ಗಲಾತ್ಯ 5:11 - ಕೊಡವ ಬೈಬಲ್

¹¹ ನಾಡ ಅಣ್ಣತಮ್ಮಣಂಗಳೇ, ಸುನ್ನತಿ ಮಾಡಂಡೂಂದ್ ನಾನ್ ಇಂಞು ಬೋದನೆ ಮಾಡಿಯಂಡಿಂಜತೇಂಗಿ ಎನ್ನಂಗಾಯಿತ್ ನಾಕ್ ಇಕ್ಕಲು ತೊಂದರೆ ಬಂದಂಡುಂಡ್? ಅನ್ನನೆ ಆಚೇಂಗಿ, ಕ್ರಿಸ್ತಂಡ ಶಿಲುಬೇರ ವಿಷಯತ್ಂಜ ಬಪ್ಪ ನಿಂದನೆ ಇಲ್ಲತೆ ಪೋಯಿತ್‌ಪ್ಪ್‌ಲೆಯಾ?

ಗಲಾತ್ಯ 5:11 ပူးပေါင်းရင်းမြစ်များ

ಅಪೊಸ್ತಲ 16:3

ತಿಮೊಥೆಯನ ತಾಂಡಕೂಡೆ ಕಾಕಿಯಂಡ್ ಪೋಪಕ್ ಪೌಲ ಕುಶೀಲ್ ಇಂಜತ್. ಆಚೇಂಗಿ, ಅಂವೊಂಡ ಅಪ್ಪ ಗ್ರೀಕ್ ಜನಕ್ ಕೂಡ್‍ನಂವೋಂದ್ ಅಲ್ಲಿಯತ್‍ರ ಯೆಹೂದ್ಯ ಅಲ್ಲತಯಿಂಗಕ್ ಗೊತ್ತ್ಂಜಗುಂಡ್, ಅಯಿಂಗಕಾಯಿತ್ ತಿಮೊಥೆಯಂಗ್ ಅಂವೊ ಸುನ್ನತಿ ಮಾಡ್‍ಚಿ.

ಅಪೊಸ್ತಲ 21:21

ಯೆಹೂದ್ಯಂಗ ಅಲ್ಲತೆ ಬೋರೆ ಜನಾಂಗಡಡೆಲ್ ವಾಸ ಮಾಡಿಯಂಡುಳ್ಳ ಯೆಹೂದ್ಯಂಗೆಲ್ಲಾ ಅಯಿಂಗಡ ಮಕ್ಕಕ್ ಸುನ್ನತಿ ಮಾಡ್‌ವದು, ನಂಗಡ ಪದ್ದತಿರ ಪ್ರಕಾರ ನಡ್‍ಪದೂ ಬೋಂಡಾಂದ್ ನೀನ್ ಎಣ್ಣಿತ್, ನ್ಯಾಯಪ್ರಮಾಣತ್‍ನ ಬುಟ್ಟಿತ್ ಪೋಯೀಂದ್ ನೀನ್ ಬೋದನೆ ಮಾಡಿಯಂಡುಳ್ಳದ್‍ನ ಅಯಿಂಗ ಅರಿಂಜಿ ಬಂದಿತುಂಡ್.

ಅಪೊಸ್ತಲ 21:28

ಅಯಿಂಗ ಬಲ್ಯ ಸ್ವರತ್‍ಲ್: ಇಸ್ರಾಯೇಲ್ ಜನಳೇ, ಸಹಾಯ ಮಾಡಿ, ನಂಗಡ ಜನಾಂಗಕು ನ್ಯಾಯಪ್ರಮಾಣಕು ಈ ದೇವಾಲಯಕು ವಿರೋದವಾಯಿತ್ ಎಲ್ಲಾ ಜಾಗತ್‍ಲ್ ಪಿಂಞ ಎಲ್ಲಾ ಜನಕ್ ಬೋದನೆ ಮಾಡ್‌ವ ಮನುಷ್ಯ ಇಂವೊನೇ; ಇದ್‍ಲ್ಲತೆ, ಇಂವೊ ಯೆಹೂದ್ಯ ಅಲ್ಲತ ಜನತ್‍ನ ದೇವಾಲಯತ್‍ರ ಒಳ್‍ಕ್ ಕೂಟಿಯಂಡ್ ಬಂದಿತ್, ಈ ಪವಿತ್ರವಾನ ದೇವಾಲಯತ್‍ನ ಅಶುದ್ದ ಮಾಡ್‍ಚೀಂದ್ ಕೂತ್ ಕೊಡ್‍ತತ್.

