ಗಲಾತ್ಯ 4:16 - ಕೊಡವ ಬೈಬಲ್

¹⁶ ಇನ್ನನೆ ನಿಂಗಕ್ ಸತ್ಯತ್‍ನ ಎಣ್ಣ್‌ನಗುಂಡ್, ನಾನ್ ನಿಂಗಕ್ ಶತ್ರು ಆಯಿ ಪೋನನಾ?

ಗಲಾತ್ಯ 4:16 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 9:8

ಪರಿಹಾಸ ಮಾಡ್‌ವಂವೊನ ತಿದ್ದಂಡ, ಅಂವೊ ನಿನ್ನ ದ್ವೇಷ ಮಾಡುವ. ಜ್ಞಾನ ಉಳ್ಳಂವೊನ ತಿದ್ದ್‌ಚೇಂಗಿ, ಅಂವೊ ನಿನ್ನ ಪ್ರೀತಿ ಮಾಡುವ.

ಯೋಹಾನ 7:7

ಈ ಲೋಕತ್‍ರ ಜನ ನಿಂಗಳ ವಿರೋದಿಚಿಡುಲೆ, ಅಯಿಂಗ ಮಾಡ್‌ವ ಕಾರ್ಯವೆಲ್ಲಾ ಕೆಟ್ಟದ್‍ೕಂದ್ ನಾನ್ ಸಾಕ್ಷಿ ಎಣ್ಣಿಯಂಡುಳ್ಳಗುಂಡ್, ನನ್ನ ವಿರೋದಿಚಿಡುವ.

ಯೋಹಾನ 8:45

ನಾನ್ ನಿಂಗಕ್ ಸತ್ಯತ್‍ನ ಎಣ್ಣಿಯಂಡುಳ್ಳಗುಂಡ್ ನಿಂಗ ನನ್ನ ನಂಬುಲೆ.

ಗಲಾತ್ಯ 2:14

ಅಯಿಂಗ ಇನ್ನನೆ ನಲ್ಲ ಸುದ್ದಿರ ಸತ್ಯಕ್ ಸರಿಯಾನ ರೀತಿಲ್ ಮಾಡತದ್‍ನ ನಾನ್ ಕಾಂಬಕ, ಎಲ್ಲಾಡ ಮಿಂಞತ್ ನಾನ್ ಪೇತ್ರನ ನೋಟಿತ್, ಇನ್ನನೆ ಎಣ್ಣ್‌ನ: ಯೆಹೂದ್ಯನಾಯಿತುಳ್ಳ ನೀನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಕತೆ ಇಂಜಂಡ್, ಯೆಹೂದ್ಯರಲ್ಲತ ಜನ ಯೆಹೂದ್ಯ ಪದ್ದತಿರನೆಕೆ ನಡ್‍ಕಂಡೂಂದ್ ಎನ್ನನೆ ಒತ್ತಾಯ ಮಾಡ್‌ವಕ್ ಕಯ್ಯು?

ಗಲಾತ್ಯ 2:5

ಯೇಸು ಕ್ರಿಸ್ತಂಡ ನಲ್ಲ ಸುದ್ದಿರ ಸತ್ಯ ನಿಂಗಡಲ್ಲಿ ಎಕ್ಕಾಲು ಚಾಯಿತೆ ಇಪ್ಪಕಾಯಿತ್, ನಂಗ ಒರ್ ಗಳಿಗೆಯು ಅಯಿಂಗಕ್ ಕೆಮಿ ಕೊಡ್‍ತಿತ್‌ಲ್ಲೆ.

ಗಲಾತ್ಯ 4:15

ನಿಂಗ ಅಚ್ಚಕ್ ಕುಶೀಲ್ ಇಂಜಿರ! ನಿಂಗಕ್ ಇಕ್ಕ ಎಂತ ಆಚಿ? ಆ ದಿವಸತ್‍ಲ್, ನಿಂಗಕ್ ಕಯ್ಯುವೇಂಗಿ ಇಲ್ಲೆ, ನಾನ್ ಕ್‍ೕಟತೇಂಗಿ ನಿಂಗಡ ಕಣ್ಣ್‌ನ ಕೂಡೆ ನಾಕಾಯಿತ್ ಬಲ್‍ಚಿತ್ ಕೊಡ್‍ಪಕಿಂಜಿರಾಂದ್, ನಿಂಗಡ ವಿಷಯತ್‍ಲ್ ಸಾಕ್ಷಿ ಎಣ್ಣ್‌ವಿ.

ಗಲಾತ್ಯ 4:17

ಆ ಕಳ್ಳ ಉಪಾದ್ಯಂಗಕ್ ನಿಂಗಡ ದಯೆ ಕ್‍ಟ್ಟಂಡೂಂದ್ ನಿಂಗಡ ಮೇಲೆ ದುಂಬ ಗೇನ ಮಾಡಿಯಂಡ್ ಉಂಡ್, ಆಚೇಂಗಿ ಅಯಿಂಗಡ ಗೇನ ಸರಿ ಅಲ್ಲ. ನಿಂಗ ಅಯಿಂಗ ಎಣ್ಣ್‌ವಾನ ಮಾತ್ರ ಕ್‍ೕಕಂಡೂಂದ್ ನಿಂಗಳ ನನ್ನಿಂಜ ಬೋರೆ ಮಾಡಂಡೂಂದ್ ಗೇನ ಮಾಡಿಯಂಡುಂಡ್.

ಗಲಾತ್ಯ 5:7

ನಿಂಗ ಚಾಯಿತೆ ಓಡಿಯಂಡಿಂಜೀರಲ್ಲಾ? ಪಿಂಞ ದಾರ್ ನಿಂಗಳ ಸತ್ಯತ್‍ರ ಬಟ್ಟೇಲ್ ಪೋಕತನೆಕೆ ನಿಪ್ಪ್‌ಚಿಟ್ಟದ್?