ಗಲಾತ್ಯ 2:7 - ಕೊಡವ ಬೈಬಲ್

⁷ ಅದ್ಂಡ ಬದ್‍ಲ್, ದೇವ ಪೇತ್ರನ ಯೆಹೂದ್ಯಂಗಕ್ ಯೇಸುರ ನಲ್ಲ ಸುದ್ದಿನ ಎಣ್ಣ್‌ವಕ್ ಕಾಕ್‍ನನೆಕೆ, ಯಹೂದ್ಯರಲ್ಲತ ಜನಕ್ ಯೇಸುರ ನಲ್ಲ ಸುದ್ದಿನ ಎಣ್ಣ್‌ವಕ್ ನನ್ನ ಕಾಕ್‍ಚೀಂದ್ ಅಯಿಂಗಕ್ ಗೊತ್ತಾಚಿ.

ಗಲಾತ್ಯ 2:7 ပူးပေါင်းရင်းမြစ်များ

ಅಪೊಸ್ತಲ 15:12

ಅಕ್ಕ, ಅಲ್ಲಿ ಕೂಡಿತ್ಂಜ ಎಲ್ಲಾರು ಒರ್ ತಕ್ಕು ಎಣ್ಣತೆ, ಬಾರ್ನಬ ಪಿಂಞ ಪೌಲಂಡ ಮೂಲಕ ದೇವ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ಮಾಡ್‍ನ ಎಲ್ಲಾ ಆಶ್ಚರ್ಯ ಗುರ್‌ತ್ ಕಾರ್ಯತ್‍ನ ಅಯಿಂಗ ವಿವರಿಚಿಡುವಾನ ಕ್‍ೕಟತ್.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

ಅಪೊಸ್ತಲ 28:28

ಆನಗುಂಡ್ ದೇವಡ ರಕ್ಷಣೆರ ವಿಷಯತ್ ದೇವಡ ವಾಕ್ಯ ಯೆಹೂದ್ಯಂಗ ಅಲ್ಲತ ಬೋರೆ ಜಾತಿ ಜನಕ್ ಪೋಯಂಡುಂಡ್‍ೕಂದ್ ನಿಂಗಕ್ ಚಾಯಿತೆ ಗೊತ್ತಿರಡ್; ಅಯಿಂಗ ಇದ್‍ನ ಕ್‍ೕಟಿತ್ ಅದ್ಂಗ್ ಕೆಮಿ ಕೊಡ್‍ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ರೋಮ್ 1:5

ಅಂವೊಂಡ ಮೂಲಕ ಅಂವೊಂಡ ಪೆದಕಾಯಿತ್, ನಂಗ ಯೆಹೂದ್ಯಂಗ ಅಲ್ಲತ ಎಲ್ಲಾ ಜನಡ ಮದ್ಯತ್‍ಲ್ ಪೋಯಿತ್ ದೇವಡ ವಿಷಯತ್‍ನ ಪ್ರಚಾರ ಮಾಡ್‌ವಕ್ ಅಪೊಸ್ತಲಂಗಕಾನ ಅದಿಕಾರವು, ಬಾಗ್ಯವು ದೇವ ನಂಗಕ್ ತಂದಿತುಂಡ್. ಅದ್‍ನಗುಂಡ್ ಅಂವೊನ ನಂಬಿತ್, ಅಂವೊಂಗ್ ಬಗ್ಗಿತ್ ದೇವಕ್ ಮಹಿಮೆ ಕೊಂಡ್ ಬಪ್ಪ.

ರೋಮ್ 11:13

ಯೆಹೂದ್ಯಂಗಲ್ಲತ ನಿಂಗಡ ಕೂಡೆ ಇಕ್ಕ ನಾನ್ ತಕ್ಕ್ ಪರಿವಿ; ಯೆಹೂದ್ಯಂಗಲ್ಲತ ನಿಂಗಕಾಯಿತ್ ನಾನ್ ಅಪೊಸ್ತಲನಾಯಿತ್ ಉಳ್ಳಾಂಗ್, ನಾಡ ಸೇವೇನೆ ಬಲ್ಯದಾಯಿತ್ ಎಣ್ಣ್‌ವಿ.

