ಗಲಾತ್ಯ 3:17 - ಕೊಡವ ಬೈಬಲ್

¹⁷ ಆನಗುಂಡ್ ನಾನ್ ಎಂತ ಎಣ್ಣಿಯಂಡುಳ್ಳ್‍ೕಂದ್ ಎಣ್ಣ್‌ಚೇಂಗಿ, ಕ್ರಿಸ್ತಂಡ ವಿಷಯತ್‍ಲ್ ಮಿಂಞಲೇ ದೇವ ಅಬ್ರಹಾಮಂಡ ಕೂಡೆ ದೃಡವಾಯಿತ್ ಮಾಡ್‍ನ ಒಪ್ಪಂದತ್‍ನ, ನಾನೂಟ್ಯ ನುಪ್ಪದ್ ಕಾಲಕ್ ಬಯ್ಯ ಬಂದ ನ್ಯಾಯಪ್ರಮಾಣ ಪೊರಮೆ ತಳ್ಳಿತ್ ವಾಗ್ದಾನತ್‍ನ ಒಂದು ಇಲ್ಲತನೆಕೆ ಮಾಡ್‌ವಕ್ ಕಯ್ಯುಲೆ.

ಗಲಾತ್ಯ 3:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 15:13

ಅಕ್ಕ ಯೆಹೋವ ಅಂವೊಂಗ್: ನೀಡ ಸಂತಾನ ಅನ್ಯ ದೇಶತ್‌ಲ್‌ ಪರದೇಶಿಯಾಯಿತ್‌ ಇಂಜಿತ್, ಆ ದೇಶತ್‌ರ ಜನಕ್‌ ಅಡಿಯಾಳಾಯಿತ್‌ ಇಪ್ಪಾಂದು, ಅಯಿಂಗಡಿಂಜ ನಾನ್ನೂರ್‌ ಕಾಲ ದುಂಬ ಕಷ್ಟಪಡುವಾಂದು ನೀನ್‌ ಚಾಯಿತೆ ಅರಿಯಂಡು.

ಆದ್ಯತ್‌ರ ಪುಸ್ತಕ 15:18

ಅನ್ನನೆ ಆ ದಿವಸತ್‌ಲ್‌ ಯೆಹೋವ ಅಮ್ರಾಮಂಡ ಕೂಡೆ ಒಪ್ಪಂದ ಮಾಡಿತ್: ಐಗ್ತುಪ ದೇಶತ್‌ರ ಪೊಳೆಯಿಂಜ ಪುಡ್‌ಚಿತ್‌ ಯೂಫ್ರೇಟೀಸ್ ಬಲ್ಯ ಪೊಳೆಕತ್ತನೆಕ್‌ ಉಳ್ಳ ಎಲ್ಲಾನ ಪಿಂಞ

ಆದ್ಯತ್‌ರ ಪುಸ್ತಕ 17:19

ಆಚೇಂಗಿ ದೇವ: ನೀಡ ಪೊಣ್ಣಾಯಿತುಳ್ಳ ಸಾರಳ ನೀಕ್‌ ಒರ್‌ ಮೋಂವೂನ ಪೆರುವ, ಅಂವೊಂಗ್‌ ನೀನ್‌ ಇಸಾಕಾಂದ್‌ ಪೆದ ಬೆಕ್ಕಂಡು. ನಾಡ ಒಪ್ಪಂದತ್‌ನ ಅಂವೊಂಡ ಕೂಡೆ ಪಿಂಞ ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮಕ್ಕಡ ಸಂತಾನತ್‌ರ ಕೂಡೆ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ಅಪೊಸ್ತಲ 7:6

ದೇವ ಅಂವೊನ ನೋಟಿತ್: ನೀಡ ಸಂತಾನಕಾರ ಬೋರೆ ದೇಶತ್‍ಲ್ ಪರದೇಶಿಯರನೆಕೆ ವಾಸ ಮಾಡ್‌ವ. ಅಲ್ಲಿ ಅಯಿಂಗ ನಾನೂರ್ ಕಾಲ ಅಯಿಂಗಳ ಅಡಿಮೆಯಾಯಿತ್ ಕಷ್ಟಪಡ್‍ತ್‌ವ.

