ಗಲಾತ್ಯ 2:19 - ಕೊಡವ ಬೈಬಲ್

¹⁹ ನಾನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಮೂಲಕ ಆ ನ್ಯಾಯಪ್ರಮಾಣಕ್ ಚತ್ತ್‌ಪೋನ. ಆ ನ್ಯಾಯಪ್ರಮಾಣತ್ಂಜ ಬುಡ್‍ಗಡೆ ಆಯಿತ್ ದೇವಕ್‍ೕಂದ್ ಬದ್‍ಕ್‍ವಕಾಚಿ.

ಗಲಾತ್ಯ 2:19 ပူးပေါင်းရင်းမြစ်များ

ರೋಮ್ 4:15

ನ್ಯಾಯಪ್ರಮಾಣ ದೇವಡ ಬಲ್ಯ ಚೆಡಿನ ಕೊಂಡ್ ಬಪ್ಪ, ನ್ಯಾಯಪ್ರಮಾಣ ಇಲ್ಲೇಂಗಿ ಅಪರಾದವು ಇಲ್ಲೆ.

ರೋಮ್ 5:20

ಅದಲ್ಲತೆ, ಅಪರಾದ ಜಾಸ್ತಿ ಆಂಡೂಂದ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಆಚೇಂಗಿ, ಎಲ್ಲಿ ಪಾಪ ಜಾಸ್ತಿ ಆಚೋ, ಅಲ್ಲಿ ಕೃಪೆಯು ಇಂಞು ಜಾಸ್ತಿಯಾಚಿ.

ರೋಮ್ 6:11

ಅನ್ನನೆ ನಿಂಗಳು, ನಿಂಗಳ ಪಾಪಕ್ ಚತ್ತಯಿಂಗಳಾಯಿತು, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡಲ್ಲಿ ಉಳ್ಳ ಐಕ್ಯತ್‍ಲ್ ದೇವಕಾಯಿತ್ ಬದ್‍ಕಿಯಂಡುಳ್ಳಯಿಂಗಳಾಯಿತು ಗೇನ ಮಾಡಿಯೊಳಿ.

ರೋಮ್ 6:14

ನಿಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಿತುಳ್ಳಗುಂಡ್ ಪಾಪ ನಿಂಗಳ ಆಳುವಕ್ ಕಯ್ಯುಲೆ.

ರೋಮ್ 6:2

ಅನ್ನನೆ ಇಲ್ಲೆ! ಪಾಪಕ್ ಚತ್ತ್ ಪೋಯಿತುಳ್ಳ ನಂಗ, ಇಂಞು ಅದ್‍ಲ್ ಎನ್ನನೆ ಬದ್‍ಕ್‌ವಕಾಪ?

ರೋಮ್ 7:14

ಅದಲ್ಲತೆ, ನ್ಯಾಯಪ್ರಮಾಣ ಆತ್ಮೀಯವಾಯಿತುಂಡ್‍ೕಂದ್ ನಂಗಕ್ ಗೊತ್ತುಂಡ್, ಆಚೇಂಗಿ ನಾನ್ ಪಾಪಕ್ ಅಡಿಯಾಳಾಯಿತ್ ಮಾರಿತ್, ಆತ್ಮೀಯ ಜೀವ ಇಲ್ಲತಂವೊನಾನ.

ರೋಮ್ 7:4

ಅನ್ನನೆ, ನಾಡ ಅಣ್ಣತಮ್ಮಣಂಗಳೇ, ನಿಂಗಳು ಸಹ, ಕ್ರಿಸ್ತಂಡ ತಡೀರ ಮೂಲಕ ನ್ಯಾಯಪ್ರಮಾಣಕ್ ಚತ್ತ್ ಪೋಯಿತುಳ್ಳಿರ. ಆನಗುಂಡ್, ದೇವಕಾಯಿತ್ ಫಲ ಕೊಡ್‍ಪನೆಕೆ, ಚಾವ್‍ಯಿಂಜ ಜೀವವಾಯಿತ್ ಬಂದ ಬೋರೆ ಒಬ್ಬಂಗ್ ಕೂಡ್‍ನಯಿಂಗಳಾಯಿತುಳ್ಳಿರ.

