ಗಲಾತ್ಯ 3:27 - ಕೊಡವ ಬೈಬಲ್

²⁷ ಎನ್ನಂಗೆಣ್ಣ್‌ಚೇಂಗಿ, ದಾರೆಲ್ಲಾ ಕ್ರಿಸ್ತಂಡಲ್ಲಿ ದೀಕ್ಷಾಸ್ನಾನ ಎಡ್‍ತತೋ ಅಯಿಂಗೆಲ್ಲಾ, ಒಬ್ಬ ಪುದಿಯ ಬಟ್ಟೇನ ಇಡ್‍ವನೆಕೆ ಕ್ರಿಸ್ತನ ಇಟ್ಟಿತುಂಡ್.

ಗಲಾತ್ಯ 3:27 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:22

ಆಚೇಂಗಿ ಅಪ್ಪ ಅಂವೊಂಡ ಆಳ್‍ವಳ ಕಾಕುವಂಜಿ: ಬೆರಿಯ ಅಂವೊಂಗ್ ನಲ್ಲ ಬಟ್ಟೆ ಎಡ್‌ತ ಬಾರಿ, ಕೈ ಬೆರಕೆಲ್ಲ ಮೊಯಿರ ಇಡಿ, ಅಂವೊಂಡ ಕಾಲ್‌ಕ್ ಎಕ್ಕಡ ಇಡಿ,

ಅಪೊಸ್ತಲ 16:15

ಅವ ಪಿಂಞ ಅವಡ ಮನೆಕಾರಂಗೆಲ್ಲ ದೀಕ್ಷಾಸ್ನಾನ ಎಡ್‌ತ ಪಿಂಞ, ಅವ ನಂಗಳ ನೋಟಿತ್: ನಾನ್ ಕ್ರಿಸ್ತನ ನಂಬಿತುಳ್ಳ್‌ಂದ್ ನಿಂಗ ನಂಬ್‍ಚೇಂಗಿ, ನಾಡ ಮನೆಕ್ ಬಂದಿತ್ ಒಳಿಯಂಡೂಂದ್ ಒತ್ತಾಯ ಮಾಡ್‍ಚಿ.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಅಪೊಸ್ತಲ 8:16

ಎನ್ನಂಗೆಣ್ಣ್‌ಚೇಂಗಿ, ಅಯಿಂಗಡಡೆಲ್ ಪವಿತ್ರಾತ್ಮ ಒಬ್ಬಂಗು ಇಲ್ಲಿಕತ್ತನೆ ಕ್‍ಟ್ಟಿತ್ತ್‌ಲ್ಲೆ. ಅಯಿಂಗ ಒಡೆಯನಾನ ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಮಾತ್ರ ಎಡ್‍ತಿತ್ಂಜತ್.

ಅಪೊಸ್ತಲ 9:18

ಅಕ್ಕಲೆ ಅಂವೊಂಡ ಕಣ್ಣಿಂಜ ಮೀನ್‌ರ ಚೊಳಿಕೆರನೆಕೆ ಎಂತದೊ ಒಂದ್ ಬುದ್ದತ್. ಅಕ್ಕಲೆ ಅಂವೊಂಗ್ ಕಣ್ಣ್ ತೊರಂದಿತ್, ಎದ್ದಿತ್, ದೀಕ್ಷಾಸ್ನಾನ ಎಡ್‍ತತ್.

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

1 ಕೊರಿಂಥ 10:2

ಅಯಿಂಗ ಎಲ್ಲಾರು ಮೋಶೇರ ಶಿಷ್ಯಂಗಳಾಯಿತ್ ಮೋಡತ್‍ರಗುಂಡ್ ಪಿಂಞ ಸಮುದ್ರತ್‌ರಗುಂಡ್ ದೀಕ್ಷಾಸ್ನಾನ ಮಾಡ್‍ನನೆಕೆ ಆಚಿ.

1 ಕೊರಿಂಥ 12:13

ನಂಗ ಯೆಹೂದ್ಯ ಜನವಾಯಿತ್ ಇಂಜತೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನವಾಯಿತ್ ಇಂಜತೇಂಗಿಯು, ಅಡಿಯಾಳಾಯಿತ್ ಇಂಜತೇಂಗಿಯು, ಬುಡ್‍ಗಡೆ ಆನ ಜನವಾಯಿತ್ ಇಂಜತೇಂಗಿಯು, ಎಲ್ಲಾ ಜನಳು ಒರೇ ಆತ್ಮತ್‍ರಗುಂಡ್ ಒರೇ ತಡಿಕ್ ದೀಕ್ಷಾಸ್ನಾನ ಪಡ್ಂದಿತ್, ಒರೇ ಆತ್ಮ ನಂಗಡ ಕೂಡೆ ವಾಸ ಮಾಡಿಯಂಡುಂಡ್.

ಎಫೆಸ 4:24

ನೇರಾನ ನೀತಿಲು, ಪವಿತ್ರತ್‍ಲು, ದೇವಡ ರೂಪತ್‍ರನೆಕೆ ಸೃಷ್ಟಿ ಮಾಡ್‍ನ ಪುದಿಯ ಮನುಷ್ಯನ ಇಟ್ಟೊಳಿ.

ಕೊಲೊಸ್ಸೆ 3:10

ಇಕ್ಕ ನಿಂಗ, ಒರ್ ಪುದಿಯ ಮನುಷ್ಯಂಡ ಗುಣತ್‍ನ ಇಟ್ಟಿತುಳ್ಳಿರ. ನಿಂಗಡಲ್ಲಿ ಈ ಪುದಿಯ ಮನುಷ್ಯನ ಸೃಷ್ಟಿ ಮಾಡ್‍ನ ದೇವ, ನಿಂಗ ಕ್ರಿಸ್ತನ ಪೂರ್ತಿಯಾಯಿತ್ ಅರಿಯಂಡೂಂದ್ ನಿಂಗಳ ಪುದಿಯದಾಯಿತ್ ಬದ್‍ಲ್ ಮಾಡಿಯಂಡ್ ಉಂಡ್.

1 ಪೇತ್ರ 3:21

ಅದ್ಂಗ್ ಸಮವಾನ ನಂಗಡ ರಕ್ಷಣೆಕಾಯಿತುಳ್ಳ ದೀಕ್ಷಾಸ್ನಾನ ಎಂತ ಎಣ್ಣ್‌ಚೇಂಗಿ, ಅದ್ ನಂಗಡ ತಡೀರ ಅಶುದ್ದತ್‍ನ ಕತ್ತುವ ವಿಷಯ ಅಲ್ಲ. ಆಚೇಂಗಿ, ದೇವಡ ವಿಷಯತ್ ನಂಗಡ ಮನಸಾಕ್ಷಿರ ಒಪ್ಪಂದವಾಯಿತ್, ಇಕ್ಕ ನಂಗಳ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವತ್‍ಲ್ ಬಂದ ಮೂಲಕ ರಕ್ಷಣೆ ಮಾಡಿಯೆ.