ಗಲಾತ್ಯ 2:2 - ಕೊಡವ ಬೈಬಲ್

² ನಾನ್ ಪೋಯಿತೇ ಪೋಕಂಡೂಂದ್ ನಾಡ ಮನಸ್ಸ್‌ಲ್ ದೇವ ಎಣ್ಣ್‌ನಗುಂಡ್ ನಾನ್ ಅಲ್ಲಿಕ್ ಪೋಯೆ. ನಾನ್ ಅಲ್ಲಿ ಇಪ್ಪಕ, ಅಲ್ಲಿಯತ್‍ರ ಸಬೆರ ಮುಕ್ಯಪ್ಪಟಯಿಂಗಕ್, ನಾನ್ ಯೆಹೂದ್ಯರಲ್ಲತಯಿಂಗಡ ಮದ್ಯತ್‍ಲ್ ಬೋದನೆ ಮಾಡ್‌ವ ನಲ್ಲ ಸುದ್ದಿರ ವಿಷಯ ಚಾಯಿ ಗೊತ್ತಾಂಡೂಂದ್ ಒಬ್ಬೊಬ್ಬಂಗಕು ವಿವರಿಚಿಟ್ಟಿಯೆ; ಅಯಿಂಗಳು ನಾನು, ಈ ವಿಷಯತ್‍ಲ್ ಒತ್ತೊರ್ಮೆಲ್ ಇರಂಡೂಂದ್ ನಾನ್ ಇನ್ನನೆ ಮಾಡಿಯೆ. ಇಲ್ಲತೆಪೋಚೇಂಗಿ, ನಾನ್ ಇಲ್ಲಿಕತ್ತನೆ ಮಾಡ್‍ನದ್ ಪಿಂಞ ಮಾಡಿಯಂಡುಳ್ಳದ್ ಪಾಳಾಯಿ ಪೋಪಾಂದ್ ನಾಕ್ ಪೋಡಿಯಿಂಜತ್.

ಗಲಾತ್ಯ 2:2 ပူးပေါင်းရင်းမြစ်များ

ಮತ್ತಾಯ 10:16

ನೋಟಿ, ನಿಂಗಳ ತೋಳಯಡ ಮದ್ಯತ್ ಕೊರಿಯಳ ಅಯಿಪನೆಕೆ ನಾನ್ ನಿಂಗಳ ಅಯಿಚಂಡುಳ್ಳ. ಅದ್ಂಗಾಯಿತ್ ನಿಂಗ ಪಾಂಬ್‍ರನೆಕೆ ಜಾಣವಾಯಿತು, ಪಾರಿವಾಳರನೆಕೆ ಸಾದುವಾಯಿತು ಇರಿ.

ಅಪೊಸ್ತಲ 15:12

ಅಕ್ಕ, ಅಲ್ಲಿ ಕೂಡಿತ್ಂಜ ಎಲ್ಲಾರು ಒರ್ ತಕ್ಕು ಎಣ್ಣತೆ, ಬಾರ್ನಬ ಪಿಂಞ ಪೌಲಂಡ ಮೂಲಕ ದೇವ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ಮಾಡ್‍ನ ಎಲ್ಲಾ ಆಶ್ಚರ್ಯ ಗುರ್‌ತ್ ಕಾರ್ಯತ್‍ನ ಅಯಿಂಗ ವಿವರಿಚಿಡುವಾನ ಕ್‍ೕಟತ್.

ಅಪೊಸ್ತಲ 15:2

ಅಕ್ಕ, ಅಯಿಂಗಕು ಪಿಂಞ ಪೌಲ ಬಾರ್ನಬಂಗಕು ಬಲ್ಯ ತರ್ಕ ಆಚಿ. ಈ ವಿಷಯಕಾಯಿತ್, ಅಲ್ಲಿಂಜ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಡ ಕೂಡೆ ಇಂಞು ಚೆನ್ನ ಜನಳ ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗಡ ಪಕ್ಕ ಪೋಪಕ್ ಅಯಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 15:4

