ಎಫೆಸ 5:28 - ಕೊಡವ ಬೈಬಲ್

²⁸ ಅನ್ನನೆ ವಡಿಯಂಗಳು, ನಿಂಗಡ ಸ್ವಂತ ತಡೀನ ಪ್ರೀತಿ ಮಾಡ್‌ವನೆಕೆ, ನಿಂಗಡ ಪೊಣ್ಣಾಳುವಳ ಪ್ರೀತಿ ಮಾಡಂಡು; ತಾಂಡ ಪೊಣ್ಣ್‌ನ ಪ್ರೀತಿ ಮಾಡ್‌ವಂವೊ ಅಂವೊನ ಅಂವೊನೇ ಪ್ರೀತಿ ಮಾಡಿಯಂಡುಂಡ್.

ಎಫೆಸ 5:28 ပူးပေါင်းရင်းမြစ်များ

ಮತ್ತಾಯ 19:5

ಇದ್ಂಗಾಯಿತ್ ವಡಿಯ ಅಂವೊಂಡ ಅಪ್ಪವ್ವನ ಬುಟ್ಟಿತ್ ತಾಂಡ ಪೊಣ್ಣ್‌ರ ಕೂಡೆ ಒಂದಾಯಿತ್ ಇಪ್ಪ, ಅಯಿಂಗ ದಂಡಾಳು ಒರೇ ತಡಿಯಾಯಿತ್‌ಪ್ಪಾಂದ್ ಎಣ್ಣ್‌ನ ವಿಷಯತ್‍ನ ನಿಂಗ ಓದಿತ್‌ಲ್ಲೆಯಾಂದ್ ಕ್‍ೕಟತ್.

ಎಫೆಸ 5:25

ವಡಿಯಂಗಳೇ, ನಿಂಗ ನಿಂಗಡ ಪೊಣ್ಣಾಳುವಳ ಪ್ರೀತಿ ಮಾಡಂಡು, ಕ್ರಿಸ್ತ ಸಹ ಅನ್ನನೆ ಸಬೇನ ಪ್ರೀತಿ ಮಾಡಿತ್, ಅಂವೊನೇ ಅವಕಾಯಿತ್ ತಾಂಡ ಜೀವತ್‍ನ ಕೊಡ್‍ತತ್.

ಎಫೆಸ 5:29

ತಾಂಡ ಸ್ವಂತ ತಡೀನ ದ್ವೇಶ ಮಾಡ್‌ವಂವೊ ಒಬ್ಬನು ಇಲ್ಲೆ; ಆಂಡ ಬದ್‍ಲ್, ಕ್ರಿಸ್ತ ತಾಂಡ ಸಬೆ ಎಣ್ಣುವ ತಡೀನ ಎನ್ನನೆ ಚಾಕಿತ್ ಕಾಪಾಡಿಯಂಡ್ ಉಂಡೋ ಅನ್