ಗಲಾತ್ಯ 4:15 - ಕೊಡವ ಬೈಬಲ್

¹⁵ ನಿಂಗ ಅಚ್ಚಕ್ ಕುಶೀಲ್ ಇಂಜಿರ! ನಿಂಗಕ್ ಇಕ್ಕ ಎಂತ ಆಚಿ? ಆ ದಿವಸತ್‍ಲ್, ನಿಂಗಕ್ ಕಯ್ಯುವೇಂಗಿ ಇಲ್ಲೆ, ನಾನ್ ಕ್‍ೕಟತೇಂಗಿ ನಿಂಗಡ ಕಣ್ಣ್‌ನ ಕೂಡೆ ನಾಕಾಯಿತ್ ಬಲ್‍ಚಿತ್ ಕೊಡ್‍ಪಕಿಂಜಿರಾಂದ್, ನಿಂಗಡ ವಿಷಯತ್‍ಲ್ ಸಾಕ್ಷಿ ಎಣ್ಣ್‌ವಿ.

ಗಲಾತ್ಯ 4:15 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:13

ಪಾರೆಕಲ್ಲ್‌ರ ಮೇಲೆ ಬಿತ್ತ್‌ನ ಜನ, ದೇವಡ ವಾಕ್ಯತ್‍ನ ಕುಶೀಲ್ ಬೆರಿಯ ಸ್ವೀಕಾರ ಮಾಡ್‌ವ, ಆಚೇಂಗಿ ಅದ್ ಅಯಿಂಗಡ ಒಳ್‍ಲ್ ಆಳವಾಯಿತ್ ಬೇರ್ ಪುಡಿಕತಗುಂಡ್, ಚೆನ್ನ ಕಾಲ ಮಾತ್ರ ನಂಬುವ, ಸೋದನೆ ಬಪ್ಪಕ ಅಯಿಂಗ ಬುದ್ದ್ ಪೋಪ.

ರೋಮ್ 10:2

ದೇವಡ ಮೇಲೆ ಅಯಿಂಗಕ್ ಬಾರಿ ಬಕ್ತಿ ಉಂಡ್‍ೕಂದ್ ನಾನ್ ಅಯಿಂಗಡ ವಿಷಯತ್ ಸಾಕ್ಷಿ ಎಣ್ಣ್‌ವಿ; ಆಚೇಂಗಿ ಅದ್ ಬುದ್ದಿವಂತ ಬಕ್ತಿ ಅಲ್ಲ.

ರೋಮ್ 15:13

ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ನಿಂಗಡ ನಿರೀಕ್ಷೆ ಬಲ್ಯದಾಪಕಾಯಿತ್, ನಿರಿಕ್ಷೇರ ದೇವ, ನಂಬಿಕೇರ ಮೂಲಕ ಕ್‍ಟ್ಟುವ ಎಲ್ಲಾ ಕುಶೀರಗುಂಡ್ ಸಮಾದಾನತ್‍ರಗುಂಡ್ ನಿಂಗಳ ದುಂಬ್‌ಚಿಡಡ್.

ರೋಮ್ 5:2

ಇಕ್ಕ ನಂಗ ಸ್ತಿರವಾಯಿತ್ ನಿಂದಂಡುಳ್ಳ ಈ ಕೃಪೇರ ಒಳ್‍ಕ್ ಪೋಪಕುಳ್ಳ ಬಟ್ಟೇನ ನಂಬಿಕೇರ ಮೂಲ ಪಡ್ಂದಿತ್, ದೇವಡ ಮಹಿಮೆಲ್ ನಂಗ ಪಾಲ್‍ದಾರಂಗಳಾಪಾಂದ್ ಉಳ್ಳ ನಿರಿಕ್ಷೇಲ್ ಹೊಗಳಿಯಂಡುಂಡ್.

ರೋಮ್ 9:3

ತಡೀರ ಪ್ರಕಾರ ನಾಡ ಜನವಾಯಿತ್ ಉಳ್ಳ ನಾಡ ಅಣ್ಣತಮ್ಮಣಂಗಕ್ ಬದ್‍ಲ್, ನಾನೇ ಕ್ರಿಸ್ತನ ಬುಟ್ಟಿತ್ ಶಾಪ ಕ್‍ಟ್ಟ್‌ನಂವೊನಾಯಿತ್ ಇಪ್ಪಕ್ ನಾನ್ ಆಸೆ ಪಡುವಿ.

2 ಕೊರಿಂಥ 8:3

ಅದಲ್ಲತೆ, ಅಯಿಂಗ ಅಯಿಂಗಡ ಶಕ್ತಿಕ್ ತಕ್ಕಂತೆ ಪಿಂಞ ಅಯಿಂಗಡ ಶಕ್ತಿಕ್ ಜಾಸ್ತಿಯಾಯಿತು ಕೊಡ್‍ಪಕ್ ಮನಸ್ಸ್ ಉಳ್ಳಯಿಂಗಳಾಯಿತ್ ಇಂಜಾಂಗ್ ನಾನ್ ಸಾಕ್ಷಿಯಾಯಿತುಳ್ಳ.

ಗಲಾತ್ಯ 3:14

ಅಬ್ರಹಾಮಂಗ್ ಕ್‍ಟ್ಟ್‌ನ ಆಶೀರ್ವಾದ, ಯೆಹೂದ್ಯರಲ್ಲತಯಿಂಗಕ್ ಯೇಸು ಕ್ರಿಸ್ತಂಡ ಮೂಲಕ ಬಪ್ಪಕಾಯಿತು, ನಂಬಿಕೇರ ಮೂಲಕ ವಾಗ್ದಾನ ಮಾಡ್‍ನ ಪವಿತ್ರಾತ್ಮ ನಂಗಕ್ ಕ್‍ಟ್ಟ್‌ವಕಾಯಿತೂ ಇನ್ನನೆ ಆಚಿ.