ಅಯಿಂಗ ಯೆರೂಸಲೇಮ್‌ಕ್ ಬಂದ ಪಿಂಞ ಸಬೇಲ್ ಉಳ್ಳಯಿಂಗ, ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ಅಯಿಂಗಳ ಸ್ವೀಕಾರ ಮಾಡ್‍ಚಿ. ಪಿಂಞ, ಈಂಗ ದೇವ ತಂಗಡ ಮೂಲಕ ಮಾಡ್‍ನ ಕಾರ್ಯತ್‍ನೆಲ್ಲಾ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 18:9

ಒರ್ ಬಯಿಟ್ ನೇರತ್ ಒಡೆಯ, ಪೌಲಂಗ್ ದರ್ಶನತ್‍ಲ್: ನೀನ್ ಬೊತ್ತತೆ, ನೀನ್ ದೈರ್ಯವಾಯಿತ್ ಜನಕ್ ಬೋದನೆ ಮಾಡಿಯಂಡಿರ್, ಮುಂಡತೆ ಇರತೆ.

ಅಪೊಸ್ತಲ 23:11

ಆ ದಿವಸ ಬಯಿಟ್, ಒಡೆಯ ಪೌಲಂಡ ಪಕ್ಕ ನಿಂದಿತ್ ದೈರ್ಯವಾಯಿತ್ ಇರ್; ನೀನ್ ಯೆರೂಸಲೇಮ್‍ಲ್ ನಾಡ ಸಂಗತಿನ ಸಾಕ್ಷಿಯಾಯಿತ್ ಎಣ್ಣ್‌ನನೆಕೆ, ರೋಮ್ ಪಟ್ಟಣತ್‌ಲು ಸಾಕ್ಷಿ ಎಣ್ಣಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 5:34

ಅಕ್ಕ, ದೇವಡ ವಾಕ್ಯತ್‍ರ ಉಪಾದ್ಯನಾಯಿತು, ಎಲ್ಲಾ ಜನಡ ಮರ್ಯಾದೆನ ಪಡ್ಂದಿತ್ಂಜ ಗಮಲಿಯೇಲ ಎಣ್ಣುವ ಒರ್ ಫರಿಸಾಯ ಆಲೋಚನೆ ಸಬೇಲ್ ಎದ್ದ್ ನಿಂದಿತ್, ಅಪೊಸ್ತಲಂಗಳ ಚೆನ್ನ ನೇರ ಪೊರಮೆ ಅಯಿಕಂಡೂಂದ್ ಆಜ್ಞೆ ಕೊಡ್‍ತತ್.

ರೋಮ್ 9:16

ಆನಗುಂಡ್, ಒರ್ ಮನುಷ್ಯ ಆಸೆ ಪಡುವಗುಂಡೋ ಅಥವ ಪ್ರಯತ್ನ ಮಾಡ್‍ವಗುಂಡೊ ಅದ್ ಆಪುಲೆ, ಆಚೇಂಗಿ, ಕನಿಕರ ಕಾಟುವ ದೇವಡಗುಂಡ್ ಮಾತ್ರ ಆಪ.

1 ಕೊರಿಂಥ 1:23

ಆಚೇಂಗಿ ನಂಗ, ಶಿಲುಬೇಲ್ ಚತ್ತ ಕ್ರಿಸ್ತನ ಬೋದನೆ ಮಾಡಿಯಂಡುಂಡ್; ಆ ಬೋದನೆನ ಯೆಹೂದ್ಯಂಗ ನಂಬುವಕ್ ಕುಶಿಪಡುಲೆ, ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನ ಇದ್ ಪುಚ್ಚಿ ತಕ್ಕ್‌ರನೆಕೆ ಉಂಡ್‍ೕಂದ್ ಎಣ್ಣುವ.

1 ಕೊರಿಂಥ 2:2

ಎನ್ನಂಗೆಣ್ಣ್‌ಚೇಂಗಿ, ನಾನ್ ನಿಂಗಡ ಕೂಡೆ ಇಪ್ಪಕ ಯೇಸು ಕ್ರಿಸ್ತನ ಪಿಂಞ ಅಂವೊ ಶಿಲುಬೇಲ್ ಚತ್ತದ್‍ನ ಬುಟ್ಟಿತ್ ಬೋರೆ ಒಂದು ನಿಂಗಕ್ ಗೊತ್ತಾಪದ್ ಬೋಂಡಾಂದ್ ನಾನ್ ತೀರ್ಮಾನ ಮಾಡಿಯೆ.

