ಗಲಾತ್ಯ 2:1 - ಕೊಡವ ಬೈಬಲ್

¹ ಪದನಾಲ್ ಕಾಲ ಆನ ಪಿಂಞ ತೀತ ಎಣ್ಣುವ ಒಬ್ಬನ ಕಾಕಿಯಂಡ್, ಬಾರ್ನಬಂಡ ಕೂಡೆ ನಾನ್ ಯೆರೂಸಲೇಮ್‌ಕ್ ಪುನಃ ಪೋಯೆ.

ಗಲಾತ್ಯ 2:1 ပူးပေါင်းရင်းမြစ်များ

ಅಪೊಸ್ತಲ 11:25

ಅಲ್ಲಿಂಜ ಬಾರ್ನಬ ಸೌಲನ ತ್‍ೕಡಿಯಂಡ್ ತಾರ್ಸ ಪಟ್ಟಣಕ್ ಪೊರಟ್ ಪೋಚಿ.

ಅಪೊಸ್ತಲ 11:30

ಅನ್ನನೆ ಅಯಿಂಗ, ಎಲ್ಲಾನ ಕೂಟಿತ್, ಬಾರ್ನಬ ಪಿಂಞ ಸೌಲಂಡ ಕೂಡೆ, ಯೆರೂಸಲೇಮ್‍ಲ್ ಉಳ್ಳ ಸಬೆರ ಪೆರಿಯಯಿಂಗಕ್ ಈ ಸಹಾಯತ್‍ನ ಕೊಡ್‌ತಿತ್ ಅಯಿಚತ್.

ಅಪೊಸ್ತಲ 12:25

ಬಾರ್ನಬ ಪಿಂಞ ಸೌಲ, ಅಯಿಂಗ ಯೆರೂಸಲೇಮ್‍ಲ್ ಮಾಡ್‍ವಕ್ಕುಳ್ಳ ಸೇವೇನ ಪೂರ್ತಿ ಮಾಡ್‍ನ ಪಿಂಞ ಮಾರ್ಕ ಎಣ್ಣುವ ಇಂಞೊರ್ ಪೆದವುಳ್ಳ ಯೋಹಾನನ ಕಾಕಿಯಂಡ್ ಯೆರೂಸಲೇಮ್ಂಜ ಪುನಃ ವಾಪಸ್ ಬಾತ್.

ಅಪೊಸ್ತಲ 13:2

ಅಯಿಂಗ ಒಡೆಯನ ಆರಾದನೆ ಮಾಡಿಯಂಡ್ ಪಟ್ಟಣಿ ನಿಂದಂಡ್ ಇಪ್ಪಕ, ಪವಿತ್ರಾತ್ಮ ಅಯಿಂಗಕ್: ನಾನ್ ಕಾಕ್‍ನ ವಿಶೇಷ ಸೇವೆಕಾಯಿತ್ ಬಾರ್ನಬ ಪಿಂಞ ಸೌಲನ, ನಿಂಗ ಬೋರೆ ಮಾಡಿತ್ ಅಯಿಂಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 13:50

ಆಚೇಂಗಿ ಯೆಹೂದ್ಯಂಗ, ಅಯಿಂಗಡ ನಂಬಿಕೇಕ್ ಕೂಡ್‍ನ ಬಲ್ಯ ಗನ ಉಳ್ಳ ಪೊಣ್ಣಾಳುವಳ ಪಿಂಞ ಊರ್‌ರ ಮುಕ್ಯಪಟ್ಟ ಆಣಾಳ್‍ನ ಒತ್ತಾಯ ಮಾಡಿತ್, ಪೌಲ ಪಿಂಞ ಬಾರ್ನಬಂಗ್ ದುಂಬ ತೊಂದರೆ ಕೊಡ್‌ತಿತ್, ಅಯಿಂಗಳ ತಂಗಡ ಪಟ್ಟಣತ್ಂಜ ಓಟ್‌ಚಿಟ್ಟತ್.

ಅಪೊಸ್ತಲ 14:12

ಬಾರ್ನಬನ ಅಯಿಂಗಡ ಮುಕ್ಯ ದೇವ ಯೂಪಿತರ್‍ೕಂದು, ಪೌಲ ಬೋದನೆ ಮಾಡ್‍ನಗುಂಡ್, ಅಂವೊನ, ದೇವಡ ವಿಷಯತ್ ತಕ್ಕ್ ಪರಿಯುವ ದೇವ ಮೆರ್ಕುರೀಂದು ಕಾಕ್‍ಚಿ.

ಅಪೊಸ್ತಲ 15:25

ಆನಗುಂಡ್ ನಂಗ ಎಲ್ಲಾರು ಒತ್ತಂಡ್ ತೀರ್ಮಾನ ಮಾಡಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದಕಾಯಿತ್ ತಂಗಡ ಜೀವತ್‍ನ ಅರ್ಪಿಚಿಟ್ಟಯಿಂಗಳು ನಂಗಡ ಪ್ರೀತಿರ ತಮ್ಮಣಂಗಳು ಆನ ಬಾರ್ನಬ ಪಿಂಞ ಪೌಲಂಡ ಕೂಡೆ,

1 ಕೊರಿಂಥ 9:6

ಇಂಞು ನಾನ್ ಪಿಂಞ ಬಾರ್ನಬ ಮಾತ್ರ ಕೆಲಸ ಮಾಡಿತ್, ನಂಗಕ್ ಬೋಂಡಿಯಾನದ್‍ನ ಎಡ್‍ಕಂಡುವ?

