ಗಲಾತ್ಯ 5:2 - ಕೊಡವ ಬೈಬಲ್

² ಕ್‍ೕಳಿ, ನಿಂಗ ಸುನ್ನತಿ ಮಾಡ್‍ಚೇಂಗಿ, ಯೇಸು ಕ್ರಿಸ್ತನಗುಂಡ್ ನಿಂಗಕ್ ಒರ್ ಪ್ರಯೋಜನವು ಇಲ್ಲೇಂದ್ ಪೌಲನಾನ ನಾನ್ ನಿಂಗಕ್ ಎಣ್ಣ್‌ವಿ.

ಗಲಾತ್ಯ 5:2 ပူးပေါင်းရင်းမြစ်များ

ಅಪೊಸ್ತಲ 15:1

ಪೌಲ ಪಿಂಞ ಬಾರ್ನಬ ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಸಮಯತ್‍ಲ್, ಚೆನ್ನ ಯೆಹೂದ್ಯ ಜನ ಯೂದಾಯತ್ಂಜ ಅಂತಿಯೋಕ್ಯಕ್ ಬಂದಿತ್: ನಿಂಗ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನ ಪ್ರಕಾರ ಸುನ್ನತಿ ಮಾಡತೆ ಪೋಚೇಂಗಿ ನಿಂಗಕ್ ರಕ್ಷಣೆ ಕ್‍ಟ್ಟ್‌ಲೇಂದ್ ಅಲ್ಲಿಯತ್‍ರ ಯೇಸುನ ನಂಬ್‍ನ ಜನಕ್ ಉಪದೇಶ ಮಾಡಿಯಂಡ್ ಇಂಜತ್.

ಅಪೊಸ್ತಲ 15:24

ನಂಗ ಅಪ್ಪಣೆ ಕೊಡ್‌ತಿತ್ ಅಯಿಕತ ಚೆನ್ನ ಜನ ನಂಗಡ ಕಡೇಯಿಂಜ ನಿಂಗಡ ಪಕ್ಕ ಬಂದಿತ್, ನಿಂಗಡ ಮನಸ್ಸ್‌ನ ಗಲಿಬಿಲಿ ಮಾಡ್‌ಚೀಂದ್ ನಂಗಕ್ ಗೊತ್ತಾಚಿ.

ಅಪೊಸ್ತಲ 15:5

ಅಕ್ಕ ಫರಿಸಾಯಂಗಡ ಕೂಟತ್‌ಂಜ ಯೇಸುರ ಮೇಲೆ ನಂಬಿಕೆ ಇಟ್ಟಿತ್ಂಜ ಚೆನ್ನ ಜನ, ದೇವಡ ಬರಿಕ್ ಮನಸ್ಸ್ ತಿರುಗ್‍ನ ಯೆಹೂದ್ಯರಲ್ಲತ ಬೋರೆ ಜನಕ್ ಸುನ್ನತಿ ಮಾಡಿತ್ ಮೋಶೇರ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಕ್ ಪಡಿಪ್‍ಚಿಡಂಡೂಂದ್ ಎಣ್ಣ್‌ಚಿ.

1 ಕೊರಿಂಥ 16:21

ಪೌಲನಾನ ನಾನ್ ನಾಡ ಸ್ವಂತ ಕೈಯಿಂಜ ನಿಂಗಕ್ ವಂದನೆ ಒಳ್‌ದಿಯಂಡುಂಡ್.

2 ಕೊರಿಂಥ 10:1

ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ.

ಗಲಾತ್ಯ 5:11

ನಾಡ ಅಣ್ಣತಮ್ಮಣಂಗಳೇ, ಸುನ್ನತಿ ಮಾಡಂಡೂಂದ್ ನಾನ್ ಇಂಞು ಬೋದನೆ ಮಾಡಿಯಂಡಿಂಜತೇಂಗಿ ಎನ್ನಂಗಾಯಿತ್ ನಾಕ್ ಇಕ್ಕಲು ತೊಂದರೆ ಬಂದಂಡುಂಡ್? ಅನ್ನನೆ ಆಚೇಂಗಿ, ಕ್ರಿಸ್ತಂಡ ಶಿಲುಬೇರ ವಿಷಯತ್ಂಜ ಬಪ್ಪ ನಿಂದನೆ ಇಲ್ಲತೆ ಪೋಯಿತ್‌ಪ್ಪ್‌ಲೆಯಾ?

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

1 ಥೆಸಲೊನೀಕ 2:18

ನಿಂಗಡ ಪಕ್ಕ ಇಂಞೊಮ್ಮ ಬರಂಡೂಂದ್ ಇಂಜತ್. ಪೌಲನಾನ ನಾನೇ ನಿಂಗಡ ಪಕ್ಕ ಪುನಃ ಪುನಃ ಬರಂಡೂಂದ್ ಇಂಜಿಯೆ, ಆಚೇಂಗಿ ಸೈತಾನ ನಂಗಳ ತಡೆ ಮಾಡಿರ್‌ತ್.

ಫಿಲೆಮೋನ 1:19

ಪೌಲನಾನ ನಾನೇ ನಾಡ ಸ್ವಂತ ಕೈಯಿಂಜ ಇದ್‍ನ ಒಳ್‍ದಿಯೆ. ನಾನೇ ಅದ್‍ನ ವಾಪಸ್ ತಪ್ಪಿ. ನೀಡ ಆತ್ಮೀಯ ವಿಷಯತ್‍ಲ್ ನೀನೇ ನಾಕ್ ಸಾಲ ಕೊಡ್‍ಕಂಡೂಂದ್ ನಾನ್ ನೀಕ್ ಎಣ್ಣಂಡುವಾ?

ಇಬ್ರಿಯ 4:2

ಎನ್ನಂಗೆಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿ ಅಯಿಂಗಕ್ ಅರಿಚಿಟ್ಟನೆಕೆ, ನಂಗಕು ಅರಿಚಿಟ್ಟಿತುಂಡ್; ಅದ್‍ನ ಕ್‍ೕಟಯಿಂಗ ನಂಬಿಕೆ ಇಲ್ಲತೆ ಕ್‍ೕಟಾಂಗ್, ಅಯಿಂಗ ಕ್‍ೕಟ ವಾಕ್ಯ ಅಯಿಂಗಕ್ ಪ್ರಯೋಜನಪಟ್ಟಿತ್‌ಲ್ಲೆ.