1 ಕೊರಿಂಥ 9:24

ಪೈಪೋಟೀಲ್ ಓಡುವಯಿಂಗ ಎಲ್ಲಾರು ಓಡುವ, ಆಚೇಂಗಿ ಒಬ್ಬಂಗ್ ಮಾತ್ರ ಇನಾಮ್ ಕ್‍ಟ್ಟ್‌ವಾಂದ್ ನಿಂಗಕ್ ಗೊತ್ತುಂಡಲ್ಲ? ಆನಗುಂಡ್ ನಿಂಗಳು, ದೇವ ನಿಂಗಕಾಯಿತ್ ಬೆಚ್ಚಿತುಳ್ಳ ಕಿರೀಟ ಕ್‍ಟ್ಟ್‌ವಕಾಯಿತ್ ಓಡಿ.

1 ಕೊರಿಂಥ 9:26

ಆನಗುಂಡ್, ನಾನ್ ಒರ್ ಗುರಿ ಇಲ್ಲತ ಮನುಷ್ಯಂಡನೆಕೆ ಓಡಿಯಂಡಿಲ್ಲೆ; ಗಾಳಿಕ್ ಬಡಿಪಂವೊನೆಕೆ ನಾನ್ ಬಡ್‌ಚಂಡಿಲ್ಲೆ.

2 ಕೊರಿಂಥ 12:1

ಹೊಗಳಿಚಿಡುವದ್‍ಲ್ ಒರ್ ಪ್ರಯೋಜನವು ನಾಕ್ ಇಲ್ಲೆ ಆಚೇಂಗಿಯು, ಅದ್ಂಗ್ ಅವಸ್ಯ ಉಂಡ್. ಒಡೆಯ ನಾಕ್ ಕಾಂಬ್‍ಚಿಟ್ಟ ದರ್ಶನತ್‍ನ ಪಿಂಞ ಪ್ರಕಟನೆರ ವಿಷಯತ್‍ನ ಎಣ್ಣ್‌ವಿ.

ಗಲಾತ್ಯ 1:12

ಇದ್ ನಾಕ್ ಒರ್ ಮನುಷ್ಯಡಿಂಜ ಕ್‍ಟ್ಟ್‌ನದು ಅಲ್ಲ, ದಾರೂ ಬೋದನೆ ಮಾಡ್‌ನದು ಅಲ್ಲ. ಬದ್‍ಲಾಯಿತ್, ಯೇಸು ಕ್ರಿಸ್ತನೇ ಇದ್‍ನ ನಾಕ್ ಕಾಂಬ್‍ಚಿಟ್ಟತ್.

ಗಲಾತ್ಯ 1:16

ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ.

ಗಲಾತ್ಯ 1:6

ನಿಂಗಳ ಯೇಸು ಕ್ರಿಸ್ತಂಡ ಕೃಪೇರಗುಂಡ್ ಕಾಕ್‍ನಂವೊನ ಬುಟ್ಟಿತ್, ಇಚ್ಚಕ್ ಬೆರಿಯ ಬೋರೆ ಒರ್ ನಲ್ಲ ಸುದ್ದಿರ ಬಟ್ಟೇಲ್ ಪೋಪದ್‌ನ ನೋಟುವಕ, ನಾಕ್ ದುಂಬ ಆಶ್ಚರ್ಯ ಆಯಂಡುಂಡ್.

