ಗಲಾತ್ಯ 4:26 - ಕೊಡವ ಬೈಬಲ್

²⁶ ಆಚೇಂಗಿ, ಇಂಞೊಬ್ಬ ಸ್ವಾವಂತ್ರವಾನ ಸಾರಾಳ ಎಣ್ಣುವವ. ಅವಳ ಪರಲೋಕತ್‍ರ ಯೆರೂಸಲೇಮ್‍ೕಂದ್ ಎಣ್ಣ್‌ವಕ್ ಕಯ್ಯು. ಅವಳೇ ನಂಗಕೆಲ್ಲ ಅವ್ವ.

ಗಲಾತ್ಯ 4:26 ပူးပေါင်းရင်းမြစ်များ

ಯೋಹಾನ 8:36

ಆನಗುಂಡ್ ಮೋಂವೊ ನಿಂಗಳ ಬುಡ್‍ಗಡೆ ಮಾಡ್‍ನಕ ನಿಂಗ ನೇರಾಯಿತು ಬುಡ್‍ಗಡೆ ಆಪಿರ.

ರೋಮ್ 6:14

ನಿಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಿತುಳ್ಳಗುಂಡ್ ಪಾಪ ನಿಂಗಳ ಆಳುವಕ್ ಕಯ್ಯುಲೆ.

ರೋಮ್ 6:18

ಇಕ್ಕ ನಿಂಗ ಪಾಪತ್ಂಜ ಬುಡುಗಡೆ ಆಯಿತ್ ನೀತಿರ ಅಡಿಯಾಳಾಯಿತುಳ್ಳಿರ.

ಗಲಾತ್ಯ 4:22

ಅಬ್ರಹಾಮಂಗ್ ದಂಡ್ ಕ್‍ಣ್ಣ ಮಕ್ಕ ಇಂಜತ್‍ೕಂದ್ ದೇವಡ ವಾಕ್ಯ ಎಣ್ಣ್‌ವ; ಒರ್ ಮೋಂವೊ ಅಡಿಯಾಳಾಯಿತಿಂಜ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ, ಇಂಞೊಬ್ಬ ಸ್ವಾತಂತ್ರವಾನ ಅಂವೊಂಡ ಸ್ವಂತ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ.

ಗಲಾತ್ಯ 4:25

ಹಾಗರ್ ಅರಬಿ ದೇಶತ್‍ಲ್ ಉಳ್ಳ ಸೀನಾಯಿ ಪರ್ವತತ್‍ರನೆಕೆ. ಅದ್ ಇಕ್ಕ ಉಳ್ಳ ಯೆರೂಸಲೇಮ್ಂದ್ ಎಣ್ಣ್‌ವಕ್ ಕಯ್ಯು. ಅನ್ನನೆ ಇಕ್ಕಲು ಅದ್ ಅದ್ಂಡ ಮಕ್ಕಡ ಕೂಡೆ ಅಡಿಯಾಳಾಯಿತ್ ಉಂಡ್.

ಗಲಾತ್ಯ 5:1

ಆನಗುಂಡ್, ನಂಗ ಪುನಃ ನ್ಯಾಯಪ್ರಮಾಣಕ್ ಅಡಿಯಾಳಾಕತೆ, ಕ್ರಿಸ್ತ ನಂಗಕ್ ಸ್ವಾತಂತ್ರವಾಯಿತ್ ಇರಂಡೂಂದ್ ಕೊಡ್‍ತ ಬದ್‍ಕ್‍ಲ್ ದೃಡವಾಯಿತ್ ನಿಕ್ಕಂಡು.

ಫಿಲಿಪ್ಪಿ 3:20

ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

ಇಬ್ರಿಯ 12:22

ಆಚೇಂಗಿ ನಿಂಗ, ಚೀಯೋನ್‌ ಕುಂದ್‍ಕು, ಜೀವವಾಯಿತುಳ್ಳ ದೇವಡ ಪಟ್ಟಣವಾನ ಪರಲೋಕತ್‍ರ ಯೆರೂಸಲೇಮ್‍ಕು, ಕುಶೀಲ್ ದುಂಬ್‍ನ ಆಯಿರ ಆಯಿರ ದೂತಂಗಡ ಪಕ್ಕವು ಬಂದಿತುಳ್ಳರ.

