5 ಇದ್ಂಗಾಯಿತ್ ದೇವಕ್ ನಿತ್ಯ ಕಾಲಕ್ ಮಹಿಮೆ ಆಡ್, ಆಮೆನ್.
ನಾನ್ ನಿಂಗಕ್ ಎಂತೆಲ್ಲಾ ಆಜ್ಞೆ ಮಾಡಿತುಂಡೋ ಅದ್‍ಂಗೆಲ್ಲಾ ಬಗ್ಗಿತ್ ನಡ್‍ಪಕ್ ಈ ಪುದಿಯ ಶಿಷ್ಯಂಗಕ್ ಎಣ್ಣಿ ಕೊಡಿ. ಇದಾ, ಈ ಲೋಕತ್‍ರ ಕಡೇಕತ್ತನೆ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪೀಂದ್ ಯೇಸು ಶಿಷ್ಯಂಗಕ್ ಎಣ್ಣ್‌ಚಿ.
ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕೕಡ್‌ಂಜ ಕಾಪಾಡ್. ರಾಜ್ಯವು, ಅದಿಕಾರವು, ಮಹಿಮೆಯು ಎಕ್ಕಾಲು ನೀಡದೇ. ಆಮೆನ್.
ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆಯು, ಬೂಲೋಕತ್‍ಲ್ ಶಾಂತಿಯು, ಮನುಷ್ಯಂಗಡ ಮೇಲೆ ಪ್ರೀತಿಯು ಇಕ್ಕಡ್‍ೕಂದ್ ದೇವನ ತುದಿಚಂಡ್ ಪಾಟ್ ಪಾಡ್‌ಚಿ.
ಎಲ್ಲಾ ಅಂವೊನಗುಂಡ್, ಅಂವೊಂಡ ಮೂಲಕ, ಅಂವೊಂಗಾಯಿತ್ ಉಂಡ್; ಅಂವೊಂಗೇ ಎಕ್ಕಾಲು ಮಹಿಮೆ ಬರಡ್. ಆಮೆನ್.
ತಾನ್ ಒಬ್ಬನೇ ಜ್ಞಾನಿಯಾಯಿತುಳ್ಳ ದೇವಕ್, ಯೇಸು ಕ್ರಿಸ್ತಂಡ ಮೂಲಕ ಎಕ್ಕಾಲು ಮಹಿಮೆ ಆಡ್. ಆಮೆನ್.
ಆನಗುಂಡ್, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಪಾಪ ಮಾಡ್‌ವಕ್ ನಾನ್ ಆಹಾರ ತಿಂಬದ್ ಕಾರಣವಾಯಿತ್ ಇಂಜತೇಂಗಿ, ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‌ವಕ್ ನಾನ್ ತಡೆಯಾಯಿತ್ ಇಕ್ಕತನೆಕೆ ನಾನ್ ಎಕ್ಕಾಲು ಯರ್ಚಿ ತಿಂಬದೇ ಇಲ್ಲೆ.
ಕ್ರಿಸ್ತಂಡ ಮೇಲೆ ಮಿಂಞಲೇ ನಿರೀಕ್ಷೆ ಬೆಚ್ಚಿತುಳ್ಳಯಿಂಗಳಾನ ನಂಗ ಅಂವೊನ ಕೊಂಡಾಡಿತ್ ಮಹಿಮೆ ಕೊಡುಕಂಡೂಂದ್ ಅಂವೊ ಇನ್ನನೆ ಮಾಡ್‍ಚಿ.
ನಂಗಡ ಪರಲೋಕತ್‍ಲ್ ಉಳ್ಳ ಅಪ್ಪನಾನ ದೇವಕ್ ಎಕ್ಕಲೂ ಮಹಿಮೆ ಕ್‍ಟ್ಟಡ್, ಆಮೆನ್.
ನಿತ್ಯವಾಯಿತುಳ್ಳಂವೊನೂ ಚಾವ್ ಇಲ್ಲತಂವೊನು ಕಣ್ಣ್‌ಕ್ ಕಾಂಗತ ರಾಜನಾಯಿತ್, ತಾನ್ ಒಬ್ಬನೇ ಜ್ಞಾನವುಳ್ಳಂವೊನಾಯಿತ್ ಇಪ್ಪ ದೇವಕ್ ಎಕ್ಕಾಲು ಗನ ಪಿಂಞ ಮಹಿಮೆ ಇರಡ್. ಆಮೆನ್.