ರೋಮ್ 8:2

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

1 ಕೊರಿಂಥ 10:31

ಆನಗುಂಡ್ ನಿಂಗ ತಿಂಬದಾಚೇಂಗಿಯು, ಕುಡಿಪದಾಚೇಂಗಿಯು, ಎಂತ ಮಾಡ್‌ವದಾಚೇಂಗಿಯು, ನಿಂಗ ಮಾಡ್‌ವ ಕಾರ್ಯ ದೇವಡ ಮಹಿಮೆಕಾಯಿತ್ ಮಾಡಂಡು.

1 ಕೊರಿಂಥ 9:20

ಯೆಹೂದ್ಯಂಗಳ ದೇವಕ್ ಸಂಪಾದನೆ ಮಾಡ್‌ವಕಾಯಿತ್, ಒರ್ ಯಹೂದ್ಯಂಡನೆಕೆಯು, ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಳ, ದೇವಕ್ ಸಂಪಾದನೆ ಮಾಡ್‌ವಕಾಯಿತ್, ನ್ಯಾಯಪ್ರಮಾಣಕ್ ನಾನ್ ಗುಲಾಮನಾಯಿತ್ ಇಲ್ಲತೆ ಇಂಜತೇಂಗಿಯು, ಅದ್‍ನ ಮಾಡ್‌ವಂವೊನಾಯಿತ್ ನಾನ್ ಆನ.

2 ಕೊರಿಂಥ 5:15

ಬದ್‍ಕಿಯಂಡುಳ್ಳಯಿಂಗ ಇಂಞು ಮಿಂಞಕ್ ಅಯಿಂಗಕಾಯಿತ್ ಬದ್‍ಕತೆ, ಅಯಿಂಗಕಾಯಿತ್ ಚತ್ತಿತ್ ಪುನಃ ಎದ್ದಿತ್ ಬಂದಂವೊಂಗಾಯಿತ್ ಬದ್‍ಕ್‍ವನೆಕೆ, ಅಂವೊ ಎಲ್ಲಾರ್‍ಕಾಯಿತ್ ಚತ್ತತ್.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಗಲಾತ್ಯ 3:10

ಆಚೇಂಗಿ, ನ್ಯಾಯಪ್ರಮಾಣತ್‍ರ ಮೂಲಕ ದೇವಡ ಮಿಂಞತ್‍ಲ್ ನೀತಿವಂತಂವೊಂಡನೆಕೆ ನಿಪ್ಪಕ್ ಕಯ್ಯೂಂದ್ ನಂಬುವಯಿಂಗೆಲ್ಲ ಶಾಪತ್‍ಲ್ ಉಂಡ್; ಎನ್ನಂಗೆಣ್ಣ್‌ಚೇಂಗಿ, ನ್ಯಾಯಪ್ರಮಾಣಕ್ ತಗ್ಗಿತ್ ನಡ್‍ಕತೆ, ಅದ್ ಎಣ್ಣ್‌ನನೆಕೆ ಮಾಡತಯಿಂಗೆಲ್ಲಾ ಶಾಪತ್‍ಲ್ ಉಳ್ಳಯಿಂಗಾಂದ್ ಒಳ್‍ದಿತುಂಡಲ್ಲ.

ಗಲಾತ್ಯ 3:24

ಇನ್ನನೆ ನ್ಯಾಯಪ್ರಮಾಣ, ನಂಗ ನಂಬಿಕೇರಗುಂಡ್ ನೀತಿವಂತಂಗಳಾಯಿತ್ ಆಪಕ್ ನಂಗಳ ಕ್ರಿಸ್ತಂಡ ಪಕ್ಕ ಕಾಕಿಯಂಡ್ ಪೋಪ ಉಪಾದ್ಯನಾಯಿತ್ಂಜತ್.

