ಗಲಾತ್ಯ 4:8 - ಕೊಡವ ಬೈಬಲ್

⁸ ಮಿಂಞ ನಿಂಗಕ್ ದೇವನ ಗೊತ್ತಿಲ್ಲತ್‌ಪ್ಪಕ, ನೇರಾನ ದೇವಂಗ ಅಲ್ಲತ ದೇವಂಗಕ್ ಅಡಿಯಾಳಾಯಿತ್ಂಜಿರ.

ಗಲಾತ್ಯ 4:8 ပူးပေါင်းရင်းမြစ်များ

ಯೋಹಾನ 1:10

ಅಂವೊ ಈ ಲೋಕತ್‍ಲ್ ಇಂಜತ್, ಅಂವೊಂಡ ಮೂಲಕ ಲೋಕತ್‍ನ ದೇವ ಸೃಷ್ಟಿ ಮಾಡ್‍ಚಿ. ಆಚೇಂಗಿ ಅಯಿಂಗ ಅಂವೊನ ಅರ್ಥ ಮಾಡಿತ್‌ಲ್ಲೆ.

ಅಪೊಸ್ತಲ 14:12

ಬಾರ್ನಬನ ಅಯಿಂಗಡ ಮುಕ್ಯ ದೇವ ಯೂಪಿತರ್‍ೕಂದು, ಪೌಲ ಬೋದನೆ ಮಾಡ್‍ನಗುಂಡ್, ಅಂವೊನ, ದೇವಡ ವಿಷಯತ್ ತಕ್ಕ್ ಪರಿಯುವ ದೇವ ಮೆರ್ಕುರೀಂದು ಕಾಕ್‍ಚಿ.

ಅಪೊಸ್ತಲ 17:23

ನಾನ್ ನಿಂಗಡ ಪಟ್ಟಣತ್‍ಲ್ ನಡ್ಂದ್ ಪೋಯಂಡಿಪ್ಪಕ, ನಿಂಗ ಪೂಜೆ ಮಾಡ್‌ವ ಬೋರೆ ಬೋರೆ ವಸ್ತುನ ಚಾಯಿತೆ ನೋಟಿಯಂಡಿಪ್ಪಕ, ಅರಿಯತ ದೇವಕ್‍ೕಂದ್ ಒಳ್‍ದಿತ್ಂಜ ಒರ್ ಬಲಿಪೀಠತ್‍ನ ಕಂಡಿಯೆ. ನಿಂಗ ಅರಿಯತೆ ಪೂಜೆಮಾಡಿಯಂಡುಳ್ಳಂವೊಂಡ ವಿಷಯತ್‍ನೇ ನಾನ್ ಎಣ್ಣಿಯಂಡುಳ್ಳ.

ರೋಮ್ 1:23

ಅಯಿಂಗ ನೇರಾನ, ಪಿಂಞ ಎಕ್ಕಾಲು ಬದ್‍ಕ್‍ವ ಮಹಿಮೇರ ದೇವನ ತುದಿಕತೆ, ಪಾಳಾಪ ಮನುಷ್ಯ, ಪ್ರಾಣಿ ಪಕ್ಷಿಯ ಪಿಂಞ ಜೀವಜಂತುಕಂಗಡ ರೂಪತ್‌ಲ್ ವಿಗ್ರಹತ್‍ನ ಪೂಜೆ ಮಾಡ್‌ವ.

ರೋಮ್ 1:28

ಅಯಿಂಗಕ್ ದೇವನ ಗೊತ್ತ್ ಮಾಡ್‌ವ ಬುದ್ದಿನ ಗೇನಮಾಡ್‌ವಕ್ ಕುಶಿಯಿಲ್ಲತಗುಂಡ್, ಮಾಡ್‌ವಕ್ಕಾಗತ ಕೆಟ್ಟ ಕೆಲಸತ್‍ನ ಮಾಡ್‌ವಕುಳ್ಳ ಗೇನಕ್ ದೇವ ಅಯಿಂಗಳ ಒಪ್ಪ್‌ಚಿಟ್ಟ್‌ರ್‌ತ್.

1 ಕೊರಿಂಥ 1:21

ಎನ್ನನೆ ಎಣ್ಣ್‌ಚೇಂಗಿ, ಮನುಷ್ಯಂಡ ಬುದ್ದಿಲ್ ಈ ಲೋಕ ಅಂವೊನ ಗೊತ್ತ್ ಮಾಡಿತ್‌ಲ್ಲೇಂದ್, ದೇವಕ್ ಅಂವೊಂಡ ಜ್ಞಾನತ್‍ಲ್ ಗೊತ್ತುಂಡ್. ಅನ್ನನೆ ನಂಗ ಎಣ್ಣುವ ಈ ತಕ್ಕ್‌ನ ಲೋಕತ್‍ರ ಜನ ಜ್ಞಾನ ಇಲ್ಲತ ಬೋದನೇಂದ್ ಎಣ್ಣುವ. ಆಚೇಂಗಿ ಅದ್‍ನ ನಂಬುವ ಜನತ್‍ನ ರಕ್ಷಣೆ ಮಾಡ್‌ವಕ್, ದೇವಕ್ ಕುಶಿಯಾಚಿ.

1 ಕೊರಿಂಥ 12:2

ನಿಂಗ ಕ್ರಿಸ್ತಂಡ ಪಕ್ಕ ಬಪ್ಪಕ್ ಮಿಂಞ, ತಕ್ಕ್‌ಪರಿವಕ್ ಕಯ್ಯತ ವಿಗ್ರಹಕ್ ನಿಂಗಡ ಮನಸ್ಸ್‌ನ ಕೊಡ್‍ತೀರಾಂದ್ ನಿಂಗಕ್ ಗೊತ್ತುಂಡ್.

