ಗಲಾತ್ಯ 5:24 - ಕೊಡವ ಬೈಬಲ್

²⁴ ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವಯಿಂಗೆಲ್ಲಾ, ಅಯಿಂಗಡ ಪಾಪತ್‍ರ ಗುಣತ್‍ನ, ಅದ್ಂಡ ಆಸೆ ಪಿಂಞ ಇಚ್ಛೆನೆಲ್ಲಾ ಶಿಲುಬೇಲ್ ಇಟ್ಟಿತ್‌ಪ್ಪ.

ಗಲಾತ್ಯ 5:24 ပူးပေါင်းရင်းမြစ်များ

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

ರೋಮ್ 6:6

ನಂಗ ಇಂಞು ಮಿಂಞಕ್ ಪಾಪಕ್ ಆಳಾಯಿತ್ ಬದ್‍ಕತೆ, ಪಾಪತ್‍ರ ತಡಿ ಪಾಳಾಯಿ ಪೋಪಕ್, ನಂಗಡ ಪಳೆಯ ಮನುಷ್ಯನ ಅಂವೊಂಡ ಕೂಡೆ ಶಿಲುಬೇಲ್ ಇಟ್ಟಿತಾಚೀಂದ್ ನಂಗಕ್ ಗೊತ್ತುಂಡ್.

ರೋಮ್ 8:13

ಪಾಪತ್‍ರ ಗುಣತ್‍ಲ್ ನಿಂಗ ಬದ್‍ಕಿಯಂಡ್ ಇಂಜತೇಂಗಿ, ನಿಂಗ ಚತ್ತ್ ಪೋಪಿರ; ಪವಿತ್ರಾತ್ಮತ್‍ರಗುಂಡ್ ತಡೀರ ಕ್ರಿಯೇನ ನಿಂಗ ಪಾಳ್ ಮಾಡ್‍ಚೇಂಗಿ, ನಿಂಗ ಬದ್‍ಕ್‍ವಿರ.

ರೋಮ್ 8:9

ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ.

1 ಕೊರಿಂಥ 15:23

ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪದ್, ಕ್ರಮವಾಯಿತ್ ಆಪ, ನಂಗೆಲ್ಲಾ ಅಯಿಂಗಯಿಂಗಡ ಕ್ರಮತ್‍ಲ್ ಒಬ್ಬಂಗ್ ಬಯ್ಯ ಒಬ್ಬನಾಯಿತ್ ಏವ, ಈ ವಿಷಯತ್‍ಲ್ ದೇವ, ಕ್ರಿಸ್ತನ ಆದ್ಯವಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಅನ್ನನೆ ಕ್ರಿಸ್ತ ಪುನಃ ಬಪ್ಪಕ, ದೇವ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತ್ ಪೋನಯಿಂಗಳ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಡುವ.

1 ಕೊರಿಂಥ 3:23

ನಿಂಗ ಕ್ರಿಸ್ತಂಗ್ ಕೂಡ್‍ನಯಿಂಗ, ಕ್ರಿಸ್ತ ದೇವಕ್ ಕೂಡ್‍ನಂವೊ.

1 ಕೊರಿಂಥ 6:13

ನಿಂಗ ಕೆಲಕಾಯಿತ್ ಕೂಳ್, ಕೂಳ್‍ಕಾಯಿತ್ ಕೆಲಾಂದ್ ಎಣ್ಣುವಿರ, ಅದ್ ನೇರ್. ಆಚೇಂಗಿಯು, ದೇವ ಅದ್ ದಂಡನೂ ಪಾಳ್ ಮಾಡ್‌ವ. ಆನಗುಂಡ್ ನಿಂಗ, ಈ ತಡಿನ ಲೈಂಗಿಕ ಕುಶಿಕಾಯಿತ್‍ೕಂದ್‌ ಎಣ್ಣ್‌ವಕ್ ಕಯ್ಯುಲೆ. ಅದ್ ಒಡೆಯಂಗಾಯಿತ್ ಮಾಡ್‍ನದ್, ಒಡೆಯ ನಂಗಡ ತಡಿಕ್ ಜವಾಬ್ದಾರನಾಯಿತ್ ಉಂಡ್.

