ಎಸ್ತೆರ್‌ 2:18 - ಕೊಡವ ಬೈಬಲ್

¹⁸ ತಾಂಡ ಎಲ್ಲಾ ಪ್ರಬುವಯಿಂಗಕು, ಸೇವಕಂಗಕು, ಎಸ್ತೇರಂಡ ಪೆದತ್‌ಲ್‌ ಬಲ್ಯ ನಮ್ಮೆ ಮಾಡಿತ್, ಎಲ್ಲಾ ಪ್ರಾಂತ್ಯತ್‌ ಸುಂಕತ್‌ನ ಕಮ್ಮಿ ಮಾಡಿತ್, ರಾಜಂಡ ಗನತ್‍ಕ್ ಸೆರಿಯಾಯಿತ್‌ ಉದಾರವಾಯಿತ್‌ ಇನಾಮ್‌ ಅಯಿಚತ್.

ಎಸ್ತೆರ್‌ 2:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 29:22

ಅಕ್ಕ ಲಾಬಾನ ಆ ಜಾಗತ್‌ರ ಜನಳೆಲ್ಲ ಕಾಕಿತ್‌ ಗದ್ದಾಳ ತಯಾರ್‌ ಮಾಡ್‌ಚಿ.

ಎಸ್ತೆರ್‌ 1:7

ಪೊನ್ನ್‌ಲ್ ಮಾಡ್‌ನ ನಾನಾತರ ಪಾತ್‌ರೆಲ್‌ ಕುಡಿಪಕ್‌ ಕೊಡ್‌ಪಯಿಂಜತ್. ರಾಜ ಕುಡಿಪ್ಪ ದ್ರಾಕ್ಷಿರಸತ್‌ರ ರುಚಿರನೆಕೆ ಬೊಂಡಿಯಚ್ಚಕ್‌ ಜನಕ್‌ ಬೊಳಂಬಿಯಂಡಿಂಜತ್.

ಎಸ್ತೆರ್‌ 9:22

ಆ ದಿವಸತ್‌ಲ್‌ ಗದ್ದಾಳ ಮಾಡಿತ್‌ ಕುಶೀಲ್‌ ಕಳಿಚಿತ್‌ ಒಬ್ಬಂಗೊಬ್ಬಂಗ್‌ ಗದ್ದಾಳ ಆಹಾರತ್‌ನ ಅಯಿಚಿತ್, ಗರೀಬಂಗಕ್‌ ದಾನದರ್ಮ ಮಾಡಂಡೂಂದ್‌ ನೇಮಿಚಿಟ್ಟತ್‌ಂಜತ್.

ಮತ್ತಾಯ 22:2

ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ರಾಜ ತಾಂಡ ಮೋಂವೊಂಡ ಮಂಗಲಕ್ ಗದ್ದಾಳ ತಯಾರ್ ಮಾಡ್‍ನನೆಕೆ.

ಮಾರ್ಕ 6:21

ಒಮ್ಮ ಹೆರೋದ ತಾಂಡ ಪುಟ್ಟ್‌ನ ದಿವಸತ್‍ಲ್ ಬಲ್ಯ ಬಲ್ಯ ಅದಿಕಾರಿಯಳ, ಪಡೆಲುಳ್ಳ ಬಲ್ಯ ಸೇನಾದಿಪತಿಯಳ, ಗಲಿಲಾಯತ್‍ಲುಳ್ಳ ಮುಕ್ಯಪಟ್ಟ ಜನಳ ಕಾಕಿತ್ ಗದ್ದಾಳ ಮಾಡ್‍ಚಿ. ಅಕ್ಕ ಹೆರೋದ್ಯಕ್ ಸಂದರ್ಪ ಕ್‌ಟ್ಟಿಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:8

ನಿಂಗಳ ಒಬ್ಬ ಮಂಗಲತ್‍ರ ಗದ್ದಾಳಕ್ ಕಾಕಿತುಂಡೇಂಗಿ, ನಿಂಗ ಮುಕ್ಯಪಟ್ಟ ಕುರ್ಚಿಲ್ ಅಳ್‌ಕತಿ. ನಿಂಗಕಿಂಜ ಬಲ್ಯಂವೊ ಬಂದಿತ್‌ಪ್ಪ,

ಪ್ರಕಟನೆ 11:10

ಈ ದಂಡ್ ಪ್ರವಾದಿಯಳು ಬೂಮಿರ ಜನತ್‍ನ ಹಿಂಸೆ ಮಾಡ್‍ನಗುಂಡ್, ಅಯಿಂಗಕಾಯಿತ್ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳಯಿಂಗ ದುಂಬ ಕುಶಿಪಟ್ಟಿತ್ ಕೊಂಡಾಡಿತ್ ಒಬ್ಬೊಂಗೊಬ್ಬ ಇನಾಮ್‍ನ ಅಯಿಪ.

ಪ್ರಕಟನೆ 19:9

ಇಂಞು ದೇವದೂತ ನನ್ನ ನೋಟಿತ್: ಕೊರಿಕುಟ್ಟಿಯಾನವೊಂಡ ಮಂಗಲತ್‍ರ ಗದ್ದಾಳಕ್ ಕಾಕ್‍ಚಿಟ್ಟಯಿಂಗ ಆಶೀರ್ವಾದ ಪಡ್ಂದಯಿಂಗ ಇನ್ನನೆ ಒಳ್‌ದ್‍ೕಂದ್ ಎಣ್ಣ್‌ಚಿ. ಇದ್ ದೇವಡ ಸತ್ಯವಾಯಿತುಳ್ಳ ತಕ್ಕ್‍ೕಂದ್ ಎಣ್ಣ್‌ಚಿ.