ಎಸ್ತೆರ್‌ 1:12 - ಕೊಡವ ಬೈಬಲ್

¹² ಆಚೇಂಗಿ ರಾಜಂಗ್‌ ಸೇವ ಮಾಡುವ ಶಿಕಂಡಿಯ ಪೋಯಿತ್‌ ರಾಜಂಡ ಆಜ್ಞೆನ ಎಣ್ಣ್‌ವಕ ವಷ್ಟಿ ರಾಣಿ, ಬಪ್ಪ್‌ಲೇಂದ್‌ ಉತ್ತರ ಕೊಡ್‌ತತ್. ಅಕ್ಕ ರಾಜಂಗ್‌ ದುಂಬ ಚೆಡಿ ಬಾತ್.

ಎಸ್ತೆರ್‌ 1:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:16

ಅಲ್ಲಿಂಜ ಅಂವೊ ಆ ಪೊಣ್ಣಾಳ್‌ಕ್: ನೀನ್‌ ಕೆಲಕರ್ತಿಯಾಯಿತ್‌ಪ್ಪಕ ದುಂಬ ನೊಂಬಲತ್‌ನ ಉಂಟ್‌ಮಾಡ್‌ವಿ, ದುಂಬ ನೊಂಬಲತ್‌ಲ್‌ ನೀನ್‌ ಕುಂಞಿಯಳ ಪೆರುವಿಯ. ನೀಡ ಆಸೆಯೆಲ್ಲ ನೀಡ ವಡಿಯಂಡ ಮೇಲೆ ಇಪ್ಪ; ಆಚೇಂಗಿ ಅಂವೊ ನೀಡ ಮೇಲೆ ಅದಿಕಾರ ಮಾಡ್‌ವಾಂದ್‌ ಎಣ್ಣ್‌ಚಿ.

ಎಸ್ತೆರ್‌ 1:13

ರಾಜ್ಯತ್‌ರ ಕಾನೂನ್‌ ಪಿಂಞ ರಾಜ ನೀತಿನ ಗೊತ್ತುಳ್ಳಯಿಂಗಡ ಮಿಂಞತ್‌ಲ್‌ ಅರಮನೆರ ಸಂಗತಿನೆಲ್ಲ ಎಣ್ಣುವ ಪದ್ದತಿಯಿಂಜತ್. ಅಂವೊ ಕಾಲತ್‌ರ ನೇಮತ್‌ನ ಗೊತ್ತುಳ ಅಂವೊಂಡ ಆಲೋಚನೆಕಾರಂಗಡ ಕುಡ ತಕ್ಕ್‌ ಪರಂದಿತ್.

ಎಸ್ತೆರ್‌ 7:7

ರಾಜಂಗ್‌ ದುಂಬ ಚೆಡಿ ಬಂದಿತ್‌ ದ್ರಾಕ್ಷಿರಸ ಕುಡಿಪನ ಬುಟ್ಟಿತ್‌ ಅರಮನೆರ ತೋಟಕ್‌ ಪೋಚಿ. ರಾಜನಗುಂಡ್‌ ತಾಂಗ್‌ ನೇರಾಯಿತು ಕ್‍ೕಡ್‌ ಆಪಾಂದ್‌ ಹಾಮಾನ ಅರ್‌ಂಜಿತ್, ಪೊರಮೆ ಪೋಕತೆ, ರಾಣಿಯಾನ ಎಸ್ತೇರಳಡ ಪಕ್ಕ ಪೋಯಿತ್‌ ತಾಂಡ ಜೀವತ್‌ನ ಉಳ್‌ಚಿಡ್‌ವಕ್‌ ಬೋಡನಾಂದ್‌ ಅವಡ ಮಿಂಞತ್‌ ನಿಂದತ್.

ಜ್ಞಾನತ್‌ರ ಪಡಿಮ 19:12

ರಾಜಂಡ ಚೆಡಿ ಸಿಂಹ ಕೂತ್‌ಡ್‌ವನೆಕೆ ಇಪ್ಪ. ಆಚೇಂಗಿ ಅಂವೊಂಡ ದಯೆ ಪಿಲ್ಲ್‌ರ ಮೇಲೆ ಪೊಯ್ಯುವ ಮಂಜಿ ತುಳಿರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 20:2

ರಾಜಂಡ ಚೆಡಿ ಸಿಂಹತ್‌ರ ಕೂಪಡೆಕ್‌ ಸೆರಿಸಮ. ರಾಜನ ಚೆಡಿಮಾಡ್‌ವಂವೊ ತಾಂಡ ಜೀವತ್‌ನ ಪಾಳ್‌ ಮಾಡಿಯೊವ.

ಎಫೆಸ 5:22

ಪೊಣ್ಣಾಳುವಳೇ, ಒಡೆಯಂಗ್ ತಗ್ಗಿತ್ ನಡ್‍ಪನೆಕೆ ನಿಂಗ ನಿಂಗಡ ವಡಿಯಂಗಕ್ ತಗ್ಗಿತ್ ನಡ್‌ಕಂಡು.

ಎಫೆಸ 5:24

ಆನಗುಂಡ್, ಸಬೆ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ, ಪೊಣ್ಣಾಳುವಳೇ ನಿಂಗಡ ಸ್ವಂತ ವಡಿಯಂಗಕ್ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್‌ಕಂಡು.

1 ಪೇತ್ರ 3:1

ಅನ್ನನೆ, ಪೊಣ್ಣಾಳುವಳೇ, ನಿಂಗ ನಿಂಗಡ ಸ್ವಂತ ವಡಿಯಂಗಡ ಪಕ್ಕ ಅಡಕತ್‍ಲ್ ಇರಂಡು. ಅಕ್ಕ, ಅಯಿಂಗಡಲ್ಲಿ, ದಾರೇಂಗಿಯು ದೇವಡ ವಾಕ್ಯತ್‍ನ ನಂಬತಯಿಂಗಳಾಯಿತ್ ಇಂಜತೇಂಗಿ, ನಿಂಗಡ ತಕ್ಕ್‌ರಗುಂಡ್ ಅಲ್ಲ, ನಿಂಗಡ ಗುಣತ್‍ರಗುಂಡ್,