ಎಸ್ತೆರ್‌ 8:13 - ಕೊಡವ ಬೈಬಲ್

¹³ ಈ ಕಾಗದತ್‌ರ ಓರೋರ್‌ ಪ್ರತಿನ ಪ್ರತಿಯೋರ್‌ ಪ್ರಾಂತ್ಯತ್‌ಲ್‌ ರಾಜಾಜ್ಞೆ ಎಣ್ಣಿಯಂಡ್‌ ಎಲ್ಲಾ ಜನಕ್‌ ಪ್ರಕಟಿಚಿಡಂಡೂಂದು, ಆ ದಿವಸತ್‌ ಯೆಹೂದ್ಯಂಗ, ಅಯಿಂಗಡ ವಿರೋದಿಯಳ ಮುಯ್ಯ ತ್‍ೕಪಕ್‌ ತಯಾರಾಂಡೂಂದು ಅಪ್ಪಣೆ ಕೊಡ್‌ತಿತ್‌ಂಜತ್.

ಎಸ್ತೆರ್‌ 8:13 ပူးပေါင်းရင်းမြစ်များ

ಎಸ್ತೆರ್‌ 3:14

ಅದಲ್ಲತೆ: ಈ ಕಾಗತ್‌ರ ಒರೋರ್‌ ಪ್ರತಿಯೂ ಪ್ರತಿಯೋರ್‌ ಪ್ರಾಂತ್ಯಕ್‌ ರಾಜಾಜ್ಞೆ ಎಣ್ಣಿಯಂಡ್‌ ಅಯಿಚಿತ್‌ ಎಲ್ಲಾ ಜನಳೂ ತಯಾರಾಯಿತ್ ಇಪ್ಪನೆಕೆ ಎಲ್ಲಾ ಜನಳೂ ಅರಿಯುವನೆಕೆ ಪ್ರಕಟಿಚಿಡಂಡುಂದ್‌ ಒಳ್‌ದಿತ್‌ಂಜತ್.

ಎಸ್ತೆರ್‌ 8:14

ಅನ್ನನೆ ರಾಜಂಡ ತೀರ್ಮಾನತ್‌ರನೆಕೆ ಆ ಕುದುರೆ ಸೇವಕಂಗ ಕುದುರೆರ ಮೇಲೆ ಪತ್ತಿಯಂಡ್‌ ಕಾಗದತ್‌ನ ಎಡತಂಡ್‌ ಬೆರಿಯ ಪೊರ್‌ಟ್ ಪೋಚಿ. ಆ ಆಜ್ಞೆನ ಶೂಷನ್‌ ಪಟ್ಟತ್‌ಲ್‌ ಸಹ ಪ್ರಕಟ ಮಾಡ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:7

ಅನ್ನನೆ, ದೇವ ಗೊತ್ತ್ ಮಾಡ್‍ನಯಿಂಗಡಲ್ಲಿ ಪೋಲ್ ಬಯಿಟ್ ಮೊರೆ ಇಟ್ಟಂಡುಳ್ಳಯಿಂಗಡ ನ್ಯಾಯತ್‍ನ ಕ್‍ೕಟಿತ್ ಅದ್‍ನ ಎಡ್‍ಕತೆ ಇಪ್ಪ?

ಪ್ರಕಟನೆ 6:10

ಅಯಿಂಗ ಬಲ್ಯ ಸದ್ದ್‌ಲ್: ಪವಿತ್ರವಾನ ಸತ್ಯವಂತ ಸರ್ವ ಶಕ್ತಿಯುಳ್ಳ ಒಡೆಯನೇ, ಬೂಮಿಲ್ ವಾಸ ಮಾಡಿಯಂಡುಳ್ಳ ಅಯಿಂಗಡಲ್ಲಿ, ನಂಗಡ ಚೋರೆರ ವಿಷಯತ್ ಎಚ್ಚಕ್ ಕಾಲ ನ್ಯಾಯತೀರ್ಪ್ ಮಾಡತೆ, ನಂಗಳ ಕೊಲೆ ಮಾಡ್‍ನಯಿಂಗಕ್ ಬದ್‍ಲ್ ಶಿಕ್ಷೆ ಕೊಡ್‍ಕತೆ ಇಪ್ಪಿಯಾಂದ್ ಕೂತ್ ಕೊಡ್‍ತತ್.