ಗಲಾತ್ಯ 2:17 - ಕೊಡವ ಬೈಬಲ್

¹⁷ ಆಚೇಂಗಿ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್, ನೀತಿವಂತಯಿಂಗಳಾಯಿತ್ ಇಪ್ಪಕ್ ಪ್ರಯತ್ನಪಡ್‍ವಕ ಇಂಞು ನಂಗಡಲ್ಲಿ ಪಾಪ ಇಂಜತೇಂಗಿ, ನಂಗ ಪಾಪಿಯಾಯಿತ್‌ಪ್ಪಕ್ ಕ್ರಿಸ್ತ ಕಾರಣವಾಯಿತ್ ಇಪ್ಪಕ್ ಕಯ್ಯುವ? ಅನ್ನನೆ ಆಪದೇ ಇಲ್ಲೆ.

ಗಲಾತ್ಯ 2:17 ပူးပေါင်းရင်းမြစ်များ

ಮತ್ತಾಯ 1:21

ಅವ ಒರ್ ಕ್‍ಣ್ಣ ಕುಂಞಿನ ಪೆರ್‌ವ. ಅಂವೊಂಗ್ ಯೇಸೂಂದ್ ಪೆದ ಇಡಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಜನಳ ಪಾಪತ್ಂಜ ಕಾಪಾಡ್‌ವಾಂದ್ ದೇವದೂತ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:16

ಅಂವೊ ಅಯಿಂಗಳ ಕೊಂದ್‍ರ್‍ವಂಜಿ ಬೋರೆ ವಾರಕಾರಂಗಕ್ ತೋಟತ್‍ನ ಕೊಡ್‍ಪಾಂದ್ ಯೇಸು ಎಣ್ಣ್‌ಚಿ. ಜನ ಈ ತಕ್ಕ್‌ನ ಕ್‍ೕಪದು: ಆಚೇಂಗಿ, ಅನ್ನನೆ ಆಕತೆ ಇರಡ್‍ೕಂದ್ ಎಣ್ಣ್‌ಚಿ.

ರೋಮ್ 11:7

ಆನಗುಂಡ್ ಎಂತ? ಇಸ್ರಾಯೇಲ್ ಜನ ತ್‍ೕಡ್‍ವದ್ ಅಯಿಂಗಕ್ ಕ್‌ಟ್ಟಿಯಂಡ್ ಇಲ್ಲೆ. ದೇವ ಆಯ್ಕೆ ಮಾಡ್‍ನಯಿಂಗಕ್ ಮಾತ್ರ ಅದ್ ಕ್‌ಟ್ಟಿಯಂಡುಂಡ್; ಬಾಕಿಯುಳ್ಳಯಿಂಗ ಇಲ್ಲಿಕತ್ತನೆ ಅಯಿಂಗಡ ಹೃದಯತ್‍ನ ಕಲ್ಲ್‌ರನೆಕೆ ಮಾಡಿತುಂಡ್.

ರೋಮ್ 15:8

ದೇವ ನೇರಾನಂವೋಂದ್ ನಿರೂಬಿಚಿಡ್‍ವಕಾಯಿತ್, ದೇವ ನಂಗಡ ಮುತ್ತಜ್ಜಂಗಕ್ ಮಾಡ್‍ನ ವಾಗ್ದಾನತ್‍ನ ನೆರೆವೇರಿಚಿಡುವನೆಕೆ, ಯೇಸು ಕ್ರಿಸ್ತ ಯೆಹೂದ್ಯಂಗಕ್ ಸೇವಕನಾಯಿತ್ ಬಾತ್‍ೕಂದ್ ನಾನ್ ಎಣ್ಣ್‌ವಿ.

ರೋಮ್ 3:4

ಅನ್ನನೆ ಆಪುಲೆ. ನೀನ್ ಎಣ್ಣುವದ್ ಸತ್ಯಾಂದ್ ಎಲ್ಲಾರ್‌ಕು ಗೊತ್ತಾಂಡು, ಪಿಂಞ ನೀಡ ನ್ಯಾಯತ್‍ನ ವಿಚಾರಣೆ ಮಾಡ್‌ವಕ ನೀಕ್ ಜಯ ಕ್‍ಟ್ಟಂಡೂಂದ್ ಒಳ್‍ದಿತುಳ್ಳನೆಕೆ, ದೇವ ಮಾತ್ರ ಸತ್ಯವಂತಂವೊ, ಮನುಷ್ಯಂಗೆಲ್ಲಾ ಪೊಟ್ಟ್ ಪರಿಯುವಯಿಂಗಾಂದ್ ಆಚಿ.

