ಎಫೆಸ 6:11 - ಕೊಡವ ಬೈಬಲ್

¹¹ ನಿಂಗ ಸೈತಾನಂಡ ತಂತ್ರಕ್ ಎದ್‍ರ್ ನಿಪ್ಪಕ್ ಶಕ್ತಿ ಉಳ್ಳಯಿಂಗಳಾಯಿತ್ ಇಪ್ಪಕ್ ದೇವಡ ಸರ್ವ ಆಯುದತ್‍ನ ಇಟ್ಟೊಳಿ.

ಎಫೆಸ 6:11 ပူးပေါင်းရင်းမြစ်များ

ಮಾರ್ಕ 13:22

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಉದಿಚಿ, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡಿತ್ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ರೋಮ್ 13:12

ಬೈಟ್ ದುಂಬ ಕಳೆಂದ್ ಪೋಚಿ, ಪೋಲ್ ಪಕ್ಕ ಬಾತ್; ಆನಗುಂಡ್ ಇರ್‌ಟ್‌ರ ಕ್ರಿಯೇನ ಬುಟ್ಟಿತ್, ಬೊಳಿರ ಆಯುದತ್‍ನ ಇಡೋನ.

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

1 ಕೊರಿಂಥ 10:13

ಎಲ್ಲಾ ಮನುಷ್ಯಂಗಕ್ ಬಪ್ಪ ಸೋದನೆನ ಬುಟ್ಟಿತ್ ಬೋರೆ ಏದ್ ಸೋದನೆಯು ನಿಂಗಕ್ ಬಂದಿತ್ತ್‌ಲ್ಲೆ. ದೇವ ನಂಬಿಕಸ್ತನಾಯಿತುಂಡ್. ನಿಂಗಡ ಶಕ್ತಿಕ್ ಮೀರ್‍ನ ಸೋದನೆಕ್ ನಿಂಗ ಒಳಪಡ್‍ವಕ್ ಅಂವೊ ಬುಡುಲೆ. ಆಚೇಂಗಿ, ಆ ಸೋದನೆಯಿಂಜ ತಪ್ಪ್‌ಚಿಡ್‌ವಕ್ ಬಟ್ಟೆ ಕಾಟಿತಪ್ಪ.

2 ಕೊರಿಂಥ 10:4

ನಂಗ ಉಪಯೋಗ ಮಾಡ್‌ವ ಯುದ್ದತ್‍ರ ಆಯುದ ಈ ತಡೀರ ಆಯುದಂಗ ಅಲ್ಲ, ಅದ್, ಗಟ್ಟಿಯಾಯಿತುಳ್ಳ ಕೋಟೆಯಳ ಪೊಳಿಪಕುಳ್ಳ ದೇವಡ ಶಕ್ತಿಯಾಯಿತುಂಡ್.

2 ಕೊರಿಂಥ 11:3

ಆಚೇಂಗಿ, ಆದ್ಯ ಪೊಣ್ಣಾಳಾನ ಹವ್ವಳ, ಪಾಂಬ್ ತಾಂಡ ತಂತ್ರತ್‍ನಗುಂಡ್ ಮೋಸ ಮಾಡ್‍ನನೆಕೆ, ಕ್ರಿಸ್ತಂಡ ಸತ್ಯತ್‍ನ ಬುಟ್ಟಿತ್ ಬಟ್ಟೆ ತಪ್ಪಿ ಪೋಪನೆಕೆ ನಿಂಗಡ ಮನಸ್ಸ್ ಸಹ ಆಯಿ ಪೋಪಾಂದ್ ನಾಕ್ ಪೋಡಿ ಆಯಂಡುಂಡ್.

