ಎಸ್ತೆರ್‌ 9:18 - ಕೊಡವ ಬೈಬಲ್

¹⁸ ಆಚೇಂಗಿ ಶೂಷನ್‌ ಪಟ್ಟಣತ್‌ರ ಯೆಹೂದ್ಯಂಗ ಪದಿಮೂಂದನೆ ಪಿಂಞ ಪದಿನಾಲನೆ ದಿವಸತ್‌ಲ್‌ ವೈರಿಯಳ ಕೊಲ್ಲುವಕ್‌ ಗೊತ್ತ್‌ಮಾಡ್‌ನಂಗ್, ಪದಿನಂಜನೇ ದಿವಸತ್‌ ಆರಾಮ ಮಾಡಿತ್‌ ಆ ದಿವಸತ್‌ ಗದ್ದಾಳ ಮಾಡಿತ್‌ ಕುಶೀಲ್‌ ನಮ್ಮೆ ಮಾಡ್‌ಚಿ.

ಎಸ್ತೆರ್‌ 9:18 ပူးပေါင်းရင်းမြစ်များ

ಎಸ್ತೆರ್‌ 8:11

ಆ ಕಾಗದತ್‌ಲ್, ಅಹಷ್ವೇರೋಷ ರಾಜ ತಾಂಡ ಎಲ್ಲಾ ಪ್ರಾಂತ್ಯತ್‌ಲ್‌ ಆದಾರ್‌ ತಿಂಗವಾನ ಪನ್ನರಂಡನೆ ತಿಂಗತ್‌ ಪದಿಮೂಂದನೆ ದಿವಸವಾನ ಒರೇ ದಿವಸತ್,

ಎಸ್ತೆರ್‌ 9:1

ಆದಾರ್‌ ತಿಂಗವಾನ ಪನ್ನರಂಡನೆ ತಿಂಗತ್‌ ಪದಿಮೂಂದನೆ ದಿವಸತ್‌ಲ್, ರಾಜಂಡ ತೀರ್ಮಾನತ್‌ರನೆಕೆಯು ಅಂವೊಂಡ ಆಜ್ಞೆರನೆಕೆಯು ಮಾಡ್‌ವಕಿಂಜತ್. ಆ ದಿವಸತ್‌ ಯೆಹೂದ್ಯಂಗಡ ವಿರೋದಿಯ ಕೈ ಕೂಡಿತ್‌ ಯೆಹೂದ್ಯ ಜನತ್‌ನ ಪಾಳ್‌ ಮಾಡನಾಂದ್‌ ಗೇನ ಮಾಡ್‌ಚಿ. ಆಚೇಂಗಿ ಅದ್‌ಂಗ್‌ ಬದ್‌ಲ್‌ ಯೆಹೂದ್ಯ ಜನ ಅಯಿಂಗಡ ಪಗೆನ ತ್‍ೕತಂಡತ್.

ಎಸ್ತೆರ್‌ 9:11

ಆ ದಿವಸ ಶೂಷನ್‌ ಅರಮನೆಲ್‌ ಕೊಂದಯಿಂಗಡ ಲೆಕ್ಕತ್‌ನ ರಾಜಂಗ್‌ ಅರಿಚಿಟ್ಟತ್.

ಎಸ್ತೆರ್‌ 9:13

ಅಕ್ಕ ಎಸ್ತೇರ್, ರಾಜಂಗ್: ರಾಜಂಗ್‌ ಕುಶಿ ಉಂಡೇಂಗಿ ಈ ದಿವಸತ್‌ ಆಜ್ಞೆರನೆಕೆ ಶೂಷನ್‌ ಪಟ್ಟಣತ್‌ಲ್‌ ಉಳ್ಳ ಯೆಹೂದ್ಯಂಗ ನಾಳೆಯೂ ಮಾಡುವಕು, ಹಾಮಾನಂಡ ಪತ್ತ್‌ ಕ್‌ಣ್ಣ ಮಕ್ಕಡ ಚಾವ್‌ ತಡಿನ ತೂಕ್‌ ಮರತ್‌ಲ್‌ ಇಡ್‌ವಕ ಅಪ್ಪಣೆ ಕೊಡ್‌ಕಂಡೂಂದ್‌ ಬೋಡಿಯಂಡತ್.

ಎಸ್ತೆರ್‌ 9:15

ಶೂಷನ್‌ ಪಟ್ಟಣತ್‌ಲ್‌ ಇಂಜ ಯೆಹೂದ್ಯಂಗ ಆದಾರ್‌ ತಿಂಗತ್‌ರ ಪದಿನಾಲನೇ ದಿವಸತ್‌ ಕೂಡಿತ್, ಅಲ್ಲಿ ಮುನ್ನೂರ್‌ ಜನಳ ಕೊಂದತ್. ಆಚೇಂಗಿ ಸೂರೆ ಮಾಡುವಕ್‌ ಕೈ ಇಟ್ಟಿತ್‌ಲ್ಲೆ.

ಎಸ್ತೆರ್‌ 9:2

ರಾಜನಾನ ಅಹಷ್ವೇರೋಷಂಡ ಎಲ್ಲಾ ಪ್ರಾಂತ್ಯತ್‌ ಪಟ್ಟಣತ್‌ಲ್‌ ಇಂಜ ಯೆಹೂದ್ಯಂಗ ಅಯಿಂಗಕ್‌ ಕ್‍ೕಡ್‌ ಮಾಡುವಕ್‌ ಕೈಯಿ ಎಡ್‌ತಯಿಂಗಕ್‌ ವಿರುದ್ದವಾಯಿತ್‌ ಕೂಡಿತ್‌ ಬಪ್ಪಕ, ದಾರ್‌ಕು ಅಯಿಂಗಡ ಮಿಂಞತ್‌ ನಿಪ್ಪಕ್‌ ಕಯಿಂಜಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯಂಗಡ ವಿಷಯತ್‌ ಎಲ್ಲಾ ದೇಶತ್‌ರ ಜನಳು ಪೋಡಿಚಿಟ್ಟಂಡಿಂಜತ್.

ಎಸ್ತೆರ್‌ 9:21

ಪ್ರತಿಕಾಲವೂ ಆದಾರ್‌ ತಿಂಗತ್‌ರ ಪದಿನಾಲನೇ ಪಿಂಞ ಪದಿನಂಜನೇ ದಿವಸತ್‌ನ, ಯೆಹೂದ್ಯಂಗ ಅಯಿಂಗಡ ವಿರೋದಿಯಡ ಕ್‍ೕಡ್‌ಂಜ ತಪ್ಪಿಚಿಟ್ಟಿತ್‌ ಅರಾಮ್‌ ಮಾಡ್‌ನ ದಿವಸವಾಯಿತು, ಅಯಿಂಗಡ ನೊಂಬಲ ಸಂತೋಶವಾಯಿತು, ಅಯಿಂಗಡ ದುಃಖ ಸುಕವಾನ ದಿವಸವಾಯಿತು ಬದ್‌ಲಾನ ತಿಂಗಳಾಯಿತ್‌ ಕೊಂಡಾಡಿತ್,