ಗಲಾತ್ಯ 3:15 - ಕೊಡವ ಬೈಬಲ್

¹⁵ ನಾಡ ಅಣ್ಣತಮ್ಮಣಂಗಳೇ, ನಾನ್ ನಂಗಡ ಬದ್‍ಕಿಂಜ ಒರ್ ಉದಾರಣೆ ತಂದಿತ್ ಎಣ್ಣ್‌ವಿ; ಒರ್ ವಿಷಯತ್‍ಲ್ ದಂಡ್ ಮನುಷ್ಯಂಗ ಒತ್ತಂಡ್, ಆ ವಿಷಯಕ್ ಒಪ್ಪಂದ ಮಾಡ್‍ಚೇಂಗಿ, ಅಯಿಂಗ ಅಲ್ಲತ ಬೋರೆ ದಾರ್‌ಕು ಆ ಒಪ್ಪಂದತ್‍ನ ಪೊಳಿಪಕ್ ಕಯ್ಯುಲೆ. ಅದ್ಂಗ್ ಬೋರೆ ಒಂದು ಕೂಟ್‌ವಕೂ ಕಯ್ಯುಲೆ.

ಗಲಾತ್ಯ 3:15 ပူးပေါင်းရင်းမြစ်များ

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ರೋಮ್ 1:13

ನಾಡ ಅಣ್ಣತಮ್ಮಣಂಗಳೇ, ಬೋರೆ ಜಾಗತ್‍ಲ್ ಉಳ್ಳ ಯೆಹೂದ್ಯ ಅಲ್ಲತಯಿಂಗಡ ಪಕ್ಕ ನಾಕ್ ಫಲ ಕ್‍ಟ್ಟ್‌ನನೆಕೆ, ನಿಂಗಡಲ್ಲಿಯು ನಾಕ್ ಫಲ ಕ್‍ಟ್ಟಂಡೂಂದ್ ನಿಂಗಡ ಪಕ್ಕ ಬಪ್ಪಕ್ ದುಂಬ ಕುರಿ ಗೇನ ಮಾಡ್‍ನ, ಆಚೇಂಗಿ ಇಲ್ಲಿಕತ್ತನೆ ಅದ್ಂಗ್ ತಡೆ ಆಯಂಡಿಂಜತ್‍ೕಂದ್ ನಿಂಗಕ್ ಗೊತ್ತಿಲ್ಲತೆ ಇಪ್ಪದ್ ನಾಕ್ ಕುಶಿಯಿಲ್ಲೆ.

ರೋಮ್ 3:5

ನಂಗಡ ಅನೀತಿ ದೇವಡ ನೀತಿನ ಕಾಟ್‍ಚೇಂಗಿ, ನಂಗ ಎಂತ ಎಣ್ಣುವಕ್ ಕಯ್ಯು? ಶಿಕ್ಷೆ ತಪ್ಪ ದೇವ ಅನೀತಿವಂತಂವೊನ? (ನಾನ್ ಇದ್‍ನ, ಮನುಷ್ಯ ರೀತಿಲ್ ತಕ್ಕ್ ಪರ್ಂದಂಡುಳ್ಳ).

ರೋಮ್ 6:19

ನಿಂಗಕ್ ಅರ್ಥ ಮಾಡ್‌ವಕ್ ಕಷ್ಟ ಉಳ್ಳಾಂಗ್, ಮನುಷ್ಯ ರೀತಿಲ್ ನಾನ್ ನಿಂಗಕ್ ಎಣ್ಣಿ ತಪ್ಪಿ. ಮಿಂಞ ನಿಂಗ ನಿಂಗಡ ತಡೀನ ಅಶುದ್ದ ಕಾರ್ಯಕು, ದುಷ್ಟತನತ್‍ಲ್ ಇಂಞು ಅಕ್ರಮ ಮಾಡ್‌ವಕ್ ಅಡಿಯಾಳಾಯಿತ್ ಒಪ್ಪ್‌ಚಿಟ್ಟನೆಕೆ, ಇಕ್ಕ ಪವಿತ್ರ ಆಪಕಾಯಿತ್, ನಿಂಗಡ ತಡೀನ ನೀತಿಕ್ ಅಡಿಯಾಳಾಯಿತ್ ಒಪ್ಪ್‌ಚಿಡಿ.

1 ಕೊರಿಂಥ 15:32

ನಾನ್ ಎಫೆಸ ಪಟ್ಟಣತ್‍ಲ್ ಇಪ್ಪಕ, ಅಲ್ಲಿಯತ್‍ರ ಜನ ನಾಡ ಕೂಡೆ ಕಾಡ್ ಪ್ರಾಣಿಯರನೆಕೆ ಜಗಳ ಮಾಡ್‍ಚೀಂದ್ ಒರ್ ಸಾದಾರಣ ಮನುಷ್ಯಂಡನೆಕೆ ಎಣ್ಣ್‌ವಿ. ಇದ್‍ನಗುಂಡ್ ನಾಕ್ ಎಂತ ಲಾಬ? ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳಯಿಂಗ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬರತ ಪೋಚೇಂಗಿ, ಬಾರಿ! ನಂಗ ಉಂಡಿತ್, ಕುಡಿಚಿತ್ ನಾಳೆ ಚತ್ತ್ ಪೋಕನಾಂದ್ ಎಣ್ಣ್‌ವಕ್ ಕಯ್ಯು ಅಲ್ಲ?

ಗಲಾತ್ಯ 6:18

ನಾಡ ಅಣ್ಣತಮ್ಮಣಂಗಳೇ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಡ ಆತ್ಮತ್‍ರ ಕೂಡೆ ಇರಡ್. ಆಮೆನ್.

ಇಬ್ರಿಯ 6:13

ಅಬ್ರಹಾಮಂಗ್ ದೇವ ವಾಗ್ದಾನ ಮಾಡ್‌ವಕ, ಅಂವೊಂಗು ಬಲ್ಯಂವೊಂಡ ಮೇಲೆ ಆಣೆ ಇಡ್‌ವಕ್ ಒಬ್ಬನು ಇಲ್ಲತಗುಂಡ್, ದೇವ ತಾಂಡ ಪೆದತ್‍ಲ್ ತಾನೇ ಆಣೆ ಇಟ್ಟಿತ್:

ಇಬ್ರಿಯ 6:16

ಜನಳು ಅಯಿಂಗಡ ಬಲ್ಯಂಗಡ ಪೆದತ್‍ಲ್ ಆಣೆ ಇಡ್‌ವ. ಅನ್ನನೆ ಆಣೆನ ಸ್ತಿರಪಡ್‌ತ್‌ನ ಪಿಂಞ ಏದ್ ವಾದವು ಇಪ್ಪುಲೆ.

ಇಬ್ರಿಯ 9:17

ಮರಣ ಶಾಸನತ್‍ನ ಒಳ್‌ದ್‌ನಂವೊ ಚತ್ತ್ ಪೋಯಿತ್ಂಜತೇಂಗಿ ಮಾತ್ರ ಅದ್‍ಲ್ ಉಳ್ಳನೆಕೆ ಮಾಡ್‌ವಕ್ ಕಯ್ಯು; ಅದ್‍ನ ಒಳ್‌ದ್‌ನಂವೊ ಬದ್‍ಕಿಯಂಡ್ ಇಪ್ಪಕ ಆ ಮರಣ ಶಾಸನತ್‍ರಗುಂಡ್ ಒರ್ ಪ್ರಯೋಜನವು ಇಲ್ಲೆ.