ಎಸ್ತೆರ್‌ 4:4 - ಕೊಡವ ಬೈಬಲ್

⁴ ಅಕ್ಕ ಎಸ್ತೇರಂಡ ಪಣಿಕಾರ್ತಿಯ ಪಿಂಞ ಶಿಕಂಡಿಯ ಅವಡ ಪಕ್ಕ ಪೋಯಿತ್‌ ಮೊರ್ದೆಕೈ ಮಾಡ್‌ನ ವಿಚಾರತ್‌ನ ಅರಿಚಿಟ್ಟತ್. ಅದ್‌ನ ಕ್‍ೕಟಿತ್‌ ಎಸ್ತೆರ್‌ ರಾಣಿಕ್‌ ದುಂಬ ಬೇಜಾರಾಯಿತ್, ಮೊರ್ದೆಕೈ ಇಟ್ಟಂಡಿಂಜ ಗೋಣಿಚೀಲತ್‌ರ ಬಟ್ಟೆನ ಉತ್ತಿತ್, ಬೋರೆ ಬಟ್ಟೆನ ಇಡ್‌ವಕ್‌ ಬಟ್ಟೆನ ಅಯಿಚಿ ಕೊಡ್‌ತತ್. ಆಚೇಂಗಿ ಅಂವೊ ಅದ್‌ನ ಸ್ವೀಕಾರ ಮಾಡಿತ್‌ಲ್ಲೆ.

ಎಸ್ತೆರ್‌ 4:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:35

ಅಂವೊಂಡ ಕ್‌ಣ್ಣ ಮಕ್ಕ ಪಿಂಞ ಮೂಡಿ ಮಕ್ಕಯೆಲ್ಲ ಅಂವೊನ ಸಮಾದಾನ ಪಡ್‌ತ್‌ವಕ್‌ ನೋಟ್‌ಚಿ. ಆಚೇಂಗಿ ಸಮಾದಾನ ಆಪಕ್‌ ಅಂವೊ ಬುಟ್ಟಿತ್‌ಲ್ಲೆ. ಅಂವೊ: ನಾನ್‌ ಇನ್ನನೆ ದುಃಖ ಪಟ್ಟಂಡ್‌ ನಾಡ ಮೋಂವೊಂಡ ಪಕ್ಕ ಪೋಯಿತ್‌ ಎತ್ತುವೀಂದ್‌ ಎಣ್ಣ್‌ಚಿ. ಇನ್ನನೆ ಅಪ್ಪ ತಾಂಡ ಮೋಂವೊಂಗಾಯಿತ್‌ ಮೊರ್‌ಟಂಡಿಂಜತ್.

ಎಸ್ತೆರ್‌ 1:12

ಆಚೇಂಗಿ ರಾಜಂಗ್‌ ಸೇವ ಮಾಡುವ ಶಿಕಂಡಿಯ ಪೋಯಿತ್‌ ರಾಜಂಡ ಆಜ್ಞೆನ ಎಣ್ಣ್‌ವಕ ವಷ್ಟಿ ರಾಣಿ, ಬಪ್ಪ್‌ಲೇಂದ್‌ ಉತ್ತರ ಕೊಡ್‌ತತ್. ಅಕ್ಕ ರಾಜಂಗ್‌ ದುಂಬ ಚೆಡಿ ಬಾತ್.

ಎಸ್ತೆರ್‌ 4:3

ರಾಜಂಡ ಆಜ್ಞೆಯು ತೀರ್ಮಾನವು ಏದೆಲ್ಲಾ ಪ್ರಾಂತ್ಯಕ್‌ ಪೋಯಿ ಎತ್ತಚೋ ಅಲ್ಲಿಯೆಲ್ಲಾ ಯೆಹೂದ್ಯ ಜನಡ ಮದ್ಯತ್‌ ಬಲ್ಯ ದುಃಖ, ಪಟ್ಟಣಿ ನಿಪ್ಪದ್, ಮೊರ್‌ಡುವದ್‌ ಪಿಂಞ ಗೋಳಾಟ ಸುರು ಆಚಿ. ಸುಮಾರ್‌ ಜನ ಗೋಣಿಚೀಲತ್‌ರ ಬಟ್ಟೆನ ಪಿಂಞ ಬೂದಿನ ನೆಲತ್‌ ಇಟ್ಟಿತ್‌ ಅದ್‌ಂಡ ಮೇಲೆ ಬುದ್ದಂಡತ್.

ಎಸ್ತೆರ್‌ 4:5

ಅಕ್ಕ ಎಸ್ತೇರ್‌ ಅವಕ್‌ ಸೇವೆ ಮಾಡ್‌ವಾಕಾಯಿತ್‌ ರಾಜ ನೇಮಿಚಿಟ್ಟ ಶಿಕಂಡಿಯಡಡೆಲ್‌ ಒಬ್ಬನಾನ ಹತಾಕನ ಕಾಕ್‌ಚಿಟ್ಟಿತ್: ನೀನ್‌ ಮೊರ್ದೆಕೈಯಂಡ ಪಕ್ಕ ಪೋಯಿತ್, ಅಂವೊ ಮಾಡಿಯಂಡುಳ್ಳ ಈ ಕಾರ್ಯಕ್‌ ಎಂತ ಕಾರಣಾಂದ್‌ ವಿಚಾರಿಚಿಟ್ಟಂಡ್‌ ಬಾಂದ್‌ ಎಣ್ಣಿತ್‌ ಅಯಿಚತ್.

ಅಪೊಸ್ತಲ 8:27

ಅಂವೊ ಅನ್ನನೆ ಪೊರಟಿತ್ ಪೋಚಿ. ಅಂವೊ ಆ ಬಟ್ಟೇಲ್ ಪೋಯಂಡಿಪ್ಪಕ, ಐಥಿಯೋಪ್ಯ ದೇಶಕ್ ರಾಣಿಯಾಯಿತ್ಂಜ ಕಂದಾಕೆಯ ಎಣ್ಣ್‌ವವಡ ಮುಕ್ಯಪಟ್ಟ ಅದಿಕಾರಿನ ಕಂಡತ್. ಅಂವೊ ಆ ರಾಣಿರ ಖಜಾನಕೆಲ್ಲ ಅದಿಕಾರಿಯಾಯಿತ್ಂಜತ್. ಅಂವೊ ದೇವನ ಆರಾದನೆ ಮಾಡ್‌ವಕಾಯಿತ್ ಯೆರೂಸಲೇಮ್‌ಕ್ ಪೋಯಿತ್ಂಜತ್.