ಗಲಾತ್ಯ 3:18 - ಕೊಡವ ಬೈಬಲ್

¹⁸ ಅದಲ್ಲತೆ ದೇವಡ ಬಾದ್ಯತೆ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಕ್ ಮಾತ್ರ ಕ್‍ಟ್ಟ್‌ಚೇಂಗಿ, ಅದ್ ದೇವಡ ವಾಗ್ದಾನತ್‍ರಗುಂಡ್ ಕ್‍ಟ್ಟ್‌ನದಾಯಿತ್ ಆಪಕಿಂಜಿಲೆ. ಆಚೇಂಗಿ ದೇವ ಕೃಪೆಯಾಯಿತ್ ಇದ್‍ನ ಅಬ್ರಹಾಮಂಗ್ ವಾಗ್ದಾನವಾಯಿತ್ ಕೊಡ್‍ತತ್.

ಗಲಾತ್ಯ 3:18 ပူးပေါင်းရင်းမြစ်များ

ರೋಮ್ 8:17

ಇಕ್ಕ, ನಂಗ ಮಕ್ಕಾಳಾಯಿತ್ಂಜತೇಂಗಿ ಬಾದ್ಯೆತೆಕಾರಂಗಳಾಯಿತ್ ಉಂಡ್, ದೇವಡ ಹಕ್ಕ್‌ದಾರಂಗಳು, ಕ್ರಿಸ್ತಂಡ ಕೂಡೆ ಹಕ್ಕ್‌ದಾರಂಗಳಾಯಿತುಂಡ್, ಕ್ರಿಸ್ತಂಡ ಕೂಡೆ ಕಷ್ಟಪಟ್ಟತೇಂಗಿ, ಅಂವೊಂಡ ಕೂಡೆ ನಂಗಳು ಸಹ ಮಹಿಮೆನ ಪಡೆಯುವ.

ಗಲಾತ್ಯ 2:21

ನಾನ್ ದೇವಡ ಕೃಪೇನ ಮುಂಡತೆ ಪಾಳ್ ಮಾಡಿಯಂಡಿಪಂವೊ ಅಲ್ಲ; ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪದಿಂಜ ನಂಗ ನೀತಿವಂತಯಿಂಗಳಾಪದಾಚೇಂಗಿ, ಕ್ರಿಸ್ತ ಚತ್ತಾಂಗ್ ಅರ್ಥ ಇಲ್ಲೆ.

ಗಲಾತ್ಯ 3:10

ಆಚೇಂಗಿ, ನ್ಯಾಯಪ್ರಮಾಣತ್‍ರ ಮೂಲಕ ದೇವಡ ಮಿಂಞತ್‍ಲ್ ನೀತಿವಂತಂವೊಂಡನೆಕೆ ನಿಪ್ಪಕ್ ಕಯ್ಯೂಂದ್ ನಂಬುವಯಿಂಗೆಲ್ಲ ಶಾಪತ್‍ಲ್ ಉಂಡ್; ಎನ್ನಂಗೆಣ್ಣ್‌ಚೇಂಗಿ, ನ್ಯಾಯಪ್ರಮಾಣಕ್ ತಗ್ಗಿತ್ ನಡ್‍ಕತೆ, ಅದ್ ಎಣ್ಣ್‌ನನೆಕೆ ಮಾಡತಯಿಂಗೆಲ್ಲಾ ಶಾಪತ್‍ಲ್ ಉಳ್ಳಯಿಂಗಾಂದ್ ಒಳ್‍ದಿತುಂಡಲ್ಲ.

ಗಲಾತ್ಯ 3:12

ನ್ಯಾಯಪ್ರಮಾಣ ನಂಬಿಕೇರಗುಂಡಲ್ಲ; ಆಂಡ ಬದ್‍ಲ್, ನ್ಯಾಯಪ್ರಮಾಣತ್‍ಲ್ ಎಣ್ಣಿತುಳ್ಳನೆಕೆ ನಡ್‍ಪಯಿಂಗ ಅದ್ಂಡ ಮೂಲಕ ಬದ್‌ಕ್‌ವಾಂದ್ ಅದ್ ಎಣ್ಣುವ.

ಗಲಾತ್ಯ 3:16

ದೇವ ಅಬ್ರಹಾಮಂಗು ಅಂವೊಂಡ ಸಂತಾನಕಾರಂಗಕು ವಾಗ್ದಾನ ಮಾಡ್‍ಚಿ. ಅಂವೊಂಡ ಸಂತಾನಕಾರಂಗಕ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತ್‌ಲ್ಲೆ. ವಾಗ್ದಾನ ಅಂವೊಂಡ ಮೋಂವೊಂಗ್‍ೕಂದ್ ಎಣ್ಣ್‌ನಗುಂಡ್ ಆ ಸಂತಾನಕಾರ ಒಬ್ಬನೇ; ಅಂವೊ ಯೇಸು ಕ್ರಿಸ್ತನೇ.

ಗಲಾತ್ಯ 3:26

ಯೇಸು ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೇರಗುಂಡ್ ಇಕ್ಕ ನಿಂಗ ದೇವಡ ಮಕ್ಕಳಾಯಿತ್ ಉಳ್ಳಿರ.

ಗಲಾತ್ಯ 3:29

ನಿಂಗ ಕ್ರಿಸ್ತಂಡ ಜನವಾಯಿತ್ಂಜತೇಂಗಿ ನಿಂಗ ಅಬ್ರಹಾಮಂಡ ಸಂತಾನಕಾರಂಗ, ಪಿಂಞ ದೇವ ಎಂತ ವಾಗ್ದಾನ ಮಾಡ್‍ಚೋ ಅದ್ ನಿಂಗಕ್ ಕ್‍ಟ್ಟ್‌ವ.