ಎಸ್ತೆರ್‌ 8:5 - ಕೊಡವ ಬೈಬಲ್

⁵ ರಾಜನ ನೋಟಿತ್: ಓ ರಾಜನೇ, ನಿಂಗಕ್‌ ಕುಶಿ ಉಂಡೇಂಗಿ, ನಾಕ್‍ ನಿಂಗಡ ದಯೆ ಕ್‌ಟ್ಟ್‌ಚೇಂಗಿ, ನಾನ್‌ ಎಣ್ಣ್‌ವ ತಕ್ಕ್‌ನ ನಿಂಗ ಸರೀಂದ್‌ ಕಂಡತೇಂಗಿ, ನನ್ನ ನಿಂಗ ಮೆಚ್ಚಿತೇಂಗಿ, ರಾಜಂಡ ಎಲ್ಲಾ ಪ್ರಾಂತ್ಯತ್‌ ಉಳ್ಳ ಯೆಹೂದ್ಯಂಗಳ ನಾಶ ಮಾಡಂಡೂಂದ್‌ ಅಗಾಗ್‌ ಕುಲಕ್‌ ಕೂಡ್‌ನ ಹಮ್ಮೆದಾತಂಡ ಮೋಂವೊನಾನ ಹಾಮಾನ ಕೆಟ್ಟ ಮನಸ್ಸ್‌ಲ್‌ ಒಳ್‌ದ್‌ಚಿಟ್ಟ ಆಜ್ಞೆನ ರದ್ದ್ ಮಾಡಂಡೂಂದ್‌ ಎಡ್‌ಕಂಡೂಂದ್‌ ಒಳ್‌ದಿತ್‌ ಅಯಿಕಂಡು.

ಎಸ್ತೆರ್‌ 8:5 ပူးပေါင်းရင်းမြစ်များ

ಎಸ್ತೆರ್‌ 2:17

ರಾಜ ಎಲ್ಲಾ ಕನ್ನಿ ಮೂಡಿಯಕಿಂಜ ಎಸ್ತೇರ್‌ನ ಕುಶಿಪಟ್ಟತ್. ಎಲ್ಲಾ ಕನ್ನಿ ಮೂಡಿಯಕಿಂಜ ಅವಕ್‌ ಅಂವೊಂಡ ದಯೆ ಪಿಂಞ ಪ್ರೀತಿ ಕ್‌ಟ್ಟ್‌ಚಿ. ಅಂವೊ ರಾಜಕಿರೀಟತ್‌ನ ಅವಡ ಮಂಡೆರ ಮೇಲೆ ಇಟ್ಟಿತ್, ವಷ್ಟಿಕ್‌ ಬದ್‌ಲ್‌ ಎಸ್ತೇರಳ ರಾಣಿಯಾಯಿತ್‌ ಮಾಡಿಯಂಡತ್.

ಎಸ್ತೆರ್‌ 2:4

ಅಕ್ಕ ರಾಜಂಗ್‌ ಏದ್‌ ಕನ್ನಿ ಮೂಡಿನ ಕುಶಿ ಆಪೊ, ಆ ಕನ್ನಿ ಮೂಡಿ ವಷ್ಟಿ ರಾಣಿರ ಬದ್‌ಲಾಯಿತ್‌ ರಾಣಿ ಆಡ್‍ೕಂದ್‌ ಎಣ್ಣ್‌ಚಿ. ಈ ತಕ್ಕ್‌ ರಾಜಂಗ್‌ ಕುಶಿಯಾನಗುಂಡ್‌ ಅನ್ನನೆ ಮಾಡ್‌ಚಿ.

ಎಸ್ತೆರ್‌ 3:1

ಇದೆಲ್ಲಾ ಆನಪಿಂಞ ರಾಜನಾನ ಅಹಷ್ವೇರೋಷ, ಅಗಾಗ್‌ ಕುಲಕ್‌ ಕೂಡ್‌ನ ಹಮ್ಮೆದಾತಂಡ ಮೋಂವೊನಾನ ಹಾಮಾನ ಎಣ್ಣುವಂವೊನ ಗೌರವ ಪಡ್‌ತಿತ್, ತಾಂಡ ಪಕ್ಕ ಉಳ್ಳ ಎಲ್ಲಾ ಪ್ರಬುಕ್ಕಳೂಕಿಂಜ ಅಂವೊಂಗ್‌ ಬಲ್ಯ ಅದಿಕಾರತ್‌ರ ಸ್ತಾನತ್‌ನ ಕೊಡ್‌ತತ್.

ಎಸ್ತೆರ್‌ 5:8

ನಾಕ್‍ ನಿಂಗಡ ದಯೆ ಕ್‍ಟ್ಟಿತ್, ನಾಡ ಬೋಡಿಕೆನ ತಪ್ಪಕು ನಾಡ ಮೊರೇನ ನೆರೆವೀರಿಚಿಡಂಡೂಂದ್‌ ನಿಂಗಕ್‌ ಕುಶಿ ಉಂಡೇಂಗಿ, ನಾನ್‌ ನಾಳೆ ನಿಂಗಕಾಯಿತ್‌ ತಯಾರ್‌ ಮಾಡುವ ಗದ್ದಾಳಕ್‌ ನಿಂಗ ಹಾಮಾನನ ಕೂಟಿಯಂಡ್‌ ಬರೊಂಡು. ಅಕ್ಕ ನಾನ್‌ ನಾಡ ಬೋಡಿಕೆನ, ಮೊರೇನ ಎಣ್ಣ್‌ವೀಂದ್‌ ಉತ್ತರ ಕೊಡ್‌ತತ್.

ಎಸ್ತೆರ್‌ 7:3

ಅದ್‌ಂಗ್‌ ಎಸ್ತೇರ್‌ ರಾಣಿ: ರಾಜನೇ, ನಾಕ್‍ ನಿಂಗಡ ದಯೆ ಕ್‍ಟ್ಟಿತ್, ನಿಂಗಕ್‌ ಕುಶಿ ಉಂಡೇಂಗಿ, ದಯಬೆಚ್ಚಿತ್‌ ನಾಡ ಜೀವತ್‌ನ ಉಳ್‌ಚಿಡಿ. ಇದೇ ನಾಡ ಬೋಡಿಕೆ. ಇಂಞು ನಾಡ ಜನಡ ಜೀವತ್‌ನ ಸಹ ಉಳ್‌ಚಿಡಿ. ಇದೇ ನಾಕ್‍ ಬೋಂಡಿಯೇಂದ್‌ ಎಣ್ಣ್‌ಚಿ.