2 ಕೊರಿಂಥ 2:13

ಆಚೇಂಗಿಯು, ಅಲ್ಲಿ ನಾಡ ಪ್ರೀತಿರ ತಮ್ಮಣನಾನ ತೀತನ ಕಾಂಗತಗುಂಡ್, ನಾಡ ಮನಸ್ಸ್‌ಕ್ ಸಮಾದಾನ ಇಲ್ಲತಾಚಿ. ಆನಗುಂಡ್, ನಾನ್ ಪೊರಟಿತ್ ಪೋಪೀಂದ್ ಅಯಿಂಗಕ್ ಎಣ್ಣಿತ್, ಮಕೆದೋನ್ಯ ಪ್ರಾಂತ್ಯಕ್ ಪೋಯೆ.

2 ಕೊರಿಂಥ 8:16

ಆಚೇಂಗಿ, ನಿಂಗಕಾಯಿತ್ ತೀತಂಡ ಹೃದಯತ್‍ಲ್ ಈ ಪುರಡ್‍ನ ಉಂಟ್‍ಮಾಡ್‍ನ ದೇವಕ್ ವಂದನೆ.

2 ಕೊರಿಂಥ 8:23

ತೀತಂಡ ವಿಷಯತ್ ದಾರ್ ಒಬ್ಬ ಕ್‍ೕಟತೇಂಗಿ, ಅಂವೊ ನಾಡ ಕೂಟ್‍ಕಾರಾಂದೂ, ನಿಂಗಕಾಯಿತ್ ನಾಡ ಕೂಡೆ ದೇವಡ ಸೇವೆ ಮಾಡ್‌ವಂವೊನಾಯಿತ್ ಉಂಡ್‍ೕಂದು ಗೊತ್ತಿರಡ್. ನಂಗಡ ಅಣ್ಣತಮ್ಮಣಂಗಡ ವಿಷಯತ್ ಕ್‍ೕಟತೇಂಗಿ: ಅಯಿಂಗ ಸಬೆರ ಸೇವಕಂಗಳು, ಕ್ರಿಸ್ತಂಗ್ ಮಹಿಮೆಯಾಯಿತು ಉಂಡ್‍ೕಂದ್ ಗೊತ್ತಿರಡ್.

ಗಲಾತ್ಯ 1:18

ಮೂಂದ್ ಕಾಲ ಆನ ಪಿಂಞ ನಾಕ್ ಪೇತ್ರನ ಪರಿಚಯ ಆಂಡೂಂದ್ ಯೆರೂಸಲೇಮ್‌ಕ್ ಪೋಯೆ. ಅಲ್ಲಿ ನಾನ್ ಅಂವೊಂಡ ಕೂಡೆ ಪದನಂಜಿ ದಿನ ಇಂಜ್.

ಗಲಾತ್ಯ 2:13

ಬೋರೆ ಯೆಹೂದ್ಯಂಗಳು ಅಂವೊಂಡ ಕೂಡೆ ಅಂವೊ ಮೋಸ ಮಾಡ್‌ವನೆಕೆ ನಾಟಕ ಕಳಿಚಂಡ್ ಇಂಜತ್. ಬಾರ್ನಬ ಸಹ ಅಯಿಂಗ ಮಾಡ್‌ವ ಮೋಸತ್‌ರ ಕೆಲಸಕ್ ಜಾರಿರ್‌ತ್.

ಗಲಾತ್ಯ 2:3

ನಾಡ ಕೂಡೆ ಇಂಜ ತೀತ, ಗ್ರೀಕ್ ದೇಶತ್‍ರ ಮನುಷ್ಯನಾಯಿತ್ಂಜತೇಂಗಿಯು ಅಂವೊಂಗ್ ಸುನ್ನತಿ ಮಾಡಂಡೂಂದ್ ಅಯಿಂಗ ಒತ್ತಾಯ ಮಾಡಿತ್ತ್‌ಲ್ಲೆ.

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.

ಕೊಲೊಸ್ಸೆ 4:10

ನಾಡ ಕೂಡೆ ಜೈಲ್‍ಲ್ ಉಳ್ಳ ಅರಿಸ್ತಾರ್ಕ ಪಿಂಞ ಬಾರ್ನಬಂಡ ಅಕ್ಕಂಡ ಮೋಂವೊನಾನ ಮಾರ್ಕ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. (ಮಾರ್ಕಂಡ ವಿಷಯತ್ ನಿಂಗಕ್ ಮಿಂಞಲೇ ಅಪ್ಪಣೆ ಕ್‍ಟ್ಟಿತುಂಡ್; ಅಂವೊ ಬಪ್ಪಕ, ನಿಂಗ ಅಂವೊನ ಸತ್ಕಾರ ಮಾಡಂಡು).

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:4

ತಕ್ಕ ಸಮಯತ್‍ಲ್ ನಂಗಡ ರಕ್ಷಕನಾನ ದೇವಡ ಆಜ್ಞೆರ ಪ್ರಕಾರ ನಾಕ್ ಒಪ್ಪ್‌ಚಿಟ್ಟ ಬೋದನೆರಗುಂಡ್ ಅಂವೊಂಡ ತಕ್ಕ್‌ನ ಕಾಂಬ್‍ಚಿಟ್ಟತ್.