ಎಸ್ತೆರ್‌ 9:4 - ಕೊಡವ ಬೈಬಲ್

⁴ ಎನ್ನಂಗೆಣ್ಣ್‌ಚೇಂಗಿ ಮೊರ್ದೆಕೈ ರಾಜಂಡ ಅರಮನೆಲ್‌ ಮುಕ್ಯಸ್ತನಾಯಿತ್‌ಂಜತ್. ಅಂವೊಂಡ ಕೀರ್ತಿ ಎಲ್ಲಾ ಪ್ರಾಂತ್ಯಕು ಪಬ್ಬ್‌ಚಿ. ಮೊರ್ದೆಕೈ ಇಂಞು ಬಲ್ಯಂವೊಡಿಂಜ.

ಎಸ್ತೆರ್‌ 9:4 ပူးပေါင်းရင်းမြစ်များ

ಎಸ್ತೆರ್‌ 10:2

ಅಂವೊಂಡ ಬಲವು ಪರಾಕ್ರಮವು ಉಳ್ಳ ಕಾರ್ಯವು, ರಾಜಂಡ ಕೈಯಿಂಜ ಮೊರ್ದೆಕೈಕ್‌ ಕ್‌ಟ್ಟ್‌ನ ಬಲ್ಯ ಸ್ತಾನ, ಗೌರವತ್‌ರ ವಿಷಯನೆಲ್ಲ ಮೇದ್ಯ ಪಿಂಞ ಪಾರಸಿಯ ರಾಜಂಗಡ ಆಳ್‌ವಿಕೆರ ಕಾಲತ್‌ಲ್‌ ನಡ್‌ಪ ಮುಕ್ಯಪಟ್ಟ ವಿಷಯತ್‌ನ ಒಳ್‌ದಿ ಬೆಪ್ಪ ಪುಸ್ತಕತ್‌ಲ್‌ ಒಳದಿ ಬೆಚ್ಚಿತುಂಡ್.

ಜ್ಞಾನತ್‌ರ ಪಡಿಮ 4:18

ನೀತಿವಂತಂಯಿಂಗಡ ಬಟ್ಟೆ ಪೊಲಾಕತ್‌ರ ಬೊಳೀರನೆಕೆ ಇಪ್ಪ, ಅದ್‌ ಎನ್ನನೆ ಎಣ್ಣ್‌ಚೇಂಗಿ ಮಜ್ಜಣತ್‌ರ ಬೊಳಿ ಪ್ರಕಾಶ ಆಯಂಡೇ ಇಪ್ಪನೆಕೆ ಜಾಸ್ತಿ ಆಯಿತ್‌ ಇಪ್ಪ.

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.