ಎಸ್ತೆರ್‌ 6:12 - ಕೊಡವ ಬೈಬಲ್

¹² ಮೊರ್ದೆಕೈ ತಿರಿತ್‌ ರಾಜಂಡ ಅರಮನೆರ ಪಡಿರ ಪಕ್ಕ ಪೋಚಿ. ಆಚೇಂಗಿ ಹಾಮಾನ ದುಃಖತ್‌ ಮಂಡೆನ ಮುಚ್ಚಿಯಂಡ್‌ ತಾಂಡ ಮನೆಕ್‌ ಬೆರಿಯ ಪೋಚಿ.

ಎಸ್ತೆರ್‌ 6:12 ပူးပေါင်းရင်းမြစ်များ

ಎಸ್ತೆರ್‌ 2:19

ದಂಡನೆ ಕುರಿ ಕನ್ನಿ ಮೂಡಿಯಳ ಒಟ್ಟ್‌ ಕೂಟಿತ್‌ಪ್ಪಕ, ಮೋರ್ದೆಕೈ ಅರಮನೆರ ಬಾಯಿಕಂಡಿರ ಪಕ್ಕ ಅಳ್‌ತಂಡಿಂಜತ್.

ಎಸ್ತೆರ್‌ 6:11

ಅನ್ನನೆ ಹಾಮಾನ ರಾಜಂಡ ಉಡ್‌ಪನ ಪಿಂಞ ರಾಜ ಸವಾರಿ ಮಾಡ್‌ನ ಕುದರೆನ ಕೊಂಡಪೋಯಿತ್, ಬಟ್ಟೆನ ಮೊರ್ದೆಕೈಕ್‌ ಇಟ್ಟಿತ್, ಅಂವೊನ ಕುದರೆನ ಮೇಲೆ ಅಳ್‌ಪ್‌ಚಿಟ್ಟಿತ್‌ ಪಟ್ಟಣತ್‌ರ ಬೀದಿರ ಬಟ್ಟೆಲ್‌ ಕೊಂಡಪೋಯಿತ್‌ ಅಂವೊಂಡ ಮಿಂಞತ್: ರಾಜ ಗೌರವ ಪಡ್‌ತಂಡೂಂದ್‌ ಕುಶಿಪಡ್‌ವ ಮನುಷ್ಯಂಗ್‌ ಇನ್ನನೆ ಮಾಡುವಾಂದ್‌ ಎಣ್ಣಿಯಂಡ್‌ ಪ್ರಚಾರ ಮಾಡ್‌ಚಿ.

ಎಸ್ತೆರ್‌ 7:8

ರಾಜ ಅರಮನೆರ ತೋಟತ್‌ಂಜ ದ್ರಾಕ್ಷಿರಸ ಕುಡ್‌ಚಂಡಿಂಜ ಜಾಗಕ್‌ ತಿರಿತ್‌ ಬಪ್ಪಕ, ಎಸ್ತೇರ್‌ ಅಳ್‌ತಂಡಿಂಜ ಮೆತ್ತೆರಮೇಲೆ ಹಾಮಾನ ಬುದ್ದಿತುಳ್ಳನ ಕಂಡತ್. ಅಕ್ಕ ರಾಜ: ನಾನ್‌ ಅರಮೆನೆಲ್‌ ಇಪ್ಪಕಲೇ ನಾಡ ಮಿಂಞತೇ ಇಂವೊ ರಾಣಿನ ಅವಮಾನ ಮಾಡಂಡೂಂದ್‌ ಗೇನ ಮಾಡಿತುಂಡಾಂದ್‌ ಕ್‍ೕಟತ್. ಈ ತಕ್ಕ್‌ ರಾಜಂಡ ಬಾಯಿಯಿಂಜ ಬಂದದ್‌ನ ಕ್‍ೕಪದು ಸೇವಕಂಗ ಹಾಮಾನಂಡ ಮೂಡ್‌ನ ಮುಚ್ಚಿರ್‌ತ್.