ಗಲಾತ್ಯ 1:17 - ಕೊಡವ ಬೈಬಲ್

¹⁷ ನಾಕಿಂಜ ಮಿಂಞಲೇ ಅಪೊಸ್ತಲನಾಯಿತ್ಂಜಯಿಂಗಡ ಪಕ್ಕ ಯೆರೂಸಲೇಮ್‌ಕ್ ಪೋಕತೆ, ಅರಬಿ ದೇಶಕ್ ಪೋಯಿತ್ ದಮಸ್ಕ ಎಣ್ಣುವ ಪಟ್ಟಣಕ್ ಪುನಃ ವಾಪಸ್ ಬಾತ್.

ಗಲಾತ್ಯ 1:17 ပူးပေါင်းရင်းမြစ်များ

ಅಪೊಸ್ತಲ 9:10

ದಮಸ್ಕತ್‍ಲ್ ಅನನೀಯ ಎಣ್ಣ್‌ವ ಯೇಸುನ ನಂಬುನ ಒಬ್ಬ ಇಂಜತ್; ಅಂವೊಂಗ್ ಒಡೆಯ ದರ್ಶನತ್‍ಲ್ ಬಂದಿತ್: ಅನನೀಯನೇಂದ್ ಕಾಕ್‍ವಕ, ಅಂವೊ: ಒಡೆಯನೇ, ಇದಾ, ನಾನ್ ಇಲ್ಲಿ ಉಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 9:19

ಪಿಂಞ ಅಂವೊ ಉಂಡಿತ್ ಬಲಪಟ್ಟತ್. ಸೌಲ ದಮಸ್ಕತ್‍ಲ್ ಇಂಜ ಯೇಸುನ ನಂಬ್‍ನಯಿಂಗಡ ಕೂಡೆ ಚೆನ್ನ ದಿವಸ ಇಂಜತ್.

ಅಪೊಸ್ತಲ 9:2

ಯೇಸು ಕಾಟಿ ಕೊಡ್‍ತ ಮಾರ್ಗತ್‍ಲ್ ನಡ್ಂದಂಡುಳ್ಳಯಿಂಗ ದಾರಾಯಿತ್ಂಜತೇಂಗಿಯು, ಆಣಾಳ್ ಆಡ್ ಪೊಣ್ಣಾಳಾಡ್ ಅಂವೊ ಕಂಡತೇಂಗಿ, ಅಯಿಂಗಳ ಪುಡ್‌ಚಿತ್ ಬಂದಿಚಿಟ್ಟಿತ್ ಯೆರೂಸಲೇಮ್‌ಕ್ ಕೊಂಡ್ ಬಪ್ಪಕ್, ದಮಸ್ಕ ಪಟ್ಟಣತ್‍ಲ್ ಉಳ್ಳ ಎಲ್ಲಾ ಸಬಾಮಂದಿರಕ್ ಕಾಗದ ಕೊಡ್‍ಕಂಡೂಂದ್ ಮಹಾ ಯಾಜಕಂಡ ಪಕ್ಕ ಬೋಡ್‍ಚಿ.

ಅಪೊಸ್ತಲ 9:8

ಸೌಲ ನೆಲತ್ಂಜ ಎದ್ದಿತ್ ಕಣ್ಣ್ ತೊರ್‌ಪಕ ಅಂವೊಂಗ್ ಒಂದು ಕಾಂಬಕಯಿಂಜಿತ್‌ಲ್ಲೆ. ಅಕ್ಕ ಅಯಿಂಗ ಅಂವೊಂಡ ಕೈ ಪುಡ್‍ಚಂಡ್ ದಮಸ್ಕ ಎಣ್ಣುವ ಪಟ್ಟಣತ್‍ರ ಒಳ್‍ಕ್ ಕಾಕಿಯಂಡ್ ಪೋಚಿ.

ಗಲಾತ್ಯ 1:18

ಮೂಂದ್ ಕಾಲ ಆನ ಪಿಂಞ ನಾಕ್ ಪೇತ್ರನ ಪರಿಚಯ ಆಂಡೂಂದ್ ಯೆರೂಸಲೇಮ್‌ಕ್ ಪೋಯೆ. ಅಲ್ಲಿ ನಾನ್ ಅಂವೊಂಡ ಕೂಡೆ ಪದನಂಜಿ ದಿನ ಇಂಜ್.