ಗಲಾತ್ಯ 3:19 - ಕೊಡವ ಬೈಬಲ್

¹⁹ ಅಕ್ಕ, ನ್ಯಾಯಪ್ರಮಾಣತ್‍ರ ಅರ್ಥ ಎಂತ? ಇದ್ ಜನಡ ಪಾಪತ್‍ನ ಕಾಟಿ ಕೊಡ್‍ಪಕಾಯಿತ್ ತಾತ್. ದಾಡ ವಿಷಯತ್ ವಾಗ್ದಾನ ಮಾಡ್‍ಚೋ ಆ ಮೋಂವೊ ಬಪ್ಪಕತ್ತನೆ ನ್ಯಾಯಪ್ರಮಾಣಕ್ ಶಕ್ತಿಯಿಂಜತ್. ದೇವದೂತಂಗ, ಮದ್ಯಸ್ತನಾನ ಮೋಶೇರ ಕೈಯಿಲ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್, ಅಂವೊ ಅದ್‍ನ ಅಂವೊಂಡ ಸಂತಾನಕಾರಂಗಕ್ ಕೊಡ್‍ತತ್.

ಗಲಾತ್ಯ 3:19 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:31

ಅದ್ಂಗ್ ಅಬ್ರಹಾಮ, ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣ್‌ವಾನ ಅಯಿಂಗ ನಂಬತೆಪೋನಕ, ಚತ್ತಂವೊ ಒಬ್ಬ ಎದ್ದಿತ್ ಬಂದಿತ್ ಎಣ್ಣ್‌ವಾನ ಸಹ ಅಯಿಂಗ ಕ್‍ೕಪುಲೇಂದ್ ಎಣ್ಣ್‌ಚಿ.

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ಯೋಹಾನ 15:22

ನಾನ್ ಬಂದಿತ್ ಅಯಿಂಗಡ ಕೂಡೆ ತಕ್ಕ್ ಪರಿಯತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ. ಆಚೇಂಗಿ ಇಕ್ಕ ಅಯಿಂಗಕ್ ಅಯಿಂಗಡ ಪಾಪತ್ಂಜ ತಪ್ಪಿಚಿಡ್‌ವಕ್ ಬಟ್ಟೆ ಇಲ್ಲೆ.

ಅಪೊಸ್ತಲ 7:38

ಸೀನಾಯಿ ಕುಂದ್‍ಲ್ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತಂಡ ಕೂಡೆ, ಮಣಬೂಮಿಲ್ ನಂಗಡ ಮುತ್ತಜ್ಜಂಗಡ ಕೂಡೆ ಸಬೇಲ್ ಇಂಜಂವೊನು, ಜೀವತ್‍ರ ತಕ್ಕ್‌ನ ನಂಗಡ ಪಕ್ಕ ಕೊಡ್‍ಪಕ್ ಅದ್‍ನ ಪಡ್ಂದಂವೊನು ಇಂವೊನೇ.

ಅಪೊಸ್ತಲ 7:53

ದೇವದೂತನಗುಂಡ್ ನಿಂಗ ನ್ಯಾಯಪ್ರಮಾಣ ಪಡ್ಂದಯಿಂಗಳಾಯಿತ್ ಇಂಜತೇಂಗಿಯು, ಅದ್ಂಡ ಪ್ರಕಾರ ಮಾಡಿಯಂಡ್ ಇಲ್ಲೇಂದ್ ಸ್ತೆಫನ ಎಣ್ಣ್‌ಚಿ.

ರೋಮ್ 2:13

ನ್ಯಾಯಪ್ರಮಾಣತ್‍ನ ಕ್‍ೕಪಯಿಂಗ ದೇವಡ ಮಿಂಞತ್ ನೀತಿವಂದಯಿಂಗ ಅಲ್ಲ, ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನೀತಿವಂತಯಿಂಗಳಾಪ.

ರೋಮ್ 4:15

ನ್ಯಾಯಪ್ರಮಾಣ ದೇವಡ ಬಲ್ಯ ಚೆಡಿನ ಕೊಂಡ್ ಬಪ್ಪ, ನ್ಯಾಯಪ್ರಮಾಣ ಇಲ್ಲೇಂಗಿ ಅಪರಾದವು ಇಲ್ಲೆ.

ಗಲಾತ್ಯ 3:16

ದೇವ ಅಬ್ರಹಾಮಂಗು ಅಂವೊಂಡ ಸಂತಾನಕಾರಂಗಕು ವಾಗ್ದಾನ ಮಾಡ್‍ಚಿ. ಅಂವೊಂಡ ಸಂತಾನಕಾರಂಗಕ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತ್‌ಲ್ಲೆ. ವಾಗ್ದಾನ ಅಂವೊಂಡ ಮೋಂವೊಂಗ್‍ೕಂದ್ ಎಣ್ಣ್‌ನಗುಂಡ್ ಆ ಸಂತಾನಕಾರ ಒಬ್ಬನೇ; ಅಂವೊ ಯೇಸು ಕ್ರಿಸ್ತನೇ.

ಇಬ್ರಿಯ 2:2

ಎನ್ನಂಗೆಣ್ಣ್‌ಚೇಂಗಿ, ದೇವದೂತಂಗಡ ಮೂಲಕ ಎಣ್ಣ್‌ನ ವಾಕ್ಯಕ್ ವಿರೋದವಾಯಿತ್ ಮಾಡ್‌ವ ಏದ್ ಪಾಪಕು, ತಗ್ಗಿತ್ ನಡ್‍ಕತ ವಿಷಯಕು, ದೇವ ನೀತಿಯಾಯಿತುಳ್ಳ ಶಿಕ್ಷೆ ತಪ್ಪಾಂದ್ ಅಂವೊಂಡ ವಾಕ್ಯ ದೃಡವಾಯಿತ್ ಎಣ್ಣಿಯಂಡುಂಡ್.

ಇಬ್ರಿಯ 2:5

ಇಂಞು ಮಿಂಞಕ್ ಬಪ್ಪಕುಳ್ಳ ಲೋಕತ್‍ರ ವಿಷಯತ್‍ನ ನಂಗ ತಕ್ಕ್ ಪರ್ಂದಂಡುಂಡಲ್ಲಾ? ಅದ್‍ನ ದೂತಂಗಡ ಅದಿಕಾರತ್‍ರ ಅಡಿಕ್ ದೇವ ಕೊಡ್‍ತಿತ್‌ಲ್ಲೆ.