ಗಲಾತ್ಯ 5:16 - ಕೊಡವ ಬೈಬಲ್

¹⁶ ಆನಗುಂಡ್, ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ಪವಿತ್ರಾತ್ಮ ಕಾಟುವ ಬಟ್ಟೇಲ್ ನಿಂಗ ನಡ್ಂದೋಳಿ, ಅಕ್ಕ ನಿಂಗಡ ಶರೀರತ್‍ಲ್ ಉಳ್ಳ ಪಾಪತ್‍ರ ಗುಣ ನಿಂಗಳ ನಡ್‍ತುವಕ್ ಬುಡುಲೆ.

ಗಲಾತ್ಯ 5:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 6:3

ಅಕ್ಕ ಯೆಹೋವ: ನಾಡ ಆತ್ಮ ಮನುಷ್ಯಂಗಡಗುಂಡ್‌ ಕಾಲಕಾಲಕು ಪೊರುಮೆಯಾಯಿತ್‌ ಇಪ್ಪುಲೆ, ಅಂವೊ ನಾಶ ಆಯಿಪೋಪ ಜೀವ ತಾನೇ, ಅಂವೊಂಡ ಬದ್‌ಕ್‌ ನೂಟ್ಯ ಇರ್ವದ್‌ ಕಾಲ ಇರಡ್‍ೕಂದ್‌ ಎಣ್ಣ್‌ಚಿ.

ರೋಮ್ 6:12

ಆನಗುಂಡ್, ನಿಂಗಡ ತಡೀರ ಇಚ್ಛೆರನೆಕೆ, ಪಾಪಕ್ ಬಗ್ಗಿತ್ ನಡ್‍ಕತೆ, ಪಿಂಞ ನಾಶ ಆಯಿಪೋಪ ನಿಂಗಡ ತಡೀಲ್ ಪಾಪ ಆಳುವಕ್ ಬುಡತಿ.

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

1 ಕೊರಿಂಥ 7:29

ನಾಡ ಅಣ್ಣತಮ್ಮಣಂಗಳೇ, ನಾನ್ ಎಣ್ಣಿಯಂಡುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಗಕ್ ದುಂಬ ಸಮಯ ಇಲ್ಲೆ. ಆನಗುಂಡ್, ಇಕ್ಕಯಿಂಜ ಪೊಣ್ಣ್ ಉಳ್ಳ ಆಣಾಳ್‍ವ, ಪೊಣ್ಣ್ ಇಲ್ಲತನೆಕೆ ಇಕ್ಕಂಡು.

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

ಗಲಾತ್ಯ 3:17

ಆನಗುಂಡ್ ನಾನ್ ಎಂತ ಎಣ್ಣಿಯಂಡುಳ್ಳ್‍ೕಂದ್ ಎಣ್ಣ್‌ಚೇಂಗಿ, ಕ್ರಿಸ್ತಂಡ ವಿಷಯತ್‍ಲ್ ಮಿಂಞಲೇ ದೇವ ಅಬ್ರಹಾಮಂಡ ಕೂಡೆ ದೃಡವಾಯಿತ್ ಮಾಡ್‍ನ ಒಪ್ಪಂದತ್‍ನ, ನಾನೂಟ್ಯ ನುಪ್ಪದ್ ಕಾಲಕ್ ಬಯ್ಯ ಬಂದ ನ್ಯಾಯಪ್ರಮಾಣ ಪೊರಮೆ ತಳ್ಳಿತ್ ವಾಗ್ದಾನತ್‍ನ ಒಂದು ಇಲ್ಲತನೆಕೆ ಮಾಡ್‌ವಕ್ ಕಯ್ಯುಲೆ.