ಗಲಾತ್ಯ 4:14

ನಾನ್ ನಿಂಗಡ ಪಕ್ಕ ಬಪ್ಪಕ ನಾಕ್ ಸೌಕ್ಯ ಇಲ್ಲತೆ ಇಂಜತ್. ನಾನ್ ನಿಂಗಕ್ ದುಂಬ ತೊಂದರೆ ತಂದಿಯೆ, ಆಚೇಂಗಿಯು ನಿಂಗೆಲ್ಲಾರು ನಾನ್ ನಿಂಗಡ ಪಕ್ಕ ಬರಂಡಾಂದ್ ಎಣ್ಣತೆ ಪಿಂಞ ತ್‍ಕ್ಕಾರ ಮಾಡತೆ ದುಂಬ ಕುಶೀಲ್ ನನ್ನ ದೇವದೂತಂಡನೆಕೆ, ಯೇಸು ಕ್ರಿಸ್ತಂಡನೆಕೆ ತಕ್ಕಾರ ಮಾಡಿರ.

ಗಲಾತ್ಯ 4:16

ಇನ್ನನೆ ನಿಂಗಕ್ ಸತ್ಯತ್‍ನ ಎಣ್ಣ್‌ನಗುಂಡ್, ನಾನ್ ನಿಂಗಕ್ ಶತ್ರು ಆಯಿ ಪೋನನಾ?

ಗಲಾತ್ಯ 4:19

ನಾಡ ಪ್ರೀತಿರ ಮಕ್ಕಳೇ, ನಿಂಗಡ ಬದ್‍ಕ್‍ಲ್ ಕ್ರಿಸ್ತ ಪೂರ್ತಿಯಾಯಿತ್ ಬೊಳಿಯುವಕತ್ತನೆ ನಾನ್ ನಿಂಗಕಾಯಿತ್, ಒರ್ ಅವ್ವ ತಾಂಡ ಕುಂಞಿನ ಪೆರುವಕ ಬಪ್ಪ ನೊಂಬಲತ್‍ರನೆಕೆ ನಾನ್ ಪುನಃ ನೊಂಬಲತ್‍ನ ಎಡ್‍ತೊವಿ.

ಗಲಾತ್ಯ 5:22

ಪವಿತ್ರಾತ್ಮತ್‍ರ ಫಲ ಎಂತ ಎಣ್ಣ್‌ಚೇಂಗಿ, ಪ್ರೀತಿ, ಸಂತೋಷ, ಸಮಾದಾನ, ಸಹಿಸುವ ಶಕ್ತಿ, ಕರುಣೆ, ನಲ್ಲರಿಕೆ, ನಂಬಿಕೆ,

ಗಲಾತ್ಯ 6:4

ಎಲ್ಲಾರು ಅಯಿಂಗ ಅಯಿಂಗಡ ಕ್ರಿಯೇನ ಪರೀಕ್ಷೆ ಮಾಡಂಡು; ಅಕ್ಕ ಅಂವೊ ಬೋರೆಯಿಂಗಳ ನೋಟ್‍ವಕ ಅಲ್ಲ, ಅಂವೊ ಅಂವೊಂಡ ವಿಷಯತ್‍ನ ನೋಟ್‍ವಕ ದುಂಬ ತೃಪ್ತಿಯಾಪ.

ಕೊಲೊಸ್ಸೆ 4:13

ಅಂವೊ ನಿಂಗಕಾಯಿತ್, ಲವೊದಿಕೆಯ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತ್ ಪಿಂಞ ಹಿರಿಯಾಪೊಲಿ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತ್ ದುಂಬ ಕಠಿಣವಾಯಿತ್ ಕೆಲಸ ಮಾಡಿಯಂಡ್ ಉಂಡ್‍ೕಂದ್ ನಾನ್ ದೈರ್ಯವಾಯಿತ್ ಸಾಕ್ಷಿ ಎಣ್ಣ್‌ವಕ್ ಕಯ್ಯು.

1 ಥೆಸಲೊನೀಕ 2:8

ನಂಗ ನಿಂಗಳ ಅಚ್ಚಕ್ ಪ್ರೀತಿ ಮಾಡಿತ್, ನಿಂಗಕ್ ದೇವಡ ನಲ್ಲ ಸುದ್ದಿರ ಬೋದನೆ ಮಾತ್ರ ಅಲ್ಲತೆ, ನಂಗಡ ಜೀವತ್‍ನ ಸಹ ಕೊಡ್‍ಪಕ್ ನಂಗ ಕುಶೀಲ್ ಇಂಜತ್.

1 ಥೆಸಲೊನೀಕ 5:13

ಅಯಿಂಗಡ ಸೇವೆಕಾಯಿತ್ ನಿಂಗ, ಅಯಿಂಗಡ ಮೇಲೆ ಪ್ರೀತಿಲ್ ಬಲ್ಯ ಮರ್ಯಾದೆ ಕೊಡ್‌ತಂಡ್ ಇರಂಡೂಂದ್ ನಂಗ ಬೋಡುವ. ನಿಂಗ ಒಬ್ಬೊಬ್ಬಂಡ ಕೂಡೆಯು ಶಾಂತಿಲ್, ಸಮಾದಾನತ್‍ಲ್ ಇಕ್ಕಂಡು.