ಗಲಾತ್ಯ 2:6

ಅಯಿಂಗಡ ಪೆರಿಯಯಿಂಗಾಂದ್ ಎಣ್ಣ್‌ವಯಿಂಗ ನಾನ್ ಎಣ್ಣ್‌ನ ವಿಷಯತ್‍ರ ಕೂಡೆ ಒಂದು ಕೂಟಿತ್ ತಕ್ಕ್ ಪರ್ಂದಿತ್‌ಲ್ಲೆ. (ಅಯಿಂಗ ಎಚ್ಚಕ್ ಪೆರಿಯಯಿಂಗಳಾಯಿತ್ ಇಂಜತೇಂಗಿಯು ನಾಕ್ ಒಂದು ಇಲ್ಲೆ, ಎನ್ನಂಗೆಣ್ಣ್‌ಚೇಂಗಿ, ದೇವಡ ಮಿಂಞತ್‍ಲ್ ಪೆರಿಯಂವೊ ಚೆರಿಯಂವೋಂದ್ ದಾರೂ ಇಲ್ಲೆ).

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.

ಗಲಾತ್ಯ 5:7

ನಿಂಗ ಚಾಯಿತೆ ಓಡಿಯಂಡಿಂಜೀರಲ್ಲಾ? ಪಿಂಞ ದಾರ್ ನಿಂಗಳ ಸತ್ಯತ್‍ರ ಬಟ್ಟೇಲ್ ಪೋಕತನೆಕೆ ನಿಪ್ಪ್‌ಚಿಟ್ಟದ್?

ಫಿಲಿಪ್ಪಿ 2:16

ಜೀವ ತಪ್ಪ ದೇವಡ ತಕ್ಕ್‌ನ ಗಟ್ಟಿಯಾಯಿತ್ ಪುಡ್‍ಚೊಳಿ! ಯೇಸು ಕ್ರಿಸ್ತ ತಿರಿತ್ ಬಪ್ಪ ದಿವಸತ್‍ಲ್ ನಾಕ್ ನಿಂಗಡ ಮದ್ಯತ್‍ಲ್ ಕ್‍ಟ್ಟ್‌ನ ಕಷ್ಟನಷ್ಟ ಒಂದು ಪಾಳಾಯಿ ಪೋಯಿತ್‌ಲ್ಲೇಂದ್ ನಾಕ್ ಕುಶಿ ಆಪ.

ಫಿಲಿಪ್ಪಿ 2:29

ಆನಗುಂಡ್, ಒಡೆಯಂಡ ಪ್ರೀತಿಲ್ ದುಂಬಿತ್, ಅಂವೊನ ಚಾಯಿತೆ ಸತ್ಕಾರ ಮಾಡಿತ್, ಇನ್ನನೆ ಉಳ್ಳಯಿಂಗಕ್ ಕೊಡ್‍ಪ ಮರ್ಯಾದೆನ ಕೊಡ್‍ಕಂಡು.

1 ಥೆಸಲೊನೀಕ 3:5

ಆನಗುಂಡ್, ನಿಂಗಡ ವಿಷಯತ್ ನಾಕ್ ಪಾರಕಾತಂಡ್ ಇಪ್ಪಕ್ ಕಯ್ಯತೆ, ಯೇಸುರ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಎನ್ನನೆ ಉಂಡ್‍ೕಂದ್ ಗೊತ್ತಾಪಕಾಯಿತ್ ಅಂವೊನ ನಿಂಗಡ ಪಕ್ಕ ಅಯಿಚಿಯೆ. ನಂಗಳ ಸೋದನೆ ಮಾಡ್‌ವ ಸೈತಾನ ನಿಂಗಳ ಸೋದನೆ ಮಾಡಿತ್, ನಂಗ ಇಲ್ಲಿಕತ್ತನೆ ನಿಂಗಡಲ್ಲಿ ಮಾಡ್‍ನ ದೇವಡ ಸೇವೇಕ್ ಒರ್ ಪ್ರಯೋಜನವು ಇಲ್ಲತ ಪೋಯಿರುವಾಂದ್ ನಾಕ್ ಪೋಡಿ ಆಚಿ.

2 ತಿಮೊಥೆಯ 4:7

ನಾನ್ ನಲ್ಲ ಪೋರಾಟತ್‍ನ ಪೋರಾಡ್‍ನ, ಓಟತ್‍ನ ಪೂರ್ತಿ ಮಾಡ್‍ನ, ನಾಡ ನಂಬಿಕೇನ ಕಾಪಾಡ್‍ನ.

ಇಬ್ರಿಯ 12:1

ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು.