ಗಲಾತ್ಯ 3:23 - ಕೊಡವ ಬೈಬಲ್

²³ ನಂಗಕ್ ಕ್ರಿಸ್ತಂಡಲ್ಲಿ ಉಳ್ಳ ನಂಬಿಕೇರೆ ಬಟ್ಟೆ ಕ್‍ಟ್ಟ್‌ವಕ್ ಮಿಂಞ ನಂಗೆಲ್ಲಾ ಕೈದಿಯಂಡನೆಕೆ ಇಂಜಿತ್, ನಂಬಿಕೇರ ಬಟ್ಟೆ ಗೊತ್ತಾಪನೆಕೆ, ನ್ಯಾಯಪ್ರಮಾಣ ನಂಗಕ್ ಬೀಗ ಇಟ್ಟಿತ್ಂಜತ್.

ಗಲಾತ್ಯ 3:23 ပူးပေါင်းရင်းမြစ်များ

ಯೋಹಾನ 3:34

ಅಂವೊನ ದೇವ ಅಯಿಚತ್, ಆನಗುಂಡ್‌ ದೇಡಡ ತಕ್ಕ್ ಪರಂದಂಡುಂಡ್. ದೇವ ಅಂವೊಂಗ್ ತಾಂಡ ಆತ್ಮತ್‌ನ ಅಳ್‌ಪಕ್ ಕಯ್ಯತಚ್ಚಕ್ ಕೊಡ್‌ತಿತುಂಡ್.

ರೋಮ್ 11:32

ಎಲ್ಲಾಡ ಮೇಲೆ ಕನಿಕರ ಕಾಂಬ್‍ಚಿಡುವನೆಕೆ, ದೇವ ಎಲ್ಲಾನ ಅಂವೊಂಗ್ ಬಗ್ಗ್‌ಚಿಡತನೆಕೆ ಮುಚ್ಚಿ ಬೆಚ್ಚಿತ್ಂಜತ್.

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.

ಗಲಾತ್ಯ 3:19

ಅಕ್ಕ, ನ್ಯಾಯಪ್ರಮಾಣತ್‍ರ ಅರ್ಥ ಎಂತ? ಇದ್ ಜನಡ ಪಾಪತ್‍ನ ಕಾಟಿ ಕೊಡ್‍ಪಕಾಯಿತ್ ತಾತ್. ದಾಡ ವಿಷಯತ್ ವಾಗ್ದಾನ ಮಾಡ್‍ಚೋ ಆ ಮೋಂವೊ ಬಪ್ಪಕತ್ತನೆ ನ್ಯಾಯಪ್ರಮಾಣಕ್ ಶಕ್ತಿಯಿಂಜತ್. ದೇವದೂತಂಗ, ಮದ್ಯಸ್ತನಾನ ಮೋಶೇರ ಕೈಯಿಲ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್, ಅಂವೊ ಅದ್‍ನ ಅಂವೊಂಡ ಸಂತಾನಕಾರಂಗಕ್ ಕೊಡ್‍ತತ್.

ಗಲಾತ್ಯ 4:21

ನ್ಯಾಯಪ್ರಮಾಣ ಎಣ್ಣ್‌ವನಕೆ ನಡ್‍ಪಕ್ ಕುಶೀಲುಳ್ಳ ನಿಂಗ, ಅದ್ ಎಂತ ಎಣ್ಣಿಯಂಡ್ ಉಂಡ್‍ೕಂದ್ ಕ್‍ೕಪ್‌ಲೆಯಾ? ಇದ್‍ನ ನಿಂಗ ನಾಕ್ ಎಣ್ಣಿ.

ಗಲಾತ್ಯ 5:18

ನಿಂಗಳ ದೇವಡ ಆತ್ಮ ನಡ್‍ತಿಯಂಡ್ ಉಂಡೇಂಗಿ ನಿಂಗ ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗ ಅಲ್ಲ.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.