ಗಲಾತ್ಯ 1:21 - ಕೊಡವ ಬೈಬಲ್

²¹ ಅಲ್ಲಿಂಜ ನಾನ್ ಸಿರಿಯ ಪಿಂಞ ಕಿಲಿಕ್ಯ ಎಣ್ಣುವ ಪ್ರಾಂತ್ಯಕ್ ಪೋಯೆ.

ಗಲಾತ್ಯ 1:21 ပူးပေါင်းရင်းမြစ်များ

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 15:23

ಅಯಿಂಗಡ ಕೈಯಿಲ್ ಕಾಗದ ಒಳ್‍ದಿತ್ ಕೊಡ್‍ತತ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಯಿಂಗಳಾತುಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ, ಅಂತಿಯೋಕ್ಯ, ಸಿರಿಯ ಪಿಂಞ ಕಿಲಿಕ್ಯ ಸೀಮೆಲ್ ವಾಸ ಮಾಡ್‌ವ ಯೇಸುನ ನಂಬ್‍ನ ಯೆಹೂದ್ಯ ಅಲ್ಲತಯಿಂಗಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 15:41

ಅಕ್ಕ ಅಯಿಂಗ ಅಲ್ಲಿಂಜ ಪೊರಟಿತ್ ಸಿರಿಯ ಕಿಲಿಕ್ಯ ಸೀಮೆಲ್ ಪ್ರಯಾಣ ಮಾಡಿತ್, ಅಲ್ಲಿ ಇಂಜ ಸಬೇನೆಲ್ಲ ದೃಡಪಡ್‍ತ್‍ಚಿ.

ಅಪೊಸ್ತಲ 18:18

ಪೌಲ ದುಂಬ ದಿವಸ ಕೊರಿಂಥ ಪಟ್ಟಣತ್‍ಲ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗಡ ಕೂಡೆ ಇಂಜ ಪಿಂಞ, ದೇವಡ ಮಕ್ಕಡಯಿಂಜ ಪೊರಟತ್. ತಾಂಗ್ ಒರ್ ಪರ್‍ಕೆ ಇಂಜಗುಂಡ್ ಕೆಂಕ್ರೆಯ ಊರ್‌ಲ್ ಮಂಡೆನ ಬೋಳ್‍ಚಿಟ್ಟಂಡ್, ಸಿರಿಯ ದೇಶಕ್ ಪೋಪಕಾಯಿತ್ ಹಡಗ್‍ನ ಪತ್ತ್‌ಚಿ. ಪ್ರಿಸ್ಕಿಲ್ಲಳು ಅಕ್ವಿಲನು ಅಂವೊಂಡ ಕೂಡೆ ಪೊರಟ್ ಪೋಚಿ.

ಅಪೊಸ್ತಲ 21:3

ಮಿಂಞಕ್ ಕುಪ್ರ ದ್ವೀಪತ್‍ನ ಕಂಡಿತ್ ಅದ್ಂಡ ತೆಕ್ಕ್ ದಿಕ್ಕ್‌ಲ್ ಬುಟ್ಟಿತ್ ಸಿರಿಯ ದೇಶತ್‍ರ ಬರಿಕ್ ಪೋಯಿತ್ ತೀರ್ ಪಟ್ಟಣಕ್ ಬಂತ್ ಅಲ್ಲಿ ಇಳ್ಂಜಿತ್; ಎನ್ನಂಗೆಣ್ಣ್‌ಚೇಂಗಿ ಅಲ್ಲಿ ಹಡಗ್‍ರ ಸಮಾನತ್‍ನ ಉಳ್‍ಪಕಿಂಜತ್.

ಅಪೊಸ್ತಲ 21:39

ಅದ್ಂಗ್ ಪೌಲ, ನಾನ್ ಒರ್ ಯೆಹೂದ್ಯ ಮನುಷ್ಯ, ಕಿಲಿಕ್ಯ ಪ್ರಾಂತ್ಯತ್‍ರ ಮುಕ್ಯಪಟ್ಟ ಪಟ್ಟಣವಾನ ತಾರ್ಸ ಪಟ್ಟಣತ್‍ರ ಪ್ರಜೆ. ಈ ಜನಡ ಕೂಡೆ ಚೆನ್ನ ತಕ್ಕ್ ಪರಿಯುವಕ್ ನಾಕ್ ಅಪ್ಪಣೆ ತರಂಡೂಂದ್ ಕ್‍ೕಟತ್.

ಅಪೊಸ್ತಲ 22:3

ನಾನ್ ಕಿಲಿಕ್ಯ ದೇಶತ್‍ರ ತಾರ್ಸ ಪಟ್ಟಣತ್‍ಲ್, ಯೆಹೂದ್ಯ ಕುಲತ್‍ಲ್ ಪುಟ್ಟ್‌ನಂವೊ. ಆಚೇಂಗಿ ಈ ಪಟ್ಟಣತ್‍ಲ್ ಬೊಳ್ಂದಿಯೆ. ಗಮಲಿಯೇಲಂಡ ಅಡಿಲ್ ನಂಗಡ ಅಜ್ಜಂಗಡ ನ್ಯಾಯಪ್ರಮಾಣತ್‍ರನೆಕೆ ಕ್ರಮವಾಯಿತ್ ಪಡಿಚಿಯೆ. ನಿಂಗೆಲ್ಲಾರು ಈ ದಿವಸ ದೇವಡ ವಿಷಯತ್‍ಲ್ ಎಚ್ಚಕ್ ವೈರಾಗ್ಯತ್‍ಲ್ ಉಳ್ಳಿರೋ, ಅನ್ನನೆ ನಾನ್ ಸಹ ವೈರಾಗ್ಯತ್‍ಲ್ ಇಂಜ.

ಅಪೊಸ್ತಲ 23:34

ದೇಶಾದಿಪತಿ ಆ ಕಾಗದತ್‍ನ ಓದಿತ್: ಪೌಲ ಏದ್ ಪ್ರಾಂತ್ಯಕ್ ಕೂಡ್‍ನಂವೋಂದ್ ಕ್‍ೕಪಕ, ಅಂವೊ ಕಿಲಿಕ್ಯ ಪ್ರಾಂತ್ಯಕ್ ಕೂಡ್‍ನಂವೋಂದ್ ಗೊತ್ತಾಚಿ.

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.

ಅಪೊಸ್ತಲ 9:30

ಅಂವೊಂಡ ಕೂಡೆ ಇಂಜ ಯೇಸುನ ನಂಬ್‍ನ ಅಣ್ಣತಮ್ಮಣಂಗಕ್ ಇದ್ ಗೊತ್ತಾಪಕ ಅಯಿಂಗ ಅಂವೊನ ಕೈಸರೈಕ್ ಕಾಕಿಯಂಡ್ ಪೋಯಿತ್ ಅಲ್ಲಿಂಜ ಅಂವೊನ ಅಂವೊಂಡ ಸ್ವಂತ ಊರಾನ ತಾರ್ಸಕ್ ಅಯಿಚತ್.