಂಗಿ ಅದ್ ಆಣೆ ಅಲ್ಲಾಂದ್ ಎಣ್ಣುವಿರ, ಆಚೇಂಗಿ ದೇವಾಲಯತ್‍ಲ್ ಉಳ್ಳ ಪೊನ್ನ್‌ರ ಪೆದತ್‍ಲ್ ಆಣೆ ಇಟ್ಟತೇಂಗಿ, ಅದ್‍ನ ಪೂರೈಚಿಡಂಡೂಂದ್ ಎಣ್ಣುವಿರ.

ಮತ್ತಾಯ 23:18

ಇಂಞು ನಿಂಗ, ಒಬ್ಬ ಬಲಿಪೀಠತ್‍ರ ಮೇಲೆ ಆಣೆ ಇಟ್ಟತೇಂಗಿ ಅದ್ ಆಣೆ ಅಲ್ಲಾಂದು, ಅದ್‍ಲ್ ಉಳ್ಳ ಕಾಣಿಕೆರ ಮೇಲೆ ಆಣೆ ಇಟ್ಟತೇಂಗಿ ಅದ್‍ನ ನಡ್‌ತಿತೇ ತ್‍ೕಕಂಡೂಂದು ಎಣ್ಣುವಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:28

ಅಲ್ಲಿ ನಾಕ್ ಅಂಜ್ ಅಣ್ಣತಮ್ಮಣಂಗ ಉಂಡ್, ಅಯಿಂಗ ಈ ಉರಿವ ಜಾಗಕ್ ಬಕ್ಕತನೆಕೆ ನಡ್‍ಪಕ್ ಅಂವೊ ಎಚ್ಚರ ಮಾಡ್‌ವಕ್ ನಾನ್ ನಿನ್ನ ಬೋಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 15:1

ಪೌಲ ಪಿಂಞ ಬಾರ್ನಬ ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಸಮಯತ್‍ಲ್, ಚೆನ್ನ ಯೆಹೂದ್ಯ ಜನ ಯೂದಾಯತ್ಂಜ ಅಂತಿಯೋಕ್ಯಕ್ ಬಂದಿತ್: ನಿಂಗ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನ ಪ್ರಕಾರ ಸುನ್ನತಿ ಮಾಡತೆ ಪೋಚೇಂಗಿ ನಿಂಗಕ್ ರಕ್ಷಣೆ ಕ್‍ಟ್ಟ್‌ಲೇಂದ್ ಅಲ್ಲಿಯತ್‍ರ ಯೇಸುನ ನಂಬ್‍ನ ಜನಕ್ ಉಪದೇಶ ಮಾಡಿಯಂಡ್ ಇಂಜತ್.

ಅಪೊಸ್ತಲ 2:40

ಪೇತ್ರ ಇಂಞು ದುಂಬ ಬುದ್ದಿ ಎಣ್ಣಿತ್ ಸಾಕ್ಷಿ ಎಣ್ಣಿತ್, ಈ ಕೆಟ್ಟ ಸಂತಾನತ್ಂಜ ನಿಂಗಳ ಕಾಪಾಡಿಯೊಳೀಂದ್ ಅಯಿಂಗಳ ಬೋಡಿಯಂಡತ್.

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

ರೋಮ್ 2:25

ನಿಂಗ ನ್ಯಾಯಪ್ರಮಾಣ ಎಣ್ಣುವನೆಕೆ ನಡ್ಂದತೇಂಗಿ, ಸುನ್ನತಿ ಮಾಡ್‍ನದ್ ಪ್ರಯೋಜನವಾಪ. ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್ಂದತೇಂಗಿ, ನಿಂಗಕ್ ಮಾಡ್‍ನ ಸುನ್ನತಿ, ಮಾಡತನೆಕೆ ಆಯಿಪೋಪ.

ಗಲಾತ್ಯ 3:10

ಆಚೇಂಗಿ, ನ್ಯಾಯಪ್ರಮಾಣತ್‍ರ ಮೂಲಕ ದೇವಡ ಮಿಂಞತ್‍ಲ್ ನೀತಿವಂತಂವೊಂಡನೆಕೆ ನಿಪ್ಪಕ್ ಕಯ್ಯೂಂದ್ ನಂಬುವಯಿಂಗೆಲ್ಲ ಶಾಪತ್‍ಲ್ ಉಂಡ್; ಎನ್ನಂಗೆಣ್ಣ್‌ಚೇಂಗಿ, ನ್ಯಾಯಪ್ರಮಾಣಕ್ ತಗ್ಗಿತ್ ನಡ್‍ಕತೆ, ಅದ್ ಎಣ್ಣ್‌ನನೆಕೆ ಮಾಡತಯಿಂಗೆಲ್ಲಾ ಶಾಪತ್‍ಲ್ ಉಳ್ಳಯಿಂಗಾಂದ್ ಒಳ್‍ದಿತುಂಡಲ್ಲ.

ಗಲಾತ್ಯ 5:2

ಕ್‍ೕಳಿ, ನಿಂಗ ಸುನ್ನತಿ ಮಾಡ್‍ಚೇಂಗಿ, ಯೇಸು ಕ್ರಿಸ್ತನಗುಂಡ್ ನಿಂಗಕ್ ಒರ್ ಪ್ರಯೋಜನವು ಇಲ್ಲೇಂದ್ ಪೌಲನಾನ ನಾನ್ ನಿಂಗಕ್ ಎಣ್ಣ್‌ವಿ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

1 ಥೆಸಲೊನೀಕ 4:6

ಈ ವಿಷಯತ್‍ಲ್ ಯೇಸುನ ನಂಬ್‍ನ ನಿಂಗಡ ಅಣ್ಣತಮ್ಮಣಂಗಳ ವಂಚನೆ ಮಾಡ್‌ವಕ್ಕಾಗ; ಮಿಂಞಲೇ ನಂಗ ನಿಂಗಕ್ ಎಣ್ಣಿತ್ ಸಾಕ್ಷಿಯಾಯಿತ್ ಎಚ್ಚರ ಮಾಡ್‍ನನೆಕೆ, ಇನ್ನನೆ ಮಾಡ್‌ವಯಿಂಗಕ್ ದೇವ ಕಂಡಿತವಾಯಿತ್ ಶಿಕ್ಷೆ ತಪ್ಪ.

1 ಯೋಹಾನ 4:14

ದೇವ ತಾಂಡ ಮೋಂವೊನ ಲೋಕತ್‍ನ ಕಾಪಾಡ್‌ವಕಾಯಿತ್ ಅಯಿಚತ್. ಇದ್‍ನ ನಂಗ ನೋಟಿತ್ ಅದ್ಂಡ ವಿಷಯತ್ ನಿಂಗಕ್ ಇಕ್ಕ ಸಾಕ್ಷಿ ಕೊಡ್‍ಪ.