1 ಪೇತ್ರ 2:16

ಬುಡ್‍ಗಡೆ ಆನಯಿಂಗಳಾಯಿತ್ ಬದ್‍ಕಿ, ಆಚೇಂಗಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪ ಮಾಡಿತ್ ಮುಚ್ಚ್‌ವಕ್ ಉಪಯೋಗಿಚಿಡತಿ; ದೇವಡ ಸೇವಕಂಗಡನೆಕೆ ಬದ್‍ಕಂಡು.

ಪ್ರಕಟನೆ 12:1

ಬಾನತ್‍ಲ್ ಒರ್ ಬಲ್ಯ ಗುರ್‍ತ್‍ನ ಕಾಂಬಕಾಚಿ; ಅದ್ ಎಂತ ಎಣ್ಣ್‌ಚೇಂಗಿ ಒರ್ ಪೊಣ್ಣಾಳ್ ಸೂರ್ಯನ ಬಟ್ಟೇಯಾಯಿತ್ ಇಟ್ಟಂಡ್ ಇಂಜತ್. ಅವಡ ಕಾಲ್‍ರ ಅಡಿಲ್ ಚಂದ್ರ ಇಂಜತ್, ಪನ್ನೆರಂಡ್ ನಕ್ಷತ್ರ ಉಳ್ಳ ಒರ್ ಕಿರೀಟತ್‍ನ ಅವಡ ಮಂಡೆಕ್ ಇಟ್ಟಿತ್ಂಜತ್.

ಪ್ರಕಟನೆ 17:5

ಅವಡ ನೆತ್ತಿರ ಮೇಲೆ, ಮರ್ಮ, ಮಹಾ ಬಾಬೇಲ್, ವೇಶಿಯಂಗಕ್ ಬೂಮಿಲ್ ಉಳ್ಳ ಅಶುದ್ದಕೆಲ್ಲ ಅವ್ವ ಎಣ್ಣುವ ಪೆದ ಒಳ್‍ದಿತ್ಂಜತ್.

ಪ್ರಕಟನೆ 21:2

ಪಿಂಞ, ಪರಲೋಕತ್ಂಜ ಪವಿತ್ರ ಪಟ್ಟಣವಾನ ಪುದಿಯ ಯೆರೂಸಲೇಮ್ ದೇವಡ ಕಡೇಯಿಂಜ ಇಳಿಂಜಿ ಬಪ್ಪದ್‍ನ ನಾನ್ ಕಂಡಿಯೆ. ಅದ್ ತಾಂಡ ಮಂಗಲಕಾರಂಗಾಯಿತ್ ಅಲಂಕಾರ ಮಾಡಿತ್ಂಜ ಮಂಗಲಕರ್ತಿರನೆಕೆ ಇಂಜತ್.

ಪ್ರಕಟನೆ 3:12

ದಾರ್ ಗೆಲ್ಲುವ, ಅಂವೊನ ನಾನ್ ದೇವಾಲಯತ್‍ಲ್ ಕಂಬವಾಯಿತ್ ಮಾಡ್‌ವಿ, ಅದ್‍ಂಜ ಅಂವೊ ಎಕ್ಕಲೂ ಪೋಪದೇಯಿಲ್ಲೆ; ನಾಡ ದೇವಡ ಪೆದತ್‍ನ, ನಾಡ ದೇವನಗುಂಡ್ ಪರಲೋಕತ್ಂಜ ಇಳಿಂಜಿ ಬಪ್ಪ ಪುದಿಯ ಯೆರೂಸಲೇಮ್‍ೕಂದ್ ಎಣ್ಣುವ ನಾಡ ದೇವಡ ಪಟ್ಟಣತ್‍ರ ಪೆದತ್‍ನ ಪಿಂಞ ನಾಡ ಪುದಿಯ ಪೆದತ್‍ನ ಅಂವೊಂಡ ಮೇಲೆ ಒಳ್‍ದ್‍ವಿ.