ಗಲಾತ್ಯ 6:8

ತಾಂಡ ಸ್ವಂತ ಆಸೇನ ತೃಪ್ತಿ ಪಡ್‍ತ್‍ವಕಾಯಿತ್ ಮಾತ್ರ ಬದ್‍ಕ್‍ವಯಿಂಗ ಪಾಪ ಗುಣತ್‍ರ ಫಲವಾನ ಚಾವ್‍ನ ಕೊಯ್ಯುವ. ಆಚೇಂಗಿ ದೇವಡ ಆತ್ಮತ್‌ನ ಕುಶಿಪಡ್‍ತುವಕಾಯಿತ್ ಬದ್‍ಕ್‍ವಯಿಂಗ ಪವಿತ್ರಾತ್ಮ ತಪ್ಪ ನಿತ್ಯ ಜೀವತ್‍ನ ಕೊಯ್ಯುವ.

ಎಫೆಸ 2:3

ನಂಗಳು ಸಹ ಅನ್ನನೆ ನಂಗಡ ತಡೀರ ಇಚ್ಛೆರ ಪ್ರಕಾರ ನಡ್ಂದಂಡ್, ನಂಗಡ ತಡಿ ಪಿಂಞ ಮನಸ್ಸ್ ಇಷ್ಟ ಪಟ್ಟಾನ ಮಾಡಿಯಂಡ್ ಇಂಜತ್. ಅನ್ನನೆ ನಂಗಡ ಪಾಪ ಗುಣತ್‍ರ ಪ್ರಕಾರ ಬೋರೆಯಿಂಗಡನೆಕೆ ದೇವಡ ಬಲ್ಯ ಚೆಡಿರ ಮಕ್ಕಳಾಯಿತ್ ಶಿಕ್ಷೆಕ್ ಒಳಪಟ್ಟಿತ್ಂಜತ್.

ಕೊಲೊಸ್ಸೆ 2:11

ಅದಲ್ಲತೆ, ನಿಂಗ ಕ್ರಿಸ್ತಂಡಲ್ಲಿ ಉಳ್ಳಗುಂಡ್, ಯೆಹೂದ್ಯಂಗ, ತಡೀಲ್ ಮಾಡ್‌ವ ಸುನ್ನತಿರನೆಕೆ ಅಲ್ಲ, ಆಚೇಂಗಿ ತಡೀಲ್ ಪಾಪ ವಾಸ ಮಾಡ್‌ವ ನಂಗಡ ಪಾಪತ್‍ರ ಗುಣತ್‍ನ ಕೆತ್ತಿತ್ ಕಳೆಯುವನೆಕೆ ಕ್ರಿಸ್ತಂಡಿಲ್ಲಿ ಆತ್ಮೀಯ ಸುನ್ನತಿ ಪಡ್ಂದಿತುಳ್ಳಿರ.

1 ಪೇತ್ರ 1:14

ನಿಂಗ ಯೇಸುನ ನಂಬ್‍ನಯಿಂಗಳಾಯಿತ್ ಉಳ್ಳಾಂಗ್, ಅಂವೊ ಎಣ್ಣುವಾನ ಮಾಡಿಯಂಡ್ ಇರಿ. ನಿಂಗಡ ಪಳೆಯ ಬದ್‍ಕ್‍ಲ್ ಗೊತ್ತ್‌ಲ್ಲತೆ ಮಾಡಿಯಂಡಿಂಜ ಇಚ್ಛೆರನೆಕೆ ಮಡ್‌ವಕ್ಕಾಗ.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

1 ಪೇತ್ರ 2:11

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.

1 ಪೇತ್ರ 4:6

ಈ ಕಾರಣಕಾಯಿತ್, ಎಲ್ಲಾರ್‌ಕು ಕ್‍ಟ್ಟುವ ನ್ಯಾಯತೀರ್ಪ್‌ರನೆಕೆ ತಡೀಲ್ ಅಯಿಂಗ ಚತ್ತ್ ಪೋಯಿತ್ಂಜತೇಂಗಿಯು, ಆತ್ಮತ್‍ಲ್ ದೇವಡ ಕೂಡೆ ಅಯಿಂಗ ಬದ್‍ಕ್‍ವನೆಕೆ ದೇವಡ ನಲ್ಲ ಸುದ್ದಿನ ಅರಿಚಿಟ್ಟತ್.