ಗಲಾತ್ಯ 1:22 - ಕೊಡವ ಬೈಬಲ್

²² ಆಚೇಂಗಿ, ಆ ಸಮಯತ್‍ಲ್ ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ಸಬೇಕ್ ನನ್ನ ಗೊತ್ತ್‌ಂಜತ್‌ಲ್ಲೆ.

ಗಲಾತ್ಯ 1:22 ပူးပေါင်းရင်းမြစ်များ

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.

ರೋಮ್ 16:10

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಬಿಕಸ್ತಾಂದ್ ಪೆದ ಕ್‍ಟ್ಟ್‌ನ ಉತ್ತಮ ಮನುಷ್ಯನಾನ ಅಪೆಲ್ಲ ಎಣ್ಣ್‌ವಂವೊಂಗ್ ವಂದನೆ ಎಣ್ಣಿ; ಅರಿಸ್ತೊಬೂಲಂಡ ಮನೆಕಾರಂಗಕ್ ವಂದನೆ ಎಣ್ಣಿ.

ರೋಮ್ 16:3

ಕ್ರಿಸ್ತ ಯೇಸುರಲ್ಲಿ ಕೂಡೆ ಉಳ್ಳ ಐಕ್ಯತ್‍ಲ್ ನಾಡ ಕೂಡೆ ಸೇವ ಮಾಡ್‍ನ ಪ್ರಿಸ್ಕಿಲ್ಲ ಪಿಂಞ ಅಕ್ವಿಲಂಗು ನಾಡ ವಂದನೆ ಎಣ್ಣಿ.

ರೋಮ್ 16:7

ಅಪೊಸ್ತಲಂಗಡಡೆಲ್ ಚಾಯಿ ಗೊತ್ತುಳ್ಳಯಿಂಗಳು, ನಾಕಿಂಜ ಮಿಂಞ ಕ್ರಿಸ್ತಂಡ ಪಕ್ಕ ಬಂದಯಿಂಗಳು, ನಾಡ ಬೆಂದ್‌ವಳುವಾನ ನಾಡ ಕೂಡೆ ಸೆರಮನೇಲ್ ಕೈದಿಯಾಯಿತ್ ಇಂಜ ಅಂದ್ರೋನಿಕ ಎಣ್ಣ್‌ವಂವೊಂಗು ಯೂನ್ಯ ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

ರೋಮ್ 16:9

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಡ ಕೂಡೆ ಸೇವೆ ಮಾಡ್‍ನ ಉರ್ಬಾ ಎಣ್ಣ್‌ವಂವೊಂಗು, ನಾಡ ಪ್ರೀತಿರ ಸ್ತಾಖು ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 7:17

ದೇವ ನಿಂಗಕ್ ಎಂತ ಬದ್‍ಕ್‍ನ ಪಾಲ್ ಮಾಡಿತ್ ತಂದಿತುಂಡೋ ಅನ್ನನೆ ನಿಂಗ ಬದ್‍ಕ್‍ವದ್ ನಲ್ಲದ್. ದೇವ ನಿಂಗಳ ಎನ್ನನೆ ಕಾಕಿತುಂಡೋ ಅನ್ನನೆ ಬದ್‍ಕ್‍ವದ್ ನಲ್ಲದ್. ಇನ್ನನೆ ನಾನ್ ಎಲ್ಲಾ ಸಬೇಕು ಬೋದನೆ ಮಾಡಿಯಂಡುಳ್ಳ.

ಫಿಲಿಪ್ಪಿ 1:1

ಯೇಸು ಕ್ರಿಸ್ತಂಡ ಸೇವಕನಾನ ಪೌಲ ಪಿಂಞ ತಿಮೊಥೆಯ, ಫಿಲಿಪ್ಪಿ ಪಟ್ಟಣತ್‍ಲ್ ಕ್ರಿಸ್ತ ಯೇಸುರ ಕೂಡೆ ಉಳ್ಳ ಐಕ್ಯತ್‍ಲ್ ದೇವಡ ಮಕ್ಕಳಾಯಿತುಳ್ಳ ಎಲ್ಲಾ ಜನಕು, ನಿಂಗಡ ಮೇಲೆ ಜವಾಬ್ದಾರಿಯಾಯಿತುಳ್ಳ ಸಬೆರ ಪೆರಿಯಯಿಂಗಕು ಪಿಂಞ ಅಯಿಂಗಕ್ ಸಹಾಯ ಮಾಡ್‌ವ ಪೆರಿಯಯಿಂಗಕು ಒಳ್‍ದ್‍ವ ಕಾಗದ ಇದ್.

1 ಥೆಸಲೊನೀಕ 1:1

ಪೌಲನಾನ ನಾನ್, ಸಿಲ್ವಾನ ಪಿಂಞ ತಿಮೊಥೆಯಂಡ ಕೂಡೆ, ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡಲ್ಲಿ ಉಳ್ಳ ಥೆಸಲೊನೀಕ ಪಟ್ಟಣತ್‍ರ ದೇವಡ ಸಬೇಲ್ ಉಳ್ಳ ಮಕ್ಕಕ್ ಒಳ್‍ದ್‍ವ ಕಾಗದ ಇದ್. ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್.

1 ಥೆಸಲೊನೀಕ 2:14

ನಂಗಡ ಅಣ್ಣತಮ್ಮಣಂಗಳೇ, ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಸಬೇರನೆಕೆ ನಿಂಗಳು ಆಯಿತುಳ್ಳಿರ. ಯೆಹೂದ್ಯ ಸಬೆರ ಜನ ಎನ್ನನೆ ಯೇಸುನ ನಂಬತೆ ಅಯಿಂಗಡ ಸ್ವಂತ ಜನವಾಯಿತುಳ್ಳ ಯೆಹೂದ್ಯಂಗಡಗುಂಡ್ ಕಷ್ಟಪಟ್ಟತೋ ಅನ್ನನೆ ನಿಂಗಳು ಸಹ, ನಿಂಗಡ ಜನಾಂಗಡಗುಂಡ್ ಕಷ್ಟಪಟ್ಟಿರ.

2 ಥೆಸಲೊನೀಕ 1:1

ನಂಗಡ ಅಪ್ಪನಾನ ದೇವಕ್ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಗ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ಲ್ ಉಳ್ಳ ದೇವಡ ಸಬೆರ ಮಕ್ಕಕ್ ಪೌಲನಾನ ನಾನ್, ಸಿಲ್ವಾನ ಪಿಂಞ ತಿಮೊಥೆಯ ಕೂಡಿತ್ ಒಳ್‍ದ್‍ವ ಕಾಗದ ಇದ್.