1 ಕೊರಿಂಥ 9:17

ನಾನ್ ನಾಡ ಕುಶೀಲ್ ಈ ಸೇವೇನ ಮಾಡ್‍ಚೇಂಗಿ, ನಾಕ್ ಫಲ ಉಂಡ್; ಆಚೇಂಗಿ ಇದ್‍ನ ಮಾಡಂಡೂಂದ್ ನಾನ್ ತೀರ್ಮಾನ ಮಾಡಿತ್ತ್‌ಲ್ಲೆ. ನನ್ನ ನಂಬಿತ್, ಈ ಜವಾಬ್ದಾರಿನ ದೇವ ನಾಕ್ ಕೊಡ್‌ತಿತುಂಡ್. ನಾನ್ ಇದ್‍ಯಿಂಜ ತಪ್ಪಿಚಿಡ್‌ವಕ್ ಕಯ್ಯುಲೆ.

ಗಲಾತ್ಯ 1:16

ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ.

ಗಲಾತ್ಯ 1:18

ಮೂಂದ್ ಕಾಲ ಆನ ಪಿಂಞ ನಾಕ್ ಪೇತ್ರನ ಪರಿಚಯ ಆಂಡೂಂದ್ ಯೆರೂಸಲೇಮ್‌ಕ್ ಪೋಯೆ. ಅಲ್ಲಿ ನಾನ್ ಅಂವೊಂಡ ಕೂಡೆ ಪದನಂಜಿ ದಿನ ಇಂಜ್.

ಗಲಾತ್ಯ 1:6

ನಿಂಗಳ ಯೇಸು ಕ್ರಿಸ್ತಂಡ ಕೃಪೇರಗುಂಡ್ ಕಾಕ್‍ನಂವೊನ ಬುಟ್ಟಿತ್, ಇಚ್ಚಕ್ ಬೆರಿಯ ಬೋರೆ ಒರ್ ನಲ್ಲ ಸುದ್ದಿರ ಬಟ್ಟೇಲ್ ಪೋಪದ್‌ನ ನೋಟುವಕ, ನಾಕ್ ದುಂಬ ಆಶ್ಚರ್ಯ ಆಯಂಡುಂಡ್.

ಗಲಾತ್ಯ 2:11

ಆಚೇಂಗಿ, ಪೇತ್ರ ಅಂತಿಯೋಕ್ಯ ಪಟ್ಟಣಕ್ ಬಪ್ಪಕ, ಅಂವೊ ತಪ್ಪ್ ಮಾಡ್‍ಚೀಂದ್ ಚಾಯಿ ಗೊತ್ತಾನಗುಂಡ್, ಎಲ್ಲಾಡ ಮಿಂಞತ್‍ಲ್ ಅಂವೊಂಡ ಮೂಡ್ ನೋಟಿತ್ ಅಂವೊಂಗ್ ಎದ್‍ರ್ ನಿಂದಿಯೆ.

ಗಲಾತ್ಯ 2:14

ಅಯಿಂಗ ಇನ್ನನೆ ನಲ್ಲ ಸುದ್ದಿರ ಸತ್ಯಕ್ ಸರಿಯಾನ ರೀತಿಲ್ ಮಾಡತದ್‍ನ ನಾನ್ ಕಾಂಬಕ, ಎಲ್ಲಾಡ ಮಿಂಞತ್ ನಾನ್ ಪೇತ್ರನ ನೋಟಿತ್, ಇನ್ನನೆ ಎಣ್ಣ್‌ನ: ಯೆಹೂದ್ಯನಾಯಿತುಳ್ಳ ನೀನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಕತೆ ಇಂಜಂಡ್, ಯೆಹೂದ್ಯರಲ್ಲತ ಜನ ಯೆಹೂದ್ಯ ಪದ್ದತಿರನೆಕೆ ನಡ್‍ಕಂಡೂಂದ್ ಎನ್ನನೆ ಒತ್ತಾಯ ಮಾಡ್‌ವಕ್ ಕಯ್ಯು?

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.

