ಎಸ್ತೆರ್‌ 5:11 - ಕೊಡವ ಬೈಬಲ್

¹¹ ಹಾಮಾನ ಅಯಿಂಗಡ ಮಿಂಞತ್‌ ಅಂವೊಂಡ ಐಶ್ವರ್ಯತ್‌ರ ವಿಷಯತ್, ಅಂವೊಂಗ್‌ ಉಳ್ಳ ಅನೇಕ ಕ್‌ಣ್ಣ ಮಕ್ಕಡ ವಿಷಯತ್, ರಾಜ ಅಂವೊನ ಗೌರವ ಪಡ್‌ತ್‌ನ ವಿಷಯತ್‌ ಪಿಂಞ ರಾಜ ಎನ್ನನೆ ಅಂವೊಂಗ್‌ ಎಲ್ಲಾ ಪ್ರಬುವಯಿಂಗ ಪಿಂಞ ಸೇವಕಂಗಕಿಂಜ ಬಲ್ಯ ಸ್ಥಾನತ್‌ನ ಕೊಡ್‌ತ ವಿಷಯತ್‌ ಎಣ್ಣಿತ್‌ ವಿವರಿಚಿಟ್ಟಂಡಿಂಜತ್‌ ಎಣ್ಣ್‌ಚಿ.

ಎಸ್ತೆರ್‌ 5:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 31:1

ಪಿಂಞ ಲಾಬಾನಂಡ ಕ್‌ಣ್ಣ್‌ ಮಕ್ಕ: ನಂಗಡ ಅಪ್ಪಂಡ ಆಸ್ತಿನೆಲ್ಲ ಯಾಕೋಬ ಎಡ್‌ತಂಡತ್‍ೕಂದು, ನಂಗಡ ಅಪ್ಪಂಡ ಆಸ್ತಿಯಿಂಜಲೇ ಅಂವೊ ಇಚ್ಚಕ್‌ ಐಶ್ವರ್ಯವಂತಂವೊನಾಚೀಂದು ಜನ ತಕ್ಕ್‌ ಪರಿವದ್‌ನ ಯಾಕೋಬಂಡ ಕೆಮಿಕ್‌ ಬುದ್ದತ್.

ಎಸ್ತೆರ್‌ 1:4

ಅಂವೊ ಸುಮಾರ್‌ ದಿವಸತ್‌ಂಜ, ಎಣ್ಣ್‌ಚೇಂಗಿ ನೂಟ್ಯ ಎಂಬದ್‌ ದಿವಸಕತ್ತನೆ ಅಯಿಂಗಕ್‌ ತಾಂಡ ರಾಜ್ಯತ್‌ ಉಳ್ಳ ಬಲ್ಯ ಐಶ್ವರ್ಯತ್‌ನ, ಮಹಿಮೆನ, ತಾಂಗುಳ್ಳ ಘನತ್‌ನ ಪಿಂಞ ವೈಬವತ್‌ನ ಕಾಟಿಕೊಡ್‌ತಂಡಿಂಜತ್.

ಎಸ್ತೆರ್‌ 3:1

ಇದೆಲ್ಲಾ ಆನಪಿಂಞ ರಾಜನಾನ ಅಹಷ್ವೇರೋಷ, ಅಗಾಗ್‌ ಕುಲಕ್‌ ಕೂಡ್‌ನ ಹಮ್ಮೆದಾತಂಡ ಮೋಂವೊನಾನ ಹಾಮಾನ ಎಣ್ಣುವಂವೊನ ಗೌರವ ಪಡ್‌ತಿತ್, ತಾಂಡ ಪಕ್ಕ ಉಳ್ಳ ಎಲ್ಲಾ ಪ್ರಬುಕ್ಕಳೂಕಿಂಜ ಅಂವೊಂಗ್‌ ಬಲ್ಯ ಅದಿಕಾರತ್‌ರ ಸ್ತಾನತ್‌ನ ಕೊಡ್‌ತತ್.

ಎಸ್ತೆರ್‌ 8:15

ಅಲ್ಲಿಂಜ ಮೊರ್ದೆಕೈ ನೀಲಿ ಪಿಂಞ ಚೋಂದ ರಾಜ ಉಡ್‌ಪ್‌ನ ಇಟ್ಟಂಡ್, ಬಲ್ಯ ಪೊನ್ನ್‌ರ ಕಿರೀಟತ್‌ನ ಇಟ್ಟಂಡ್, ರೇಶ್ಮೆಯು, ನೈಸಾನ ನೂಲ್‌ಲ್‌ ಮಾಡ್‌ನ ನೀಲಿ ಅಂಗಿನ ಪೊತ್ತಂಡ್‌ ರಾಜಂಡ ಸನ್ನಿದಿಯಿಂಜ ಪೊರ್‌ಟ್ ಪೋಚಿ. ಶೂಷನ್‌ ಪಟ್ಟಣ ಕುಶೀಲ್‌ ಕಳಿಚತ್.

ಮಾರ್ಕ 10:24

ಯೇಸುರ ಈ ತಕ್ಕ್‌ನ ಕ್‍ೕಪದು ಶಿಷ್ಯಂಗಕ್ ದುಂಬ ಆಶ್ಚರ್ಯ ಆಚಿ. ನಾಡ ಮಕ್ಕಳೇ ದೇವಡ ರಾಜ್ಯಕ್ ಪೋಪಕ್ ಎಚ್ಚಕ್ ಕಷ್ಟ ಉಂಡ್!

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.