ರೋಮ್ 3:6

ಅನ್ನನೆ ಅಲ್ಲ! ಅನ್ನನೆ ಆಚೇಂಗಿ, ದೇವ ಎನ್ನನೆ ಈ ಲೋಕತ್‍ನ ತೀರ್ಪ್ ಮಾಡ್‌ವ?

ಗಲಾತ್ಯ 2:11

ಆಚೇಂಗಿ, ಪೇತ್ರ ಅಂತಿಯೋಕ್ಯ ಪಟ್ಟಣಕ್ ಬಪ್ಪಕ, ಅಂವೊ ತಪ್ಪ್ ಮಾಡ್‍ಚೀಂದ್ ಚಾಯಿ ಗೊತ್ತಾನಗುಂಡ್, ಎಲ್ಲಾಡ ಮಿಂಞತ್‍ಲ್ ಅಂವೊಂಡ ಮೂಡ್ ನೋಟಿತ್ ಅಂವೊಂಗ್ ಎದ್‍ರ್ ನಿಂದಿಯೆ.

ಗಲಾತ್ಯ 2:15

ನಾನು ನಿಂಗಳು ಯೆಹೂದ್ಯಂಗಳಾಯಿತೇ ಪುಟ್ಟ್‌ನಯಿಂಗ, ಯೆಹೂದ್ಯರಲ್ಲತ ಜನಡರನೆಕೆ ಪಾಪಿಯಂಗ ಅಲ್ಲ.

ಗಲಾತ್ಯ 3:21

ಅನ್ನನಾಚೇಂಗಿ, ನ್ಯಾಯಪ್ರಮಾಣ ದೇವ ಮಾಡ್‍ನ ವಾಗ್ದಾನಕ್ ವಿರೋದವಾ? ಅನ್ನನೆ ಇಲ್ಲವೇ ಇಲ್ಲೆ. ನ್ಯಾಯಪ್ರಮಾಣ ಎಣ್ಣ್‌ವನೆಕೆ ನಡ್‍ಪ ಮನುಷ್ಯಂಗಕ್ ಜೀವ ಕ್‍ಟ್ಟ್‌ಚೇಂಗಿ, ಎಲ್ಲಾರು ದೇವಡ ಪಕ್ಕ ನೀತಿವಂತಯಂಗಳಾಯಿತ್ ಬದ್‍ಕ್‍ವಯಿಂಜತ್.

ಗಲಾತ್ಯ 6:14

ಆಚೇಂಗಿ, ನಾಕ್ ಕ್ರಿಸ್ತಂಡ ಶಿಲುಬೇರ ವಿಷಯತ್‍ನ ಬುಟ್ಟಿತ್ ಬೋರೆ ಏದ್ ವಿಷಯತ್‍ಲು ಹೊಗಳಿಚಿಡುವದ್ ಬೋಂಡ; ಈ ಲೋಕ ಅಂವೊನಗುಂಡ್ ನಾಕಾಯಿತ್ ಶಿಲುಬೇಲ್ ಉಂಡ್, ನಾನ್ ಸಹ ಈ ಲೋಕತ್‍ರ ಆಸೆಕೆಲ್ಲಾ ನನ್ನ ಶಿಲುಬೇಕ್ ಇಟ್ಟಿಯೆ.

ಇಬ್ರಿಯ 8:2

ಅಲ್ಲಿ ಅಂವೊ, ಪರಲೋಕತ್‍ರ ಗುಡಾರತ್‍ಲ್ ಸೇವೆ ಮಾಡಿಯಂಡುಂಡ್. ಈ ಗುಡಾರ ಮನುಷ್ಯಂಗಡಗುಂಡ್ ಮಾಡ್‍ನ ಗುಡಾರ ಅಲ್ಲ, ಒಡೆಯನಗುಂಡ್ ಮಾಡ್‍ನ ನೇರಾನ ಗುಡಾರವಾಯಿತುಂಡ್.

1 ಯೋಹಾನ 3:5

ನಂಗಡ ಪಾಪತ್‍ನ ಎಡ್‌ತ್‌ ಕಳೆಯುವಕಾಯಿತ್ ಕ್ರಿಸ್ತ ಈ ಲೋಕಕ್ ಬಾತ್‍ೕಂದ್ ನಿಂಗಕ್ ಗೊತ್ತುಂಡ್. ಅಂವೊಂಡ ಪಕ್ಕ ಪಾಪ ಇಲ್ಲೆ.