ಗಲಾತ್ಯ 2:12 - ಕೊಡವ ಬೈಬಲ್

¹² ಎನ್ನನೆ ಎಣ್ಣ್‌ಚೇಂಗಿ, ಯಾಕೋಬಂಡಿಂಜ ಚೆನ್ನ ಜನ ಬಪ್ಪಕ್ ಮಿಂಞ ಅಂವೊ, ಯೆಹೂದ್ಯ ಅಲ್ಲತಯಿಂಗಡ ಕೂಡೆ ಉಂಬಕಿಂಜತ್; ಅಯಿಂಗ ಬಂದ ಪಿಂಞ, ಸುನ್ನತಿ ಬೋಂಡೂಂದ್ ಎಣ್ಣ್‌ವಯಿಂಗಡ ತಕ್ಕ್‌ಕ್ ಬೊತ್ತಿತ್ ಯೆಹೂದ್ಯ ಅಲ್ಲತಯಿಂಗಳ ಬುಟ್ಟಿತ್ ಬೋರೆಯಾಯಿತ್ ನಿಂದತ್.

ಗಲಾತ್ಯ 2:12 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 29:25

ಮನುಷ್ಯಂಗಕ್‌ ಬೊತ್ತ್‌ವದ್‌ ಬಲ್ಯ ಕೆಣಿ, ಆಚೇಂಗಿ ಯೆಹೋವಂಡ ಮೇಲೆ ನಂಬಿಕೆ ಇಡ್‌ವಂವೊ ಸೌಕ್ಯತ್‌ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:2

ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಇದ್‍ನ ನೋಟ್‌ವಂಜಿ: ಈ ಮನುಷ್ಯ ಕೆಟ್ಟ ಜನಡ ಕೂಡೆ ಕೂಟ್‍ಕೂಡಿಯಂಡ್ ಅಯಿಂಗಡ ಕೂಡೆ ಉಂಬಲ್ಲಾಂದ್ ಗೊಣಗ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:38

ಆಂಡ ಬದ್‍ಲ್ ಪುದಿಯ ದ್ರಾಕ್ಷಿರಸತ್‍ನ ಪುದಿಯ ಚೀಲಕ್ ಬೂಕಂಡು. ಅಕ್ಕ ದಂಡು ಚಾಯಿಪ್ಪ.

ಅಪೊಸ್ತಲ 10:28

ಪೇತ್ರ ಅಯಿಂಗಕ್: ಯೆಹೂದ್ಯರಲ್ಲತ ಬೋರೆ ಜನಡ ಕೂಡೆ ಐಕ್ಯತ್‍ಲ್ ಇಪ್ಪದ್‍ನ, ಯೆಹೂದ್ಯಂಗಡ ನ್ಯಾಯಪ್ರಮಾಣ ಅನುಮತಿ ಕೊಡ್‍ಪ್‍ಲೇಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿ, ಏದ್ ಒರ್ ಮನುಷ್ಯನು, ಅಂವೊ ಅಶುದ್ದವಾನಂವೋಂದು, ಅಸಹ್ಯವಾನಂವೋಂದು ಎಣ್ಣ್‌ವಕ್ಕಾಗಾಂದ್ ದೇವ ನಾಕ್ ಕಾಟಿಕೊಡ್‍ತಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 12:17

ಅಂವೊ ಅಯಿಂಗೆಲ್ಲ ಮುಂಡತೆ ಇಪ್ಪಕಾಯಿತ್ ಕೈಯಿಲ್ ಸನ್ನೆ ಮಾಡಿತ್ ಅಂವೊನ ಒಡೆಯ ಎನ್ನನೆ ಜೈಲ್‍ಯಿಂಜ ಕೊಂಡ್ ಬಾತ್‍ೕಂದ್ ವಿವರವಾಯಿತ್ ಎಣ್ಣಿತ್, ಈ ವಿಷಯತ್‍ನ ಯಾಕೋಬಂಗು ಬೋರೆ ಯೇಸುನ ನಂಬ್‍ನ ದೇವಡ ಮಕ್ಕಕೂ ಅರಿಚಿಡೀಂದ್ ಎಣ್ಣಿತ್, ಅಂವೊ ಪೊರಟಿತ್ ಬೋರೆ ಎಲ್ಲಿಕೊ ಪೋಚಿ.

ಗಲಾತ್ಯ 2:14

ಅಯಿಂಗ ಇನ್ನನೆ ನಲ್ಲ ಸುದ್ದಿರ ಸತ್ಯಕ್ ಸರಿಯಾನ ರೀತಿಲ್ ಮಾಡತದ್‍ನ ನಾನ್ ಕಾಂಬಕ, ಎಲ್ಲಾಡ ಮಿಂಞತ್ ನಾನ್ ಪೇತ್ರನ ನೋಟಿತ್, ಇನ್ನನೆ ಎಣ್ಣ್‌ನ: ಯೆಹೂದ್ಯನಾಯಿತುಳ್ಳ ನೀನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಕತೆ ಇಂಜಂಡ್, ಯೆಹೂದ್ಯರಲ್ಲತ ಜನ ಯೆಹೂದ್ಯ ಪದ್ದತಿರನೆಕೆ ನಡ್‍ಕಂಡೂಂದ್ ಎನ್ನನೆ ಒತ್ತಾಯ ಮಾಡ್‌ವಕ್ ಕಯ್ಯು?

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.

ಎಫೆಸ 2:15

ನ್ಯಾಯಪ್ರಮಾಣತ್‍ನ ಪಿಂಞ ಅದ್ಂಡ ನೇಮತ್‍ನ ತಾಂಡ ತಡೀರಗುಂಡ್ ನಾಶ ಮಾಡ್‍ಚಿ. ಅನ್ನನೆ ಈ ದಂಡ್ ಜನತ್‍ನ ತಾಂಡ ಮೂಲಕ ಒರೇ ಪುದಿಯ ಮನುಷ್ಯನಾಯಿತ್ ಸೃಷ್ಟಿ ಮಾಡಿತ್, ಸಮಾದಾನ ಮಾಡ್‍ಚಿ.

ಎಫೆಸ 3:6

ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.

1 ಥೆಸಲೊನೀಕ 5:22

ಕೆಟ್ಟದ್‍ನೆಲ್ಲಾ ಬುಟ್ಟಿತ್ ಪೋಯಿ.