ಎಸ್ತೆರ್‌ 5:4 - ಕೊಡವ ಬೈಬಲ್

⁴ ಅದ್‌ಂಗ್‌ ಎಸ್ತೇರ್: ರಾಜಂಗ್‌ ಕುಶಿ ಉಂಡೇಂಗಿ, ನಾನ್‌ ತಾಂಗಾಯಿತ್‌ ತಯಾರ್‌ ಮಾಡಿತುಳ್ಳ ಗದ್ದಾಳಕ್‌ ಇಂದ್‌ ರಾಜನು ಹಾಮಾನನು ಬರಂಡೂಂದ್‌ ಎಣ್ಣ್‌ಚಿ.

ಎಸ್ತೆರ್‌ 5:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 27:25

ಅಲ್ಲಿಂಜ ಇಸಾಕ: ನಾಡ ಮೋನೇ, ನೀನ್‌ ಎಡ್‌ತ ಬಂದ ಬೋಟೆಯರ್ಚಿನ ನಾಡ ಪಕ್ಕ ಎಡ್‌ತ ಬಾ. ನಾನ್‌ ಅದ್‌ನ ಉಂಡಿತ್‌ ನಿನ್ನ ಆಶೀರ್ವಾದ ಮಾಡ್‌ವೀಂದ್‌ ಎಣ್ಣ್‌ಚಿ. ಯಾಕೋಬ ಇಸಾಕಂಗ್‌ ಮಾಡ್‌ನ ಅಡಿಗೆನ ಉಂಬಕ್‌ ಕೊಡ್‌ತತ್. ಇಸಾಕ ಅದ್‌ನ ತಿಂದತ್. ಪಿಂಞ ಯಾಕೋವ ದ್ರಾಕ್ಷಿರಸತ್‌ನ ಸಹ ಕೋಂಡಬಾತ್, ಅಂವೊ ಎಡ್‌ತ ಬಂದ ದ್ರಾಕ್ಷಿರಸತ್‌ನ ಕುಡಿಚತ್.

ಆದ್ಯತ್‌ರ ಪುಸ್ತಕ 32:20

ನೀಡ ಸೇವಕನಾನ ಯಾಕೋಬ ನಂಗಡ ಬಯ್ಯತ್‌ ಬಂದಂಡುಂಡ್‍ೕಂದ್‌ ಎಣ್ಣಂಡೂಂದ್‌ ಆಜ್ಞೆ ಮಾಡ್‌ಚಿ. ಮಿಂಞ ಈ ಇನಾಮ್‌ನ ಅಯಿಚಿತ್, ಅಂವೊನ ಸಮಾದಾನ ಮಾಡಿತ್‌ ಬಯ್ಯ ಏಸಾವಂಡ ಮೂಡ್‌ ನೋಟ್‌ವಿ, ಅಕ್ಕ ಒರ್‌ ಸಮಯ ಅಂವೊ ನನ್ನ ಸ್ವೀಕಾರ ಮಾಡ್‌ವಾಂದ್‌ ಯಾಕೋಬ ಗೇನ ಮಾಡ್‌ಚಿ.

ಎಸ್ತೆರ್‌ 1:9

ರಾಜಂಡ ಪೊಣ್ಣಾಯಿತಿಂಜ ವಷ್ಟಿ ರಾಣಿ ಸಹ ಅಹಷ್ವೇರೋಷ ರಾಜಂಡ ಅರಮನೆಲ್‌ ಉಳ್ಳ ಪೊಣ್ಣಾಳ್‌ವಕ್‌ ನಮ್ಮೆರ ಗದ್ದಾಳ ಮಾಡ್‌ಚಿಟ್ಟತ್.

ಎಸ್ತೆರ್‌ 3:15

ರಾಜಂಡ ಆಜ್ಞೆರನೆಕೆ ಆ ಕುದುರೆ ಸೇವಕಂಗ ಕಾಗದತ್‌ನ ಎಡತಂಡ್‌ ಬೆರಿಯ ಪೊರ್‌ಟ್ ಪೋಚಿ. ಈ ತೀರ್ಮಾನ ಶೂಷನ್‌ ಅರಮನೆಲ್‌ ಪ್ರಕಟ ಆಚಿ. ರಾಜನೋ ಹಾಮಾನಂಡ ಕೂಡೆ ಕುಡಿಪಕ್‌ ಅಳ್‌ತಂಡತ್. ಶೂಷನ್‌ ಪಟ್ಟಣತ್‌ ಗಲಿಬಿಲಿ ಸುರು ಆಚಿ.

