ಎಸ್ತೆರ್‌ 8:6 - ಕೊಡವ ಬೈಬಲ್

⁶ ನಾಡ ಜನಕ್‌ ಬಪ್ಪ ಕ್‍ೕಡ್‌ನ ನಾನ್‌ ಎನ್ನನೆ ನೋಟಿಯಂಡ್‌ ಇಪ್ಪಕಯ್ಯು? ನಾಡ ಜನ ನಾಶ ಆಪದ್‌ನ ನೋಟಿಯಂಡ್‌ ಎನ್ನನೆ ಸಹಿಸಿಯಂಡ್‌ ಇಪ್ಪಕಯ್ಯೂಂದ್‌ ಬೋಡಿಯಂಡತ್.

ಎಸ್ತೆರ್‌ 8:6 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 44:34

ಈ ಕ್‌ಣ್ಣ ಇಲ್ಲತೆ ನಾನ್‌ ಎನ್ನನೆ ನಾಡ ಅಪ್ಪಂಡ ಪಕ್ಕ ಪೋಡ್? ಅನ್ನನೆ ಪೋಚೇಂಗಿ, ನಾಡ ಅಪ್ಪಂಗ್‌ ಆಪಕುಳ್ಳ ಕ್‍ೕಡ್‌ನ ನೇರಾಯಿತು ನಾಕ್‍ ನೋಟ್‌ವಕ್‌ ಕಯ್ಯುಲೇಂದ್‌ ಎಣ್ಣ್‌ಚಿ.

ಎಸ್ತೆರ್‌ 7:4

ಎನ್ನಂಗೆಣ್ಣ್‌ಚೇಂಗಿ ನನ್ನ ಪಿಂಞ ನಾಡ ಜನಳ ನಾಶ ಮಾಡಿತ್, ಕೊಂದಿತ್, ಪಾಳ್‌ ಮಾಡ್‌ವಕಾಯಿತ್‌ ನಂಗಳ ಮಾರಿರ್‌ತ್. ನಂಗಡ ಆಣಾಳ್‌ ಪೊಣ್ಣಾಳ್‌ನ ಅಡಿಯಾಳಾಯಿತ್‌ ಮಾತ್‌ರ ಮಾರಿತಿಂಜತೇಂಗಿ ನಾನ್‌ ಮುಂಡತೆ ಇಪ್ಪಕಿಂಜತ್; ಇಕ್ಕ ನಂಗಕ್‌ ಆಪ ಕಷ್ಟತ್‌ರಗುಂಡ, ಈ ವಿರೋದಿಯ ಮಾಡುವ ಸಂಬಾದನೆ ರಾಜಂಗ್‌ ಆಪ ನಷ್ಟಕಿಂಜ ಎಚ್ಚಕೋ ಬಲ್ಯದ್‌ಂದ್‌ ಎಣ್ಣ್‌ಚಿ.

ಎಸ್ತೆರ್‌ 9:1

ಆದಾರ್‌ ತಿಂಗವಾನ ಪನ್ನರಂಡನೆ ತಿಂಗತ್‌ ಪದಿಮೂಂದನೆ ದಿವಸತ್‌ಲ್, ರಾಜಂಡ ತೀರ್ಮಾನತ್‌ರನೆಕೆಯು ಅಂವೊಂಡ ಆಜ್ಞೆರನೆಕೆಯು ಮಾಡ್‌ವಕಿಂಜತ್. ಆ ದಿವಸತ್‌ ಯೆಹೂದ್ಯಂಗಡ ವಿರೋದಿಯ ಕೈ ಕೂಡಿತ್‌ ಯೆಹೂದ್ಯ ಜನತ್‌ನ ಪಾಳ್‌ ಮಾಡನಾಂದ್‌ ಗೇನ ಮಾಡ್‌ಚಿ. ಆಚೇಂಗಿ ಅದ್‌ಂಗ್‌ ಬದ್‌ಲ್‌ ಯೆಹೂದ್ಯ ಜನ ಅಯಿಂಗಡ ಪಗೆನ ತ್‍ೕತಂಡತ್.

ರೋಮ್ 10:1

ನಾಡ ಅಣ್ಣತಮ್ಮಣಂಗಳೇ, ನಾಡ ಜನಕ್ ರಕ್ಷಣೆ ಕ್‍ಟ್ಟಂಡೂಂದ್ ಉಳ್ಳದೇ ನಾಡ ಹೃದಯತ್‍ರ ಆಸೆಯು, ನಾನ್ ದೇವಡ ಪಕ್ಕ ಮಾಡ್‌ವ ಪ್ರಾರ್ಥನೆಯುವಾಯಿತ್ ಉಂಡ್.