ಗಲಾತ್ಯ 4:31 - ಕೊಡವ ಬೈಬಲ್

³¹ ಇನ್ನನೆ ಇಪ್ಪಕ, ನಾಡ ಅಣ್ಣತಮ್ಮಣಂಗಳೇ, ನಂಗ ಅಡಿಯಾಳಾಯಿತಿಂಜ ಪೊಣ್ಣ್‌ರ ಮಕ್ಕಳಾಯಿತ್ ಅಲ್ಲ, ಸ್ವಂತ ಪೊಣ್ಣ್‌ರ ಮಕ್ಕಳಾಯಿತ್ ಉಂಡ್.

ಗಲಾತ್ಯ 4:31 ပူးပေါင်းရင်းမြစ်များ

ಯೋಹಾನ 8:36

ಆನಗುಂಡ್ ಮೋಂವೊ ನಿಂಗಳ ಬುಡ್‍ಗಡೆ ಮಾಡ್‍ನಕ ನಿಂಗ ನೇರಾಯಿತು ಬುಡ್‍ಗಡೆ ಆಪಿರ.

ಗಲಾತ್ಯ 4:22

ಅಬ್ರಹಾಮಂಗ್ ದಂಡ್ ಕ್‍ಣ್ಣ ಮಕ್ಕ ಇಂಜತ್‍ೕಂದ್ ದೇವಡ ವಾಕ್ಯ ಎಣ್ಣ್‌ವ; ಒರ್ ಮೋಂವೊ ಅಡಿಯಾಳಾಯಿತಿಂಜ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ, ಇಂಞೊಬ್ಬ ಸ್ವಾತಂತ್ರವಾನ ಅಂವೊಂಡ ಸ್ವಂತ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ.

ಗಲಾತ್ಯ 4:30

ಆಚೇಂಗಿ ಇದ್ಂಡ ವಿಷಯತ್ ದೇವಡ ವಾಕ್ಯ ಎಂತ ಎಣ್ಣುವ? ಅಡಿಯಾಳಾಯಿತಿಂಜ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ ಸ್ವಂತ ಪೊಣ್ಣ್‌ನಗುಂಡ್ ಪುಟ್ಟ್‌ನಂವೊಂಡನೆಕೆ ಹಕ್ಕ್‌ದಾರನಾಯಿತ್‌ಪ್ಪುಲೆ; ಆನಗುಂಡ್ ಅಡಿಯಾಳಾಯಿತಿಂಜ ಪೊಣ್ಣ್ ಪಿಂಞ ಅವಡ ಮೋಂವೊನ ಪೊರಮೆ ತಳ್ಳೀಂದ್ ಎಣ್ಣುವ.

ಗಲಾತ್ಯ 5:1

ಆನಗುಂಡ್, ನಂಗ ಪುನಃ ನ್ಯಾಯಪ್ರಮಾಣಕ್ ಅಡಿಯಾಳಾಕತೆ, ಕ್ರಿಸ್ತ ನಂಗಕ್ ಸ್ವಾತಂತ್ರವಾಯಿತ್ ಇರಂಡೂಂದ್ ಕೊಡ್‍ತ ಬದ್‍ಕ್‍ಲ್ ದೃಡವಾಯಿತ್ ನಿಕ್ಕಂಡು.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.