ಗಲಾತ್ಯ 4:18 - ಕೊಡವ ಬೈಬಲ್

¹⁸ ದಾರೇಂಗಿ ನಿಂಗಕ್ ನಲ್ಲದ್ ಮಾಡಂಡೂಂದ್ ನೇರಾಯಿತು ಕುಶಿಪಟ್ಟತೇಂಗಿ, ಅದ್ ನಲ್ಲದೇ. ಆಚೇಂಗಿ ನಾನ್ ನಿಂಗಡ ಪಕ್ಕ ಇಪ್ಪಕ ಮಾತ್ರ ಅಲ್ಲ, ನಾನ್ ನಿಂಗಡಿಂಜ ದೂರ ಇಪ್ಪಕಲು ಅದೇ ತರ ಇರಂಡು.

ಗಲಾತ್ಯ 4:18 ပူးပေါင်းရင်းမြစ်များ

ಯೋಹಾನ 2:17

ಯೇಸು ಇನ್ನನೆ ಮಾಡ್‍ನದ್‍ನ ನೋಟಿತ್: ನೀಡ ಮನೆರ ಮೇಲೆ ಉಳ್ಳ ನಾಡ ವೈರಾಗ್ಯ, ನನ್ನ ಕತ್ತಿಚಿಡುವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್‍ನ ಅಂವೊಂಡ ಶಿಷ್ಯಂಗ ಗೇನ ಮಾಡ್‍ಚಿ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

ಗಲಾತ್ಯ 4:13

ನಾಕ್ ದುಂಬ ಸೌಕ್ಯ ಇಲ್ಲತೆ ಇಂಜಗುಂಡ್, ನಾನ್ ನಿಂಗಡ ಪಕ್ಕ ಬಂತ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನದ್ ನಿಂಗಕ್ ಗೊತ್ತುಂಡಲ್ಲ.

ಗಲಾತ್ಯ 4:17

ಆ ಕಳ್ಳ ಉಪಾದ್ಯಂಗಕ್ ನಿಂಗಡ ದಯೆ ಕ್‍ಟ್ಟಂಡೂಂದ್ ನಿಂಗಡ ಮೇಲೆ ದುಂಬ ಗೇನ ಮಾಡಿಯಂಡ್ ಉಂಡ್, ಆಚೇಂಗಿ ಅಯಿಂಗಡ ಗೇನ ಸರಿ ಅಲ್ಲ. ನಿಂಗ ಅಯಿಂಗ ಎಣ್ಣ್‌ವಾನ ಮಾತ್ರ ಕ್‍ೕಕಂಡೂಂದ್ ನಿಂಗಳ ನನ್ನಿಂಜ ಬೋರೆ ಮಾಡಂಡೂಂದ್ ಗೇನ ಮಾಡಿಯಂಡುಂಡ್.

ಗಲಾತ್ಯ 4:20

ಇಕ್ಕ ನಿಂಗಡ ಪಕ್ಕ ನಾನ್ ಬಂದಿತ್ ಚಾಯಿತೆ ತಕ್ಕ್ ಪರಿಯುಂಡೂಂದ್ ನಾಕ್ ಆಸೆ, ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ವಿಷಯತ್ ನಾಕ್ ದುಂಬ ಬೇಜಾರ್ ಉಂಡ್.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಫಿಲಿಪ್ಪಿ 2:12

ಅದ್ಂಗಾಯಿತ್ ನಾಡ ಪ್ರೀತಿರ ಜನಳೇ, ನಾಡ ಮಿಂಞತ್‍ಲ್ ನಿಂಗ ನಾಡ ತಕ್ಕ್‌ನ ಕ್‍ೕಟಂಡ್ ಇಂಜನೆಕೆ, ನಾನ್ ಇಲ್ಲತಿಪ್ಪಕ ಸಹ, ನಿಂಗ ಇಂಞು ದುಂಬ ಇಕ್ಕ ಕ್‍ೕಕಂಡು, ಆನಗುಂಡ್, ದೇವಡ ಮೇಲೆ ಬಕ್ತಿ ಪಿಂಞ ಪೋಡಿಲ್ ನಿಂಗಡ ರಕ್ಷಣೆ ಪೂರ್ತಿ ಆಪಕಾಯಿತ್ ನಿಂಗಡ ಬದ್‍ಕ್‍ಲ್ ಕಾಂಬನೆಕೆ ಚಾಯಿ ಕೆಲಸ ಮಾಡಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಪ್ರಕಟನೆ 3:19

ನಾಕ್ ದಾಡ ಮೇಲೆ ಕುಶಿ ಉಂಡೋ, ಅಯಿಂಗಕ್ ಜೋರ್ ಮಾಡಿತ್, ಅಯಿಂಗಕ್ ಶಿಕ್ಷೆ ತಪ್ಪಿ. ಆನಗುಂಡ್ ನೀನ್ ಎಚ್ಚರತ್‍ಲ್ ಇಂಜಿತ್ ದೇವಡ ಪಕ್ಕ ತಿರಿತ್ ಪಶ್ಚಾತಾಪ ಪಡ್‌ವಿಯ.