ಎಫೆಸ 5:32 - ಕೊಡವ ಬೈಬಲ್

³² ಈ ಮರ್ಮ ಬಲ್ಯದ್. ಇಕ್ಕ ನಾನ್ ಕ್ರಿಸ್ತ ಪಿಂಞ ಸಬೆರ ವಿಷಯತ್‍ನ ಎಣ್ಣಿಯಂಡುಂಡ್.

ಎಫೆಸ 5:32 ပူးပေါင်းရင်းမြစ်များ

ಯೋಹಾನ 3:29

ಮಂಗಲಕರ್ತಿ ಉಳ್ಳಂವೊನೇ ಮಂಗಲಕಾರ ಆಪ. ಆಚೇಂಗಿ ಮಂಗಲಕಾರಂಡ ಕೂಟ್‍ಕಾರ ಮಂಗಲಕಾರಂಡ ಪಕ್ಕತ್‍ಲ್ ನಿಂದಿತ್ ಅಂವೊಂಡ ತಕ್ಕ್‌ನ ಕ್‍ೕಪ, ಮಂಗಲಕಾರಂಡ ದ್ವನಿ ಕ್‍ೕಟಿತ್ ದುಂಬ ಕುಶಿ ಪಡುವ. ಅನ್ನನೆ ನಾಕ್ ಆ ಕುಶಿ ಕ್‍ಟ್ಟಿತ್, ನಾಡ ಕುಶಿ ಪೂರ್ತಿ ಆಚಿ.

2 ಕೊರಿಂಥ 11:2

ಕ್ರಿಸ್ತ ಎಣ್ಣುವ ಒರೇ ಪುತ್ತಂಗಾರಂಗ್ ನಿಂಗಳ ಪವಿತ್ರ ಕನ್ನಿ ಮೂಡಿಯಾಯಿತ್ ಒಪ್ಪ್‌ಚಿಡಂಡೂಂದ್ ನಾನ್ ನಿಶ್ಚಯ ಮಾಡ್‍ನಗುಂಡ್, ನಿಂಗಕಾಯಿತ್ ದೇವಡ ವೈರಾಗ್ಯವಾನ ವೈರಾಗ್ಯತ್‍ಲ್ ನಾನ್ ಉಳ್ಳ.

ಎಫೆಸ 5:31

ಇದ್ಂಗಾಯಿತ್ ವಡಿಯ ಅಂವೊಂಡ ಅಪ್ಪವ್ವನ ಬುಟ್ಟಿತ್ ತಾಂಡ ಪೊಣ್ಣ್‌ರ ಕೂಡೆ ಒಂದಾಯಿತ್ ಕೂಡಿತ್, ಅಯಿಂಗ ದಂಡಾಳು ಒರೇ ತಡಿಯಾಯಿತ್‌ಪ್ಪ.

ಎಫೆಸ 5:33

ಎನ್ನನೆ ಆಚೇಂಗಿಯು, ಪ್ರತಿ ಒಬ್ಬನು ಅಂವೊನ ತಾನೆ ಪ್ರೀತಿ ಮಾಡ್‌ವನೆಕೆ ತಾಂಡ ಪೊಣ್ಣ್‌ನ ಪ್ರೀತಿ ಮಾಡಂಡು; ಪ್ರತಿ ಪೊಣ್ಣಾಳು ಅವಡ ವಡಿಯಂಗ್ ಮರ್ಯಾದೆ ಕೊಡ್‍ಕಂಡು.

ಎಫೆಸ 6:19

ದೇವಡ ನಲ್ಲ ಸುದ್ದಿಕಾಯಿತ್ ಕೈದಿಯಾಯಿತ್ ಉಳ್ಳ ರಾಯಬಾರಿಯಾನ ನಾನ್, ಅದ್‍ನ ಎನ್ನನೆ ಎಣ್ಣಂಡುವೊ ಅನ್ನನೆ ಅದ್‍ನ ದೈರ್ಯವಾಯಿತ್ ಎಣ್ಣ್‌ವಕು,

ಕೊಲೊಸ್ಸೆ 2:2

ನಾಡ ಕುಶಿ ಎಂತ ಎಣ್ಣ್‌ಚೇಂಗಿ, ಅಯಿಂಗಕ್ ಪುರ್‌ಡ್ ಕ್‍ಟ್ಟಿತ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪ್ರೀತಿಲ್ ಒಂದಾಯಿತ್ ಇರಂಡೂಂದ್ ಉಳ್ಳದೇ. ಪಿಂಞ ದೇವಡ ಗುಟ್ಟಾನ ಕ್ರಿಸ್ತನ ಅಯಿಂಗಕ್ ಪೂರ್ತಿ ನಿಶ್ಚಯವಾಯಿತ್ ಅರ್ಥ ಮಾಡ್‍ವಕಯ್ಯೂಂದ್ ಉಳ್ಳ ನಂಬಿಕೆ ಅಯಿಂಗಕ್ ಇರಂಡು.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

1 ತಿಮೊಥೆಯ 3:8

ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗಳು ಮರ್ಯಾದಸ್ತಂಗಳಾಯಿತ್ ಪಿಂಞ ನೇರಾನಯಿಂಗಳಾಯಿತ್ ಇರಂಡು; ಕುಡ್‍ಕಂಗಳಾಯಿತ್, ಕಳ್ಳತನತ್‌ಲ್ ಸಂಪಾದನೆ ಮಾಡ್‌ವಯಿಂಗಳಾಯಿತ್ ಇಪ್ಪಕ್ಕಾಗ.

ಪ್ರಕಟನೆ 21:2

ಪಿಂಞ, ಪರಲೋಕತ್ಂಜ ಪವಿತ್ರ ಪಟ್ಟಣವಾನ ಪುದಿಯ ಯೆರೂಸಲೇಮ್ ದೇವಡ ಕಡೇಯಿಂಜ ಇಳಿಂಜಿ ಬಪ್ಪದ್‍ನ ನಾನ್ ಕಂಡಿಯೆ. ಅದ್ ತಾಂಡ ಮಂಗಲಕಾರಂಗಾಯಿತ್ ಅಲಂಕಾರ ಮಾಡಿತ್ಂಜ ಮಂಗಲಕರ್ತಿರನೆಕೆ ಇಂಜತ್.