ಗಲಾತ್ಯ 6:14

ಆಚೇಂಗಿ, ನಾಕ್ ಕ್ರಿಸ್ತಂಡ ಶಿಲುಬೇರ ವಿಷಯತ್‍ನ ಬುಟ್ಟಿತ್ ಬೋರೆ ಏದ್ ವಿಷಯತ್‍ಲು ಹೊಗಳಿಚಿಡುವದ್ ಬೋಂಡ; ಈ ಲೋಕ ಅಂವೊನಗುಂಡ್ ನಾಕಾಯಿತ್ ಶಿಲುಬೇಲ್ ಉಂಡ್, ನಾನ್ ಸಹ ಈ ಲೋಕತ್‍ರ ಆಸೆಕೆಲ್ಲಾ ನನ್ನ ಶಿಲುಬೇಕ್ ಇಟ್ಟಿಯೆ.

ಕೊಲೊಸ್ಸೆ 2:20

ನಿಂಗ ಕ್ರಿಸ್ತಂಡ ಕೂಡೆ ಚತ್ತ್ ಪೋಯಿತ್, ಈ ಲೋಕತ್‍ರ ಆತ್ಮತ್‍ರ ಅದಿಕಾರತ್ಂಜ ಬುಡುಗಡೆ ಆಯಿತುಳ್ಳಿರ. ಪಿಂಞ ಎನ್ನಂಗ್, ನಿಂಗ ಇಂಞು ಇನ್ನನೆ ಮಾಡ್‌ವಕ್ಕಾಗ, ಇದ್‍ನ ತಿಂಬಕ್ಕಾಗ, ಇದ್‍ನ ಮುಟ್ಟುವಕ್ಕಾಗಾಂದ್ ಈ ಲೋಕತ್‍ರ ನೇಮತ್‍ರನೆಕೆ ಬದ್‌ಕಿಯಂಡುಳ್ಳಿರ?

ಕೊಲೊಸ್ಸೆ 3:3

ಎನ್ನಂಗೆಣ್ಣ್‌ಚೇಂಗಿ, ನಿಂಗ ಈ ಬದ್‍ಕ್‍ಕ್ ಚತ್ತ್ ಪೋಯಿತುಳ್ಳಿರ, ನಿಂಗಡ ನೇರಾನ ಜೀವ ಕ್ರಿಸ್ತಂಡ ಕೂಡೆ ದೇವಡಲ್ಲಿ ಒಳ್‌ಪ್‌ಚಿಟ್ಟಿತ್ ಉಂಡ್.

1 ಥೆಸಲೊನೀಕ 5:10

ಯೇಸು ನಂಗಕಾಯಿತ್ ಚತ್ತತ್. ಆನಗುಂಡ್, ಅಂವೊ ಬಪ್ಪಕ ನಂಗ ತಡೀಲ್ ಚತ್ತ್ ಪೋಯಿತ್ಂಜತೇಂಗಿಯು, ಬದ್‍ಕಿಯಂಡಿಂಜತೇಂಗಿಯು ಅಂವೊ ಎಕ್ಕಾಲು ಬದ್‍ಕ್‍ವನೆಕೆ, ನಂಗಳು ಅಂವೊಂಡ ಕೂಡೆ ಎಕ್ಕಾಲು ಬದ್‍ಕ್‌ವಕಾಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.

1 ಪೇತ್ರ 4:6

ಈ ಕಾರಣಕಾಯಿತ್, ಎಲ್ಲಾರ್‌ಕು ಕ್‍ಟ್ಟುವ ನ್ಯಾಯತೀರ್ಪ್‌ರನೆಕೆ ತಡೀಲ್ ಅಯಿಂಗ ಚತ್ತ್ ಪೋಯಿತ್ಂಜತೇಂಗಿಯು, ಆತ್ಮತ್‍ಲ್ ದೇವಡ ಕೂಡೆ ಅಯಿಂಗ ಬದ್‍ಕ್‍ವನೆಕೆ ದೇವಡ ನಲ್ಲ ಸುದ್ದಿನ ಅರಿಚಿಟ್ಟತ್.