2 ಕೊರಿಂಥ 2:11

ಸೈತಾನಗುಂಡ್ ನಂಗ ಮೋಸ ಪೋಕತನೆಕೆ ನಾನ್ ಅನ್ನನೆ ಮಾಡಿಯೆ; ಸೈತಾನಂಡ ತಂತ್ರ ಎಂತ್‍ೕಂದ್ ನಂಗಕ್ ಚಾಯಿತೆ ಗೊತ್ತುಂಡಲ್ಲ.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

2 ಕೊರಿಂಥ 6:7

ನಂಗ ಸತ್ಯ ತಕ್ಕ್ ಪರ್ಂದಂಡುಂಡ್. ದೇವಡ ಶಕ್ತಿ ನಂಗಡಲ್ಲಿ ಕ್ರಿಯೆ ಮಾಡಿಯಂಡುಂಡ್. ನೀತಿಯಾಯಿತುಳ್ಳ ಬಲ್‌ತೆ ಬರಿ ಎಡ್‍ತೆ ಬರೀರ ಆಯುದತ್‍ನ ಇಡ್‌ವಯಿಂಗಳಾಯಿತುಂಡ್.

ಎಫೆಸ 4:14

ನಂಗ ಇಂಞು ಮಿಂಞಕ್ ಕುಂಞಿಯರನೆಕೆ ಇಕ್ಕತೆ, ಮನುಷ್ಯಂಗಡ ಕಪಟ ಪಿಂಞ ವಂಚನೆ ಮಾಡ್‌ವ ತಂತ್ರವುಳ್ಳ ಬೋದನೆಯಾನ, ನಾನಾತರ ಗಾಳಿರಗುಂಡ್ ಅಲ್ಲಾಡಿಯಂಡಿಪ್ಪ, ಅಲೆರನೆಕೆ ಅಪ್ಪರ ಇಪ್ಪರ ಪೋಯಂಡಿಪ್ಪಯಿಂಗಳಾಯಿತ್ ಇರತಿ.

ಎಫೆಸ 4:24

ನೇರಾನ ನೀತಿಲು, ಪವಿತ್ರತ್‍ಲು, ದೇವಡ ರೂಪತ್‍ರನೆಕೆ ಸೃಷ್ಟಿ ಮಾಡ್‍ನ ಪುದಿಯ ಮನುಷ್ಯನ ಇಟ್ಟೊಳಿ.

ಎಫೆಸ 6:13

ಆನಗುಂಡ್ ಕೆಟ್ಟ ದಿವಸತ್‍ಲ್ ನಿಂಗ ಅಯಿಂಗಕ್ ಎದ್‍ರ್ ನಿಪ್ಪಕ, ಎಲ್ಲಾನ ಪೂರ್ತಿ ಮಾಡ್‍ನಯಿಂಗಳಾಯಿತ್ ನಿಪ್ಪಕ್ ಶಕ್ತಿ ಉಳ್ಳಯಿಂಗಳಾಯಿತ್ ಇಪ್ಪನೆಕೆ ದೇವಡ ಸರ್ವ ಆಯುದತ್‍ನ ಇಟ್ಟೊಳಿ.

ಕೊಲೊಸ್ಸೆ 3:10

ಇಕ್ಕ ನಿಂಗ, ಒರ್ ಪುದಿಯ ಮನುಷ್ಯಂಡ ಗುಣತ್‍ನ ಇಟ್ಟಿತುಳ್ಳಿರ. ನಿಂಗಡಲ್ಲಿ ಈ ಪುದಿಯ ಮನುಷ್ಯನ ಸೃಷ್ಟಿ ಮಾಡ್‍ನ ದೇವ, ನಿಂಗ ಕ್ರಿಸ್ತನ ಪೂರ್ತಿಯಾಯಿತ್ ಅರಿಯಂಡೂಂದ್ ನಿಂಗಳ ಪುದಿಯದಾಯಿತ್ ಬದ್‍ಲ್ ಮಾಡಿಯಂಡ್ ಉಂಡ್.

