ಎಫೆಸ 5:6 - ಕೊಡವ ಬೈಬಲ್

⁶ ದಾರೂ ನಿಂಗಳ ಪ್ರಯೋಜನ ಇಲ್ಲತ ತಕ್ಕ್‌ರ ಮೂಲಕ ವಂಚನೆ ಮಾಡ್‌ವಕ್ ಬುಡತಿ. ಇಂತ ಪಾಪಕಾಯಿತೇ ದೇವಡ ಬಲ್ಯ ಚೆಡಿ, ಅಂವೊಂಗ್ ತಗ್ಗಿತ್ ನಡ್‌ಕತಯಿಂಗಡ ಮೇಲೆ ಬಪ್ಪ.

ಎಫೆಸ 5:6 ပူးပေါင်းရင်းမြစ်များ

ಮತ್ತಾಯ 24:24

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಬಂದಿತ್, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡ್‌ವನೆಕೆ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಮತ್ತಾಯ 24:4

ಅದ್ಂಗ್ ಯೇಸು: ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್ ಇರಿ.

ಮಾರ್ಕ 13:22

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಉದಿಚಿ, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡಿತ್ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಮಾರ್ಕ 13:5

ಅದ್ಂಗ್ ಯೇಸು: ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್ ಇರಿ.

ರೋಮ್ 1:18

ಸತ್ಯತ್‍ನ ಅನ್ಯಾತ್‌ಲ್‌ ಪುಡ್‌ಚಿತ್ ಬೆಪ್ಪ ಮನುಷ್ಯಂಡ ಎಲ್ಲಾ ತರ ಬಕ್ತಿಯಿಲ್ಲತ ಕಾರ್ಯಕು ಪಿಂಞ ಅನ್ಯಾಯಕು ವಿರೋದವಾಯಿತ್, ದೇವಡ ಚೆಡಿನ ಪರಲೋಕತ್ಂಜ ದೇವ ಕಾಂಬ್‍ಚಿಟ್ಟಂಡುಂಡ್.

ಕೊಲೊಸ್ಸೆ 2:18

ದಾರೂ ನಿಂಗಳ, ನಿಂಗಡ ಇನಾಮ್‍ನ ಕಳೆಂದ್ ಪೋಪನೆಕೆ ವಂಚನೆ ಮಾಡ್‌ವಕ್ ಬುಡತಿ; ಅಯಿಂಗ ದಾರ್ ಎಣ್ಣ್‌ಚೇಂಗಿ, ವಂಚನೆ ಮಾಡ್‌ವ ತಾಳ್ಮೆಲ್ ಇಪ್ಪನೆಕೆ ಕಾಟಿಯಂಡ್, ದೇವದೂತಂಗಳ ಆರಾದನೆ ಮಾಡ್‌ವಕ್ ಕುಶಿಪಟ್ಟಂಡ್, ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ನುಗ್ಗಿತ್ ಪಿಂಞ ಅಯಿಂಗ ತಡೀರ ಗೇನತ್‍ಲ್ ಒರ್ ಕಾರಣವು ಇಲ್ಲತೆ ಗರ್ವ ಪಡ್‌ವಯಿಂಗಳಾಯಿತ್ ಉಂಡ್.

ಕೊಲೊಸ್ಸೆ 2:4

ದಾರೂ ನಿಂಗಳ ತಪ್ಪಾನ ತರ್ಕ ಮಾಡಿತ್ ವಂಚನೆ ಮಾಡ್‌ವಕ್ಕಾಗಾಂದ್ ಇದ್‍ನ ನಾನ್ ನಿಂಗಕ್ ಎಣ್ಣಿಯಂಡುಳ್ಳ.

ಕೊಲೊಸ್ಸೆ 2:8

ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.

ಕೊಲೊಸ್ಸೆ 3:6

ಇದ್‍ನೆಲ್ಲಾ ಮಾಡ್‌ವಯಿಂಗಡ ಮೇಲೆ ದೇವಡ ಬಲ್ಯ ಚೆಡಿ ಬಪ್ಪ.

2 ಥೆಸಲೊನೀಕ 2:3

ಈ ವಿಷಯತ್‍ಲ್ ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್‍ಲ್ ಇರಂಡು; ಎನ್ನಂಗೆಣ್ಣ್‌ಚೇಂಗಿ, ದೇವಕ್ ವಿರೋದ ಮಾಡಿತ್ ಜನ ದಂಗೆ ಮಾಡಿತ್, ಪಾಳಾಯಿ ಪೋಪಕಾಯಿತ್ ಪುಟ್ಟ್‌ನ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕತ್ತನೆ, ಆ ದಿವಸ ಬಪ್ಪುಲೆ.

ಇಬ್ರಿಯ 13:9

ಬೋರೆ ಬೋರೆ ಬೋದನೆಲ್ ಚಿಕ್ಕಿತ್ ಬಟ್ಟೆ ತಪ್ಪಿ ಪೋಕತಿ. ಏದ್ ತರ ಕೂಳ್ ಎನ್ನನೆ ತಿಂಗಂಡೂಂದ್ ತಿಂಬಗುಂಡ್ ಅಲ್ಲ, ಕೃಪೇರ ಮೂಲಕ ಹೃದಯ ಸ್ತಿರವಾಪದ್ ನಲ್ಲದ್. ಕೂಳ್‍ರ ವಿಷಯತ್ ಆಚಾರ ವಿಚಾರ ಮಾಡ್‌ವಗುಂಡ್ ಒರ್ ಪ್ರಯೋಜನವು ಇಲ್ಲೆ.

ಇಬ್ರಿಯ 3:19

ಆನಗುಂಡ್, ಅಪನಂಬಿಕೇರಗುಂಡೇ ನಂಗಡ ಮುತ್ತಜ್ಜಂಗ ಆರಾಮ್‍ರ ಜಾಗತ್‍ನ ಎತ್ತ್‌ವಕ್ ಕಯ್ಯತೆ ಆಚೀಂದ್ ನಂಗಕ್ ಗೊತ್ತಾಯಂಡುಂಡ್.

1 ಪೇತ್ರ 2:8

ಆ ಕಲ್ಲ್ ಮನುಷ್ಯಂಗಳ ತಡ್‍ಪಕು ಬೂವಕು ಮಾಡ್‌ವ ಬಂಡೆಯಾಯಿತ್ ಆಚಿ. ಅಯಿಂಗ ದೇವಡ ಉಪದೇಶಕ್ ಬಗ್ಗ್‌ಚಿಡತಗುಂಡ್ ಅದ್ ತಡ್‍ತಂಡುಂಡ್, ಅದ್ಂಗೇ ಅಯಿಂಗಳ ನೇಮಿಚಿಟ್ಟಯಿಂಗಳಾಯಿತುಂಡ್.

1 ಯೋಹಾನ 4:1

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ದುಂಬ ಕಳ್ಳ ಪ್ರವಾದಿಯ ಉಂಡ್. ಆನಗುಂಡ್ ನಿಂಗ ಎಲ್ಲಾ ಆತ್ಮತ್‌ನ ನಂಬತೆ, ಆ ಆತ್ಮ ದೇವಡ ಕಡೇಯಿಂಜ ಬಾತಾಂದ್ ನಿಂಗ ಪರೀಕ್ಷೆ ಮಾಡಿತ್ ನೋಟಂಡು.