1 ಥೆಸಲೊನೀಕ 2:4

ಅದ್ಂಡ ಬದ್‍ಲ್ ನಂಗ ಎಕ್ಕಲೂ ಅಂವೊಂಡ ನಲ್ಲ ಸುದ್ದಿನ ಎಣ್ಣ್‌ವಕ್ ನಂಗಳ ಯೋಗ್ಯವಂತಯಿಂಗಳಾಯಿತ್ ಅಂವೊ ಲೆಕ್ಕ ಮಾಡಿತ್ ನಂಗಕ್ ಒಪ್ಪ್‌ಚಿಟ್ಟನೆಕೆ ನಂಗ ತಕ್ಕ್ ಪರ್ಂದಂಡುಂಡ್. ನಂಗಡ ನೋಕ ಮನುಷ್ಯಂಗಳ ಕುಶಿಪಡ್‌ತ್‌ವಕಾಯಿತ್ ಅಲ್ಲ, ಆಚೇಂಗಿ ನಂಗಡ ಹೃದಯತ್‍ನ ಪರೀಕ್ಷೆ ಮಾಡ್‌ವ ದೇವನ ಕುಶಿಪಡ್‌ತ್‌ವನೆಕೆ ಉಂಡ್.

1 ತಿಮೊಥೆಯ 1:11

ಆಶೀರ್ವಾದತ್‍ರ ದೇವಡ ಮಹಿಮೆಯಾನ ನಲ್ಲ ಸುದ್ದಿರನೆಕೆ ನಾಕ್ ತಂದ ನಲ್ಲ ಬೋದನೆಕ್ ವಿರೋದವಾಯಿತ್ ಮಾಡ್‌ವಯಿಂಗಕೇ ಅದ್‍ನ ಕೊಡ್‍ತತ್.

1 ತಿಮೊಥೆಯ 2:7

ಈ ನಲ್ಲ ಸುದ್ದಿಕಾಯಿತೇ ದೇವ ನನ್ನ ಒರ್ ಬೋದಕನಾಯಿತ್ ಪಿಂಞ ಒರ್ ಅಪೊಸ್ತಲನಾಯಿತ್ ನೇಮಿಚಿಟ್ಟತ್. ನಂಬಿಕೇರ ವಿಷಯತ್‍ನ, ಸತ್ಯತ್‍ರ ವಿಷಯತ್‍ನ ಅನ್ಯ ಜನಕ್ ಬೋದನೆ ಮಾಡ್‌ವಕಾಯಿತ್ ನನ್ನ ಅಯಿಚತ್. ನಾನ್ ಪೊಟ್ಟ್ ಪರಿಯತೆ ಯೇಸು ಕ್ರಿಸ್ತಂಡ ಪೆದತ್‍ಲ್ ಸತ್ಯತ್‍ನ ಎಣ್ಣಿಯಂಡುಂಡ್.

2 ತಿಮೊಥೆಯ 1:11

ಈ ನಲ್ಲ ಸುದ್ದಿಕಾಯಿತ್ ದೇವ ನನ್ನ ಒರ್ ಪ್ರಸಂಗಿಯಾಯಿತ್, ಒರ್ ಅಪೊಸ್ತಲನಾಯಿತ್ ಪಿಂಞ ಬೋದಕನಾಯಿತ್ ನೇಮಿಚಿಟ್ಟಿತುಂಡ್.

2 ಪೇತ್ರ 3:15

ನಂಗಡ ಒಡೆಯಂಡ ಬಲ್ಯ ತಾಳ್ಮೆನ, ಜನ ರಕ್ಷಣೆ ಆಪಕಾಯಿತ್‍ೕಂದ್ ಗೇನ ಮಾಡಂಡು; ನಂಗಡ ಪ್ರೀತಿರ ಅಣ್ಣ ಪೌಲನು, ದೇವ ಅಂವೊಂಗ್ ಕೊಡ್‍ತ ಜ್ಞಾನತ್‍ರನೆಕೆ, ಇನ್ನನೆ ನಿಂಗಕ್ ಒಳ್‍ದಿತುಂಡ್.