ಎಸ್ತೆರ್‌ 4:16 - ಕೊಡವ ಬೈಬಲ್

¹⁶ ನೀನ್‌ ಪೋಯಿತ್‌ ಶೂಷನ್‌ ಪಟ್ಟಣತ್‌ಲ್‌ ಕ್‌ಟ್ಟುವ ಎಲ್ಲಾ ಯೆಹೂದ್ಯಂಗಳ ಕೂಟಿತ್, ನಾಕಾಯಿತ್‌ ಬಯಿಟ್ ಪಿಂಞ ಪೊಲಾಕ ಎಣ್ಣ್‌ಚೇಂಗಿ ಮೂಂದ್‌ ದಿವಸ ಕೂಳ್‌ ನೀರ್‌ ಬುಟ್ಟಿತ್‌ ಪಟ್ಟಣಿ ನಿಕ್ಕಂಡು. ಅನ್ನನೆ ನಾನ್‌ ಪಿಂಞ ನಾಡ ಪಣಿಕಾರ್ತಿಯ ಪಟ್ಟಣಿ ನಿಪ್ಪ. ಇದಾನಪಿಂಞ ಕಾನೂನ್‌ಕ್‌ ವಿರುದ್ದವಾಯಿತ್‌ ಇಂಜತೇಂಗಿಯು ನಾನ್‌ ರಾಜಂಡ ಪಕ್ಕ ಪೋಪಿ. ಚಾವದಾವೇಂಗಿ ಚಾವೀಂದ್‌ ಎಣ್ಣಿತ್‌ ಅಯಿಚತ್.

ಎಸ್ತೆರ್‌ 4:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:19

ಯೆಹೋವ ಅಬ್ರಹಾಮಂಗ್‌ ಎಣ್ಣ್‌ನದ್‌ನ ನೆರವೇರಿಚಿಡುವಕಾಯಿತ್‌ ಅಂವೊ ತಾಂಡ ಮಕ್ಕಕು, ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮನೆಕಾರಕು ಇನ್ನನೆ ಎಣ್ಣುವಕ್‌ ಗೊತ್ತ್‌ಮಾಡಿಯೆ: ಅದ್‌ ಎನ್ನನೆ ಎಣ್ಣ್‌ಚೇಂಗಿ, ನಿಂಗ ನೀತಿರ ಪಿಂಞ ನ್ಯಾಯತ್‌ರ ಪ್ರಕಾರ ನಡ್‌ಕಂಡೂಂದ್‌ ಆಜ್ಞೆ ಮಾಡುವಾಂದ್‌ ನಾಕ್‍ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 43:14

ಅಂವೊ ನಿಂಗಡ ಮೇಲೆ ಕನಿಕರ ಬೆಚ್ಚಿತ್‌ ಸಿಮೇಯೋನನ, ಪಿಂಞ ಬೆನ್ಯಾಮೀನನ ನಿಂಗಡ ಕೂಡೆ ತಿರಿತ್‌ ಅಯಿಪಕ್‌ ಸರ್ವಶಕ್ತನಾನ ದೇವ ನಿಂಗಕ್‌ ಕರುಣೆ ಕ್‌ಟ್ಟುವನೆಕೆ ಮಾಡಡ್. ನಾನ್‌ ನಾಡ ಮಕ್ಕಳ ಕಳ್‌ದಂಡುಂದ್‌ ಇಂಜತೇಂಗಿ, ಅದ್‌ ಅನ್ನನೆ ಆಡ್‍ೕಂದ್‌ ಎಣ್ಣ್‌ಚಿ.

ಎಸ್ತೆರ್‌ 4:15

ಅಕ್ಕ ಎಸ್ತೇರ್‌ ಮೊರ್ದೆಕೈಕ್:

ಎಸ್ತೆರ್‌ 4:17

ಅಕ್ಕ ಮೊರ್ದೆಕೈ ತಿರಿತ್‌ ಪೋಯಿತ್‌ ಎಸ್ತೇರ್‌ ತಾಂಗ್‌ ಎಣ್ಣ್‌ನನೆಕೆ ಮಾಡ್‌ಚಿ.