2 ಕೊರಿಂಥ 10:7

ನಿಂಗ ಪೊರಮೆ ಕಾಂಬ ಕೋಲತ್‍ನ ಮಾತ್ರ ನೋಟಿಯಂಡುಳ್ಳಿರ? ಒಬ್ಬ ತಾನ್ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಳ್ಳ್‌ಂದ್ ನಂಬಿಯಂಡಿಂಜತೇಂಗಿ, ಅಂವೊ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಪ್ಪನೆಕೆ, ನಂಗಳು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಅಂವೊ ಅಂವೊಂಡಲ್ಲಿ ಗೇನಮಾಡಡ್.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಗಲಾತ್ಯ 3:26

ಯೇಸು ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೇರಗುಂಡ್ ಇಕ್ಕ ನಿಂಗ ದೇವಡ ಮಕ್ಕಳಾಯಿತ್ ಉಳ್ಳಿರ.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಗಲಾತ್ಯ 3:29

ನಿಂಗ ಕ್ರಿಸ್ತಂಡ ಜನವಾಯಿತ್ಂಜತೇಂಗಿ ನಿಂಗ ಅಬ್ರಹಾಮಂಡ ಸಂತಾನಕಾರಂಗ, ಪಿಂಞ ದೇವ ಎಂತ ವಾಗ್ದಾನ ಮಾಡ್‍ಚೋ ಅದ್ ನಿಂಗಕ್ ಕ್‍ಟ್ಟ್‌ವ.

ಗಲಾತ್ಯ 5:20

ವಿಗ್ರಹ ಆರಾದನೆ, ಮಾಟ, ವಿರೋದ, ಪಗೆ, ವೈರಾಗ್ಯ, ಚೆಡಿ, ಬಡಾಯಿ, ವಿಂಗಡ, ಗುಂಪ್ ಮಾಡ್‍ವದ್, ಬೋರೆ ಬೋರೆ ಮಾಡ್‍ವದ್,

ಗಲಾತ್ಯ 6:14

ಆಚೇಂಗಿ, ನಾಕ್ ಕ್ರಿಸ್ತಂಡ ಶಿಲುಬೇರ ವಿಷಯತ್‍ನ ಬುಟ್ಟಿತ್ ಬೋರೆ ಏದ್ ವಿಷಯತ್‍ಲು ಹೊಗಳಿಚಿಡುವದ್ ಬೋಂಡ; ಈ ಲೋಕ ಅಂವೊನಗುಂಡ್ ನಾಕಾಯಿತ್ ಶಿಲುಬೇಲ್ ಉಂಡ್, ನಾನ್ ಸಹ ಈ ಲೋಕತ್‍ರ ಆಸೆಕೆಲ್ಲಾ ನನ್ನ ಶಿಲುಬೇಕ್ ಇಟ್ಟಿಯೆ.

ಎಫೆಸ 3:1

ಇದ್ಂಗಾಯಿತ್ ಪೌಲನಾನ ನಾನ್, ಯೆಹೂದ್ಯಂಗಲ್ಲತಯಿಂಗಳಾನ ನಿಂಗಳಗುಂಡ್, ಕ್ರಿಸ್ತ ಯೇಸುಕಾಯಿತ್ ಕೈದಿಯಾಯಿತ್ ಉಳ್ಳ.

ಎಫೆಸ 3:11

ಇದ್‍ನ ಇಕ್ಕ ಅಂವೊ ಅಂವೊಂಡ ನಿತ್ಯ ತೀರ್ಮಾನತ್‍ರ ಪ್ರಕಾರ ನಂಗಡ ಒಡೆಯನಾನ ಕ್ರಿಸ್ತ ಯೇಸುರ ಮೂಲಕ ಪೂರ್ತಿ ಮಾಡ್‍ಚಿ.

ಎಫೆಸ 3:6

ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.

ಕೊಲೊಸ್ಸೆ 2:11

ಅದಲ್ಲತೆ, ನಿಂಗ ಕ್ರಿಸ್ತಂಡಲ್ಲಿ ಉಳ್ಳಗುಂಡ್, ಯೆಹೂದ್ಯಂಗ, ತಡೀಲ್ ಮಾಡ್‌ವ ಸುನ್ನತಿರನೆಕೆ ಅಲ್ಲ, ಆಚೇಂಗಿ ತಡೀಲ್ ಪಾಪ ವಾಸ ಮಾಡ್‌ವ ನಂಗಡ ಪಾಪತ್‍ರ ಗುಣತ್‍ನ ಕೆತ್ತಿತ್ ಕಳೆಯುವನೆಕೆ ಕ್ರಿಸ್ತಂಡಿಲ್ಲಿ ಆತ್ಮೀಯ ಸುನ್ನತಿ ಪಡ್ಂದಿತುಳ್ಳಿರ.

1 ಪೇತ್ರ 2:11

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.