ರೋಮ್ 3:25

ತಾಂಡ ಚೋರೆರ ಮೂಲಕ ನಂಬಿಕೆ ಇಡ್‌ವಯಿಂಗಡ ಪಾಪತ್‍ರ ಪರಿಹಾರವಾಯಿತ್ ಆಪನೆಕೆ ಯೇಸುನ ಎಲ್ಲಾಡ ಮಿಂಞತ್ ಅರ್ಪಣೆ ಮಾಡ್‍ಚಿ. ಇನ್ನನೆ ದೇವ ನೀತಿಯುಳ್ಳಂವೋಂದ್ ನಿರೂಬಿಚಿಟ್ಟತ್. ಎನ್ನಂಗೆಣ್ಣ್‌ಚೇಂಗಿ, ದೇವ ತಾಂಡ ಪೊರುಮೇಲ್, ಕಯಿಂಜ ಕಾಲತ್‍ಲ್ ಮಾಡ್‍ನ ಪಾಪತ್‍ನ ಕಾಂಗತನೆಕೆ ಇಂಜತ್.

ರೋಮ್ 3:3

ಅಯಿಂಗಡಲ್ಲಿ ಚೆನ್ನ ಜನ ನಂಬತೆ ಪೋಚೇಂಗಿಯು ಎಂತ? ಅಯಿಂಗಡ ಅಪನಂಬಿಕೆ ದೇವಡ ನಂಬಿಕಸ್ತನಾಯಿತ್‌ಪ್ಪ ಗುಣತ್‍ನ ಪಾಳ್ ಮಾಡ್‌ವಕ್ ಕಯ್ಯುವ?

1 ಕೊರಿಂಥ 1:12

ನಿಂಗಡಡೆಲ್ ಚೆನ್ನ ಜನ: ನಾನ್ ಪೌಲಂಡ ಕೂಟ್‍ಕ್ ಕೂಡ್‍ನಂವೋಂದೂ, ಚೆನ್ನ ಜನ ಅಪೊಲ್ಲೋಸಂಡ ಕೂಟ್‍ಕ್ ಕೂಡ್‍ನಂವೋಂದೂ, ಚೆನ್ನ ಜನ ಕೇಫಂಡ ಕೂಟ್‍ಕ್ ಕೂಡ್‍ನಂವೋಂದೂ ಇಂಞು ಚೆನ್ನ ಜನ ಕ್ರಿಸ್ತಂಗ್ ಕೂಡ್‍ನಂವೋಂದೂ ಎಣ್ಣಿಯಂಡುಂಡ್.

1 ಕೊರಿಂಥ 1:17

ದೀಕ್ಷಾನ್ನಾನ ಕೊಡ್‍ಪಕಾಯಿತ್ ಕ್ರಿಸ್ತ ನನ್ನ ಅಯಿಚಿತ್ತ್‌ಲ್ಲೆ; ಆಚೇಂಗಿ, ಅಂವೊಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕಾಯಿತ್ ಮಾತ್ರ ನನ್ನ ಅಯಿಚತ್; ಎನ್ನನೆ ಎಣ್ಣ್‌ಚೇಂಗಿ, ಕ್ರಿಸ್ತ ಶಿಲುಬೇಲ್ ಚತ್ತದ್, ಅರ್ಥ ಇಲ್ಲತೆ ಆಕತನೆಕೆ ಇಪ್ಪಕ್ ಪಿಂಞ ಮನುಷ್ಯಂಡ ಸಾಮರ್ತ್ಯ ಬುದ್ದಿಲ್ ಬೋದನೆ ಮಾಡತೆ ಇಪ್ಪಕಾಯಿತ್ ನನ್ನ ಅಯಿಚತ್.