ಅಕ್ಕು, ದೇವ ನನ್ನ ಎಲ್ಲಾ ಸೈತಾನಂಡ ಕ್‍ೕಡಿಂಜ ಕಾಪಾಡಿತ್, ಅಂವೊಂಡ ಪಕ್ಕ ಪರಲೋಕ ರಾಜ್ಯಕ್ ಕೂಟಿಯೊವ. ನಿತ್ಯ ನಿತ್ಯಕೂ ಅಂವೊಂಗ್ ಮಹಿಮೆ ಕ್‍ಟ್ಟಡ್.
ಯೇಸುರ ಮೂಲಕ ತಾಂಡ ಮಿಂಞತ್ ಕುಶಿಯುಳ್ಳದ್‍ನ, ನಿಂಗಡ ಮದ್ಯತ್‍ಲ್ ಮಾಡಿತ್, ನಿಂಗ ಅಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್, ನಿಂಗಳ ಎಲ್ಲಾ ತರತ್‍ರ ನಲ್ಲ ಕ್ರಿಯೇರಗುಂಡ್ ಪೂರ್ತಿ ಮಾಡಿತ್ ಬಲಪಡ್‍ತಡ್; ಅಂವೊಂಗ್ ಎಕ್ಕಾಲು ಮಹಿಮೆ ಬರಡ್. ಆಮೆನ್.
ಅಂವೊಂಗ್ ಎಕ್ಕಾಲು ಶಕ್ತಿ ಆಡ್. ಆಮೆನ್.
ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.
ನಂಗಡ ರಕ್ಷಕನಾನ ದೇವಕ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ಮಹಿಮೆ, ಮಹತ್ವ, ಶಕ್ತಿ ಪಿಂಞ ಅದಿಕಾರವೆಲ್ಲ ಆದಿಯಿಂಜಲೆ, ಇಕ್ಕಲು, ಎಕ್ಕಾಲು ಇರಡ್. ಆಮೆನ್.
ಅಂವೊ: ನಿಂಗೆಲ್ಲಾರು ದೇವಕ್ ಬೊತ್ತಿತ್, ಅಂವೊಂಗ್ ಮಹಿಮೆ ಕೊಡ್‍ಪಿರ; ಎನ್ನಂಗೆಣ್ಣ್‌ಚೇಂಗಿ ದೇವ ನ್ಯಾಯತೀರ್ಪ್ ಮಾಡ್‌ವ ಸಮಯ ಬಾತ್. ಬಾನತ್‍ನ, ಬೂಲೋಕತ್‍ನ, ಸಮುದ್ರತ್‍ನ ಪಿಂಞ ನೀರ್‌ರ ಬುಗ್ಗೆಯಳ ಸೃಷ್ಟಿ ಮಾಡ್‌ನಂವೊನ ಆರಾದನೆ ಮಾಡ್‌ವಿರಾಂದ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‍ತತ್.
ಅಯಿಂಗಳು ಸಹ, ಬಲ್ಯ ಸ್ವರತ್‍ಲ್: ಮಿಂಞಲೇ ಬಲಿಯಾಯಿತ್ಂಜ ಕೊರಿಕುಟ್ಟಿಯಾನಂವೊ, ಶಕ್ತಿಯು, ಐಶ್ವರ್ಯವು, ಜ್ಞಾನವು, ಬಲವು, ಗನವು, ಮಹಿಮೆಯು, ತುದಿಯು ಪಡೆಯುವಕ್, ಯೋಗ್ಯನಾಯಿತುಂಡ್‍ೕಂದ್ ಪಾಟ್ ಪಾಡ್‌ಚಿ.
ಆಮೆನ್, ನಂಗಡ ದೇವಕ್ ತುದಿಯು, ಮಹಿಮೆಯು, ಜ್ಞಾನವು, ವಂದನೆಯು, ಗನವು, ಅದಿಕಾರವು, ಶಕ್ತಿಯು ಎಕ್ಕಾಲು ಇಕ್ಕಡ್, ಆಮೆನ್‍ಂದ್ ಎಣ್ಣ್‌ಚಿ.