ಎಸ್ತೆರ್‌ 4:3

ರಾಜಂಡ ಆಜ್ಞೆಯು ತೀರ್ಮಾನವು ಏದೆಲ್ಲಾ ಪ್ರಾಂತ್ಯಕ್‌ ಪೋಯಿ ಎತ್ತಚೋ ಅಲ್ಲಿಯೆಲ್ಲಾ ಯೆಹೂದ್ಯ ಜನಡ ಮದ್ಯತ್‌ ಬಲ್ಯ ದುಃಖ, ಪಟ್ಟಣಿ ನಿಪ್ಪದ್, ಮೊರ್‌ಡುವದ್‌ ಪಿಂಞ ಗೋಳಾಟ ಸುರು ಆಚಿ. ಸುಮಾರ್‌ ಜನ ಗೋಣಿಚೀಲತ್‌ರ ಬಟ್ಟೆನ ಪಿಂಞ ಬೂದಿನ ನೆಲತ್‌ ಇಟ್ಟಿತ್‌ ಅದ್‌ಂಡ ಮೇಲೆ ಬುದ್ದಂಡತ್.

ಎಸ್ತೆರ್‌ 5:1

ಪಟ್ಟಣಿ ನಿಂದ ಮೂಂದನೆ ದಿವಸತ್‌ ಎಸ್ತೇರ್‌ ರಾಣಿರ ಬಟ್ಟೆ ಇಟ್ಟಂಡ್, ಅರಮನೆರ ಬಲ್ಯ ಕೋಂಬರೆರ ಒಳ್‌ಕ್‌ ಪೋಯಿತ್, ರಾಜಂಡ ಬಾಡೆರ ಮಿಂಞತ್‌ ಪೋಯಿತ್‌ ನಿಂದತ್. ಅಕ್ಕ ರಾಜ, ಬಾಡೆಲ್‌ ಅಂವೊಂಡ ಸಿಂಹಾಸನತ್‌ ಪಡಿರ ಮಿಂಞತ್‌ ಅಳ್‌ತಂಡಿಂಜತ್.

ಎಸ್ತೆರ್‌ 9:31

ಅದ್‌ ಎಂತ ಎಣ್ಣ್‌ಚೇಂಗಿ: ಯೆಹೂದ್ಯಂಗ, ಅಯಿಂಗಡಲ್ಲಿಯೂ ಪಿಂಞ ಅಯಿಂಗಡ ಸಂತಾನತ್‌ಲೂ ಪಟ್ಟಣಿ ನಿಂದಪಿಂಞ ಗೋಳಾಡುವ ದಿವಸತ್‌ನ ಗೇನ ಮಾಡುವಕ್‌ ಅಯಿಂಗಳೇ ಗೊತ್ತ್‌ಮಾಡ್‌ನ ಪ್ರಕಾರ ಈ ಪೂರೀಮ್‌ ದಿವಸತ್‌ನ ನಾನ್‌ ಪಿಂಞ ಯೆಹೂದ್ಯನಾನ ಮೊರ್ದೆಕೈ ಎಣ್ಣ್‌ನನೆಕೆ ಪ್ರತಿಕಾಲವು ತಪ್ಪದೇ ಗೊತ್ತ್‌ಮಾಡ್‌ನ ನೇರಲ್‌ ಆಚರಿಚಿಡಂಡೂಂದ್‌ ಒಳ್‌ದ್‌ಚಿ.

ಮತ್ತಾಯ 12:40

ಯೋನ ಪ್ರವಾದಿ ಮೂಂದ್ ಬಯಿಟ್ ಮೂಂದ್ ಪೋಲ್ ಬಲ್ಯ ಮೀನ್‌ರ ಕೆಲತ್‌ಲ್ ಇಂಜನೆಕೆ, ಮನುಷ್ಯಕುಮಾರನು ಮೂಂದ್ ಬಯಿಟ್ ಮೂಂದ್ ಪೋಲ್ ಬೂಮಿರ ಅಡಿಲ್ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:24

ದಾರ್‌ಕ್ ತಾಂಡ ಜೀವತ್‍ನ ಕಾಪಾಡ್‌ವಕ್ ಆಸೆ ಉಂಡೋ ಅಂವೊ ಅದ್‍ನ ಕಳೆಯುವ. ಆಚೇಂಗಿ ದಾರ್ ನಾಕಾಯಿತ್ ಅಂವೊಂಡ ಬದ್‍ಕ್‍ನ ಕಳೆಯುವ ಅಂವೊ ಅದ್‍ನ ಕಾಪಾಡ್‌ವ.

ಯೋಹಾನ 19:22

ಪಿಲಾತ ಅಯಿಂಗಳ ನೋಟಿತ್: ನಾನ್ ಒಳ್‍ದ್‍ನದ್ ಒಳ್‍ದ್‍ನದೇ, ಅದ್‍ನ ಪುನಃ ಮಾತಿತ್ ಒಳ್‍ದ್‍ಲೇಂದ್ ಎಣ್ಣಿರ್‌ತ್.