1 ಕೊರಿಂಥ 1:18

ಯೇಸು ಶಿಲುಬೇಲ್ ಚತ್ತತ್‍ೕಂದ್ ಎಣ್ಣುವ ಸುದ್ದಿ, ನಾಶವಾಯಿತ್ ಪೋಯಂಡುಳ್ಳ ಜನಕ್ ಪುಚ್ಚಿ ತಕ್ಕ್‌ರನೆಕೆ ಉಂಡ್, ಆಚೇಂಗಿ ರಕ್ಷಣೆ ಕ್‍ಟ್ಟಿತುಳ್ಳ ನಂಗಕ್ ಆ ಸುದ್ದಿ ದೇವಡ ಶಕ್ತಿಯಾಯಿತುಂಡ್.

1 ಕೊರಿಂಥ 1:23

ಆಚೇಂಗಿ ನಂಗ, ಶಿಲುಬೇಲ್ ಚತ್ತ ಕ್ರಿಸ್ತನ ಬೋದನೆ ಮಾಡಿಯಂಡುಂಡ್; ಆ ಬೋದನೆನ ಯೆಹೂದ್ಯಂಗ ನಂಬುವಕ್ ಕುಶಿಪಡುಲೆ, ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನ ಇದ್ ಪುಚ್ಚಿ ತಕ್ಕ್‌ರನೆಕೆ ಉಂಡ್‍ೕಂದ್ ಎಣ್ಣುವ.

1 ಕೊರಿಂಥ 15:30

ಅಕ್ಕ, ಎಕ್ಕ ಆಚೇಂಗಿಯು ನಂಗಳ ಕೊಂದ್‍ರ್‍ವಾಂದ್ ನಂಗ ಎನ್ನಂಗ್ ನೋಟಿಯಂಡಿರಂಡೂ?

ಗಲಾತ್ಯ 2:3

ನಾಡ ಕೂಡೆ ಇಂಜ ತೀತ, ಗ್ರೀಕ್ ದೇಶತ್‍ರ ಮನುಷ್ಯನಾಯಿತ್ಂಜತೇಂಗಿಯು ಅಂವೊಂಗ್ ಸುನ್ನತಿ ಮಾಡಂಡೂಂದ್ ಅಯಿಂಗ ಒತ್ತಾಯ ಮಾಡಿತ್ತ್‌ಲ್ಲೆ.

ಗಲಾತ್ಯ 3:1

ಓ ಮುಠಾಳ ಗಲಾತ್ಯ ಜನಳೇ! ಯೇಸು ಕ್ರಿಸ್ತ ಶಿಲುಬೇಲ್ ನಿಂಗಡ ಕಣ್ಣ್‌ರ ಮಿಂಞತ್ ಚತ್ತನೆಕೆ, ನಿಂಗಕ್ ಅಂವೊಂಡ ಚಾವ್‍ರ ವಿಷಯತ್‍ನ ನಾನ್ ವಿವರಿಚಿಟ್ಟತೇಂಗಿಯು, ಇಕ್ಕ ನಿಂಗಳ ಸೊಯ ಇಲ್ಲತನೆಕೆ ಮಾಡ್‍ನಂವೊ ದಾರ್?

ಗಲಾತ್ಯ 4:29

ಆಚೇಂಗಿ, ಮನುಷ್ಯಂಡ ಆಲೋಚನೆಲ್ ಪುಟ್ಟ್‌ನಂವೊ ಪವಿತ್ರಾತ್ಮತ್‍ರಗುಂಡ್ ಪುಟ್ಟ್‌ನಂವೊನ ಅಕ್ಕ ನೊಂಬಲ ಮಾಡ್‍ನನೆಕೆ ಇಕ್ಕಲು ಆಯಂಡುಂಡ್.

ಗಲಾತ್ಯ 6:12

ಅಯಿಂಗಡ ವಿಷಯತ್ ಎಲ್ಲಾರು ಚಾಯಿ ಎಣ್ಣಂಡೂಂದ್ ಗೇನಮಾಡ್‌ವಯಿಂಗಳೇ ನಿಂಗಳ ಸುನ್ನತಿ ಮಾಡಂಡೂಂದ್ ಒತ್ತಾಯ ಮಾಡ್‌ವ. ಅಯಿಂಗ ಕ್ರಿಸ್ತಂಡ ಶಿಲುಬೇರಗುಂಡ್ ಬಪ್ಪ ಕಷ್ಟತ್ಂಜ ತಪ್ಪ್‌ಚಿಡುವಕಾಯಿತ್ ಅನ್ನನೆ ಮಾಡ್‌ವ.

ಗಲಾತ್ಯ 6:17

ಕಡೇಕ್ ಇನ್ನನೆ ಎಣ್ಣ್‌ವಿ: ಇಂಞು ಮಿಂಞಕ್ ನಾಕ್ ದಾರೂ ತೊಂದರೆ ತರಂಡ, ಎನ್ನಂಗೆಣ್ಣ್‌ಚೇಂಗಿ ನಾಡ ಮೇಲ್‌ಲ್ ಉಳ್ಳ ಗಾಯ ನಾನ್ ಯೇಸುರ ಆಳ್‍ೕಂದ್ ಕಾಟ್‍ವ.