ಎಸ್ತೆರ್‌ 5:3

ಅಕ್ಕ ರಾಜ ಅವಳ ನೋಟಿತ್: ಎಸ್ತೇರ್‌ ರಾಣಿಯೇ, ನೀಕ್‌ ಎಂತ ಬೋಂಡೂ? ನೀಡ ಬೋಡಿಕೆ ಎಂತ? ನೀನ್‌ ಈ ರಾಜ್ಯತ್‌ರ ಪಾದಿ ಬಾಗತ್‌ನ ಕ್‍ೕಟತೇಂಗಯು, ಅದ್‌ ನೀಕ್‌ ಕ್‌ಟ್ಟ್‌ವಾಂದ್‌ ಎಣ್ಣ್‌ಚಿ.

ಎಸ್ತೆರ್‌ 5:5

ಅಕ್ಕ ರಾಜ: ಹಾಮಾನನ ಬೆರಿಯ ಕಾಕಿಯಂಡ್‌ ಬಾರಿ, ಎಸ್ತೇರ್‌ ಕುಶಿ ಪಟ್ಟನೆಕೆ ಮಾಡನಾಂದ್‌ ಎಣ್ಣ್‌ಚಿ. ಅಲ್ಲಿಂಜ ರಾಜ ಪಿಂಞ ಹಾಮಾನ ಎಸ್ತೇರ್‌ ತಯಾರ್‌ ಮಾಡ್‌ನ ಗದ್ದಾಳಕ್‌ ಪೋಚಿ.

ಎಸ್ತೆರ್‌ 5:8

ನಾಕ್‍ ನಿಂಗಡ ದಯೆ ಕ್‍ಟ್ಟಿತ್, ನಾಡ ಬೋಡಿಕೆನ ತಪ್ಪಕು ನಾಡ ಮೊರೇನ ನೆರೆವೀರಿಚಿಡಂಡೂಂದ್‌ ನಿಂಗಕ್‌ ಕುಶಿ ಉಂಡೇಂಗಿ, ನಾನ್‌ ನಾಳೆ ನಿಂಗಕಾಯಿತ್‌ ತಯಾರ್‌ ಮಾಡುವ ಗದ್ದಾಳಕ್‌ ನಿಂಗ ಹಾಮಾನನ ಕೂಟಿಯಂಡ್‌ ಬರೊಂಡು. ಅಕ್ಕ ನಾನ್‌ ನಾಡ ಬೋಡಿಕೆನ, ಮೊರೇನ ಎಣ್ಣ್‌ವೀಂದ್‌ ಉತ್ತರ ಕೊಡ್‌ತತ್.

ಜ್ಞಾನತ್‌ರ ಪಡಿಮ 29:11

ಮೂಡ ತಾಂಡ ಚೆಡಿನೆಲ್ಲ ಕಾಟಿಯೊವ. ಆಚೇಂಗಿ ಜ್ಞಾನವುಳ್ಳಂವೊ ತಾಂಡ ಚೆಡಿನ ತಾಳ್ಮೆಲ್‌ ಅಡಕಿ ಬೆಪ್ಪ.

1 ಕೊರಿಂಥ 14:20

ನಾಡ, ಅಣ್ಣತಮ್ಮಣಂಗಳೇ, ದೇವಡ ಆತ್ಮ ತಪ್ಪ ವರತ್‍ರ ವಿಷಯತ್‍ಲ್ ಚೆರಿಯ ಮಕ್ಕಡನೆಕೆ ನಿಂಗ ಗೇನ ಮಾಡತಿ, ಕೆಟ್ಟ ವಿಷಯತ್‍ಲ್ ನಿಂಗ ಚೆರಿಯ ಮಕ್ಕಡನೆಕೆ ಗೇನ ಮಾಡಂಡು, ಆಚೇಂಗಿ ಈ ವಿಷಯತ್‍ಲ್ ಬಲ್ಯಂಗಡನೆಕೆ ನಿಂಗ ಗೇನ ಮಾಡಂಡು.