1 ಥೆಸಲೊನೀಕ 5:8

ಆಚೇಂಗಿ, ನಂಗ ಪೋಲ್‍ಕ್ ಕೂಡ್‍ನಯಿಂಗ. ಆನಗುಂಡ್ ಎಚ್ಚರತ್‍ಲ್ ಬದ್‌ಕಿತ್, ಎದೆತಟ್ಟೆರನೆಕೆ ಉಳ್ಳ ನಂಬಿಕೆ ಪಿಂಞ ಪ್ರೀತಿನ ಎದೇಲ್ ಇಟ್ಟಂಡ್, ಇರ್‍ಂಬ್ ತೊಪ್ಪಿರನೆಕೆ ಉಳ್ಳ ರಕ್ಷಣೆರ ನಿರಿಕ್ಷೇನ ಮಂಡೆಕ್ ಇಟ್ಟಂಡ್ ಇರಂಡು.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

ಯಾಕೋಬ 4:7

ಆನಗುಂಡ್ ನಿಂಗ ನಿಂಗಳ ದೇವಕ್ ಅರ್ಪಿಚಿಡಿ, ಸೈತಾನಂಗ್ ಎದ್‍ರ್ ನಿಲ್ಲಿ. ಅನ್ನನೆ ಮಾಡ್‍ಚೇಂಗಿ ಸೈತಾನ ನಿಂಗಳ ಬುಟ್ಟಿತ್ ಓಡಿ ಪೋಯಿರ್‌ವ.

1 ಪೇತ್ರ 5:8

ತನ್ನಡಕ್ಕ ಉಳ್ಳಯಿಂಗಳಾಯಿತ್, ಎಚ್ಚರತ್ ಇಪ್ಪಯಿಂಗಳಾಯಿತ್ ಇರಿ. ನಿಂಗಡ ವಿರೋದಿಯಾನ ಸೈತಾನ, ಕೂತ್ ಕೊಡ್‍ಪ ಸಿಂಹತ್‍ರನೆಕೆ ದಾರ್‌ನ ಮುಗ್ಗಂಡೂಂದ್ ಸುತ್ತಿಯಂಡ್ ನೋಟಿಯಂಡುಂಡ್.

ಯೂದ ಒಳ್‍ದ್‍ನ ಕಾಗದ 1:24

ತಾಂಡ ಮಹಿಮೆಯುಳ್ಳ ಪ್ರಸನ್ನತ್‌ಲ್ ಬಲ್ಯ ಕುಶೀಲ್ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಂಗಳ ಬೂವತನೆಕೆ ನಿಪ್ಪ್‌ಚಿಡ್‍ವಕ್ ಶಕ್ತಿಯುಳ್ಳಂವೊನು,

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 19:20

ಅಕ್ಕ ಆ ಮೃಗತ್‍ನ ಪುಡ್‍ಚತ್; ಅದ್ಂಡ ಮಿಂಞತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನಗುಂಡ್, ಅದ್ಂಡ ಮುದ್ರೆನ ಇಟ್ಟಯಿಂಗಳ, ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‍ನಯಿಂಗಳ ಪಿಂಞ ಮೋಸ ಮಾಡ್‍ನ ಕಳ್ಳ ಪ್ರವಾದಿನ ಸಹ ಪುಡ್‌ಚಿರ್‌ತ್. ಜೀವತ್‍ಲ್ ಇಪ್ಪಕಲೆ ಈ ದಂಡಾಳ್‌ನ ಗಂಧಕ ಕತ್ತಿಯಂಡುಳ್ಳ ತಿತ್ತ್‌ರ ಕಡಲ್‍ಲ್ ಇಟ್ಟತ್.

ಪ್ರಕಟನೆ 2:24

ಥುವತೈರ ಸಬೇಲ್ ಉಳ್ಳ ಬೋರೆಯಿಂಗಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಅವಡ ಬೋದನೆರ ಪ್ರಕಾರ ನಡ್‍ಕತೆ, ಸೈತಾನಂಡ ಆಳತ್‍ರ ಗುಟ್ಟ್‍ೕಂದ್ ಎಣ್ಣಿಯಂಡುಳ್ಳದ್‍ನ ಪಡಿಕತೆ ಉಳ್ಳಿರಲ್ಲ. ನಿಂಗಡ ಮೇಲೆ ಬೋರೆ ಏದ್ ಬಾರತ್‍ನ ನಾನ್ ಇಡುಲೆ.