1 ಕೊರಿಂಥ 10:19

ಅಕ್ಕ, ನಾನ್ ನಿಂಗಕ್ ಎಂತ ಎಣ್ಣಿಯಂಡುಂಡ್? ವಿಗ್ರಹಕ್ ಅರ್ಪಿಚಿಟ್ಟ ಆಹಾರ ಮುಕ್ಯವಾಯಿತುಂಡ್ಂದಾ? ಅಥವ ವಿಗ್ರಹ ಮುಕ್ಯವಾಂದಾ? ಇಲ್ಲೆ, ನಾನ್ ಅನ್ನನೆ ಎಣ್ಣಿಯಂಡಿಲ್ಲೆ.

1 ಕೊರಿಂಥ 7:29

ನಾಡ ಅಣ್ಣತಮ್ಮಣಂಗಳೇ, ನಾನ್ ಎಣ್ಣಿಯಂಡುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಗಕ್ ದುಂಬ ಸಮಯ ಇಲ್ಲೆ. ಆನಗುಂಡ್, ಇಕ್ಕಯಿಂಜ ಪೊಣ್ಣ್ ಉಳ್ಳ ಆಣಾಳ್‍ವ, ಪೊಣ್ಣ್ ಇಲ್ಲತನೆಕೆ ಇಕ್ಕಂಡು.

2 ಕೊರಿಂಥ 1:20

ಅನ್ನನೆ ನಂಗಡಗುಂಡ್ ದೇವಕ್ ಮಹಿಮೆ ಕ್‍ಟ್ಟ್‌ವಕಾಯಿತ್, ದೇವಡ ವಾಗ್ದಾನವೆಲ್ಲಾ ಕ್ರಿಸ್ತಂಡಲ್ಲಿ ಅಕ್ಕೂಂದು, ಅಂವೊಂಡಲ್ಲಿ ಆಮೆನ್‍ಂದು ಉಂಡಲ್ಲ.

2 ಕೊರಿಂಥ 9:6

ಚೆನ್ನ ಬಿತ್ತ್ ಇಡ್‌ವಂವೊ ಚೆನ್ನ ಕೊಯ್ಯುವ, ದುಂಬ ಬಿತ್ತ್ ಇಡ್‌ವಂವೊ, ದುಂಬ ಕೊಯ್ಯುವಾಂದ್ ಉಳ್ಳದ್‍ನ ಗೇನ ಮಾಡಿಯೊಳಿ.

ಗಲಾತ್ಯ 3:15

ನಾಡ ಅಣ್ಣತಮ್ಮಣಂಗಳೇ, ನಾನ್ ನಂಗಡ ಬದ್‍ಕಿಂಜ ಒರ್ ಉದಾರಣೆ ತಂದಿತ್ ಎಣ್ಣ್‌ವಿ; ಒರ್ ವಿಷಯತ್‍ಲ್ ದಂಡ್ ಮನುಷ್ಯಂಗ ಒತ್ತಂಡ್, ಆ ವಿಷಯಕ್ ಒಪ್ಪಂದ ಮಾಡ್‍ಚೇಂಗಿ, ಅಯಿಂಗ ಅಲ್ಲತ ಬೋರೆ ದಾರ್‌ಕು ಆ ಒಪ್ಪಂದತ್‍ನ ಪೊಳಿಪಕ್ ಕಯ್ಯುಲೆ. ಅದ್ಂಗ್ ಬೋರೆ ಒಂದು ಕೂಟ್‌ವಕೂ ಕಯ್ಯುಲೆ.

ಗಲಾತ್ಯ 3:21

ಅನ್ನನಾಚೇಂಗಿ, ನ್ಯಾಯಪ್ರಮಾಣ ದೇವ ಮಾಡ್‍ನ ವಾಗ್ದಾನಕ್ ವಿರೋದವಾ? ಅನ್ನನೆ ಇಲ್ಲವೇ ಇಲ್ಲೆ. ನ್ಯಾಯಪ್ರಮಾಣ ಎಣ್ಣ್‌ವನೆಕೆ ನಡ್‍ಪ ಮನುಷ್ಯಂಗಕ್ ಜೀವ ಕ್‍ಟ್ಟ್‌ಚೇಂಗಿ, ಎಲ್ಲಾರು ದೇವಡ ಪಕ್ಕ ನೀತಿವಂತಯಂಗಳಾಯಿತ್ ಬದ್‍ಕ್‍ವಯಿಂಜತ್.