1 ಕೊರಿಂಥ 8:4

ಆನಗುಂಡ್ ವಿಗ್ರಹಕ್ ಅರ್ಪಿಚಿಟ್ಟ ಆಹಾರತ್‍ರ ವಿಷಯತ್: ಈ ಲೋಕತ್‍ಲ್ ವಿಗ್ರಹ ಎಣ್ಣುವದ್ ಒಂದು ಇಲ್ಲೇಂದು, ಒಬ್ಬನ ಬುಟ್ಟಿತ್ ಬೋರೆ ದೇವ ಇಲ್ಲೇಂದು ನಂಗಕ್ ಗೊತ್ತುಂಡ್.

ಗಲಾತ್ಯ 4:3

ನಂಗ ಸಹ ಕ್ರಿಸ್ತನ ಗೊತ್ತಾಪಕ್ ಮಿಂಞ ಅನ್ನನೆ ಇಂಜತ್. ನಂಗ ಚೆರಿಯ ಮಕ್ಕಳಾಯಿತ್‌ಪ್ಪಕ, ಈ ಲೋಕತ್‍ರ ಆತ್ಮೀಯ ಅದಿಕಾರಕ್ ಆಡಿಯಾಳಾಯಿತ್ಂಜತ್.

ಎಫೆಸ 4:18

ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್, ಅಯಿಂಗಡ ಹೃದಯತ್‍ನ ಅಯಿಂಗ ಕಠಿಣ ಮಾಡಿತುಳ್ಳಗುಂಡ್ ಅಯಿಂಗಡ ಮನಸ್ಸ್‌ಕ್ ಒಂದು ಅರ್ಥ ಆಕತನೆಕೆ, ದೇವಡ ಜೀವಕ್ ಅನ್ಯರಾಯಿತ್ ಉಂಡ್.

1 ಥೆಸಲೊನೀಕ 1:9

ಎನ್ನಂಗೆಣ್ಣ್‌ಚೇಂಗಿ, ನಂಗ ನಿಂಗಡ ಪಕ್ಕ ಬಪ್ಪಕ, ನಿಂಗ ನಂಗಳ ಎನ್ನನೆ ಸತ್ಕಾರ ತಂದಿರಾಂದ್ ಅಯಿಂಗಳೇ ನಂಗಕ್ ಎಣ್ಣ್‌ಚಿ. ನಿಂಗ ಎನ್ನನೆ ವಿಗ್ರಹತ್‍ನ ಪೂಜೆ ಮಾಡ್‌ವಾನ ಬುಟ್ಟಿತ್, ಜೀವವುಳ್ಳ ಸತ್ಯವಾನ ದೇವನ ಆರಾದನೆ ಮಾಡ್‌ವಕ್ ತಿರಿತುಳ್ಳಿರಾಂದ್ ಅಯಿಂಗಳೇ ಎಣ್ಣ್‌ಚಿ.

1 ಥೆಸಲೊನೀಕ 4:5

ದೇವನ ನಂಬತಯಿಂಗ ಪಿಂಞ ಗೊತ್ತಿಲ್ಲತಯಿಂಗ ಬದ್‍ಕ್‍ವನೆಕೆ, ಮೋಹತ್‍ಲ್ ಬದ್‍ಕವಕ್ಕಾಗ.

1 ಪೇತ್ರ 4:3

ಕಯಿಂಜ ಕಾಲತ್‍ಲ್ ನಂಗ ದೇವನ ಗೊತ್ತ್‌ಲ್ಲತಯಿಂಗ ಎನ್ನನೆ ಬದ್‍ಕಂಡೂಂದ್ ಗೇನಮಾಡ್‍ಚೋ ಅನ್ನನೆ ಬೋಂಡಿಯಚ್ಚಕ್ ಬದ್‍ಕಿರ್‌ತ್. ಅಕ್ಕ ನಂಗ ತಡೀರ ಮೋಹತ್‍ಲ್, ಇಚ್ಛೆಲ್ ನಡ್‌ದಂಡ್, ಕುಡಿಚಂಡ್, ಕೂಟ್‌ಕಳಿ ಮಾಡ್‌ವಯಿಂಗಳಾಯಿತ್, ಕುಡ್‍ಕಂಗಳಾಯಿತ್ ಅಸಹ್ಯವಾನ ವಿಗ್ರಹ ಆರಾದನೆ ಮಾಡಿಯಂಡ್ ಇಂಜತ್.

1 ಯೋಹಾನ 3:1

ನಂಗಳ ದೇವಡ ಮಕ್ಕಾಂದ್ ಕಾಕ್‍ನಗುಂಡ್ ನಂಗಡ ದೇವನಾನ ಅಪ್ಪ ನಂಗಡ ಮೇಲೆ ಇಟ್ಟಿತ್ತುಳ್ಳ ಪ್ರೀತಿ ಎಚ್ಚಕ್ ಬಲ್ಯದ್‍ೕಂದ್ ನೋಟಿ! ಅಕ್ಕು, ನಂಗ ದೇವಡ ಮಕ್ಕಳೇ! ಆಚೇಂಗಿ, ಈ ಲೋಕತ್‍ರ ಜನ ನಂಗಳ ದೇವಡ ಮಕ್ಕಾಂದ್ ಅರಿಂಜಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗಕ್ ದೇವನ ಗೊತ್ತ್‌ಲ್ಲೆ.