ಅಪೊಸ್ತಲ 10:7

ಕೊರ್ನೇಲ್ಯ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತ ಪೋನ ಪಿಂಞ ತಾಂಡ ಮನೆಲ್ ಕೆಲಸ ಮಾಡ್‌ವ ದಂಡ್ ಆಳ್‍ವಳ ಪಿಂಞ ತಾಂಡ ಪಕ್ಕ ಸೇವೆ ಮಾಡ್‌ವ ದೇವಡ ಬಕ್ತಿಯುಳ್ಳ ಒರ್ ಸಿಪಾಯಿನ ಕಾಕಿತ್,

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ಅಪೊಸ್ತಲ 21:13

ಆಚೇಂಗಿ ಪೌಲ: ನಿಂಗ ಎನ್ನಂಗ್ ಇನ್ನನೆ ಮೊರಟಂಡ್, ನಾಡ ಹೃದಯ ತಳ್ಂದ್ ಪೋಪನೆಕೆ ಮಾಡ್‌ವಿರ? ನಾನ್ ಒಡೆಯನಾನ ಯೇಸುರ ಪೆದಕಾಯಿತ್ ಯೆರೂಸಲೇಮ್‍ಲ್ ಜೈಲ್‌ಕ್ ಪೋಪಕ್ ಮಾತ್ರ ಅಲ್ಲ, ಚಾವಕು ತಯಾರಾಯಿತ್ ಉಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 27:33

ಪೊಲಾಕ ಆಪಕ, ಪೌಲ ಅಯಿಂಗಕೆಲ್ಲ ದೈರ್ಯ ಎಣ್ಣಿತ್, ಉಂಬಕ್ ಎಣ್ಣ್‌ಚಿ. ನೋಟಿ, ಇಂದ್‍ಕತ್ತನೆ, ನಿಂಗ ಒಂದು ತಿಂಗತೆ ಪದನಾಲ್ ನಾಳಾಚಿ. ಇಂಞು ಮಿಂಞಕ್ ಎಂತಾಪಾಂದ್ ನೋಟಿಯಂಡ್ ಒಂದು ತಿಂಗತೆ ಉಳ್ಳಿರ.

ಅಪೊಸ್ತಲ 9:9

ಮೂಂದ್ ದಿವಸ ಅಂವೊ ಕಣ್ಣ್ ಕಾಂಗತಂವೊನಾಯಿತ್, ಒಂದು ತಿಂಗತೆ, ಕುಡಿಕತೆ ಇಂಜತ್.

ರೋಮ್ 16:4

ಅಯಿಂಗ ನನ್ನ ಕಾಪಾಡ್‌ವಕಾಯಿತ್ ಅಯಿಂಗಡ ಜೀವತ್‍ನ ಕೊಡ್‍ಪನೆಕೆ ಬೋಳೆನ ಕೊಡ್‍ತತ್; ಅಯಿಂಗಡ ವಿಷಯತ್ ನಾನ್ ಮಾತ್ರ ಅಲ್ಲ, ಯೆಹೂದ್ಯಂಗ ಅಲ್ಲತಯಿಂಗಡ ಮದ್ಯತ್‍ಲ್ ಉಳ್ಳ ಎಲ್ಲಾ ಸಬೇಕಾರಳು ನಲ್ಲರಿಕೆರ ಚಾಯಿ ತಕ್ಕ್ ಎಣ್ಣಿಯಂಡುಂಡ್.

ಫಿಲಿಪ್ಪಿ 2:30

ಎನ್ನಂಗೆಣ್ಣ್‌ಚೇಂಗಿ, ನಿಂಗ ನಾಕ್ ಮಾಡ್‌ವಕುಳ್ಳ ಸೇವೇಲ್, ನಿಂಗ ಮಾಡ್‌ವಕ್ ಕಯ್ಯತದ್‍ನ ಪೂರ್ತಿ ಮಾಡ್‌ವಕಾಯಿತ್, ಅಂವೊ ಅಂವೊಂಡ ಜೀವತ್‍ನ ಕೂಡೆ ನೋಟತೆ, ಕ್ರಿಸ್ತಂಡ ಸೇವೆ ಮಾಡ್‍ನಗುಂಡ್ ಚತ್ತ್ ಪೋಪನೆಕೆ ಇಂಜತ್.