ಗಲಾತ್ಯ 5:16

ಆನಗುಂಡ್, ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ಪವಿತ್ರಾತ್ಮ ಕಾಟುವ ಬಟ್ಟೇಲ್ ನಿಂಗ ನಡ್ಂದೋಳಿ, ಅಕ್ಕ ನಿಂಗಡ ಶರೀರತ್‍ಲ್ ಉಳ್ಳ ಪಾಪತ್‍ರ ಗುಣ ನಿಂಗಳ ನಡ್‍ತುವಕ್ ಬುಡುಲೆ.

ಗಲಾತ್ಯ 5:4

ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರಗುಂಡ್ ನೀತಿವಂತಯಿಂಗಳಾಯಿತ್ ಆಪಕ್ ಕುಶಿಯುಳ್ಳ ನಿಂಗೆಲ್ಲಾರು ಯೇಸು ಕ್ರಿಸ್ತಂಡಿಂಜ ದೂರ ಆಯಿತುಳ್ಳಿರ ಪಿಂಞ ದೇವಡ ಕೃಪೆಯಿಂಜ ಬುದ್ದ್‌ಪೋಯಿತುಳ್ಲಿರ.

ಎಫೆಸ 2:12

ಅಕ್ಕ ನಿಂಗ ಕ್ರಿಸ್ತಂಡಲ್ಲಿ ಕೂಡತಯಿಂಗಳಾಯಿತ್, ಇಸ್ರಾಯೇಲ್ ರಾಜ್ಯಕ್ ಕೂಡತಯಿಂಗಳಾಯಿತ್, ದೇವಡ ಒಪ್ಪಂದತ್‍ರ ವಾಗ್ದಾನಕ್ ಕೂಡತಯಿಂಗಳಾಯಿತ್, ನಿರೀಕ್ಷೆ ಇಲ್ಲತಯಿಂಗಳಾಯಿತ್, ಈ ಲೋಕತ್‍ಲ್ ದೇವ ಇಲ್ಲತಯಿಂಗಳಾಯಿತ್ ಬದ್‌ಕಿಯಂಡಿಂಜಿರಾಂದ್ ಗೇನ ಬೆಚ್ಚೊಳಿ.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

ಕೊಲೊಸ್ಸೆ 2:4

ದಾರೂ ನಿಂಗಳ ತಪ್ಪಾನ ತರ್ಕ ಮಾಡಿತ್ ವಂಚನೆ ಮಾಡ್‌ವಕ್ಕಾಗಾಂದ್ ಇದ್‍ನ ನಾನ್ ನಿಂಗಕ್ ಎಣ್ಣಿಯಂಡುಳ್ಳ.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 7:18

ಮಿಂಞತ್‍ರ ಆಜ್ಞೆ ಬಲಹೀನದಾಯಿತು ಪ್ರಯೋಜನ ಇಲ್ಲತದಾಯಿತು ಇಂಜಗುಂಡ್ ಅದ್‍ನ ಬದ್‍ಲ್ ಮಾಡ್‍ಚಿ.

1 ಪೇತ್ರ 1:20

ಅಂವೊ, ಬೂಲೋಕ ಉಂಟಾಪಕ್ ಮಿಂಞಲೇ ಗೊತ್ತ್ ಮಾಡ್‍ನಂವೊನಾಯಿತ್ಂಜತ್. ಆಚೇಂಗಿ, ಈ ಆಕೀರ್ ಕಾಲತ್‍ಲ್ ಅಂವೊಂಡ ಮೂಲಕ ನಿಂಗಕಾಯಿತ್ ಕಾಂಬ್‍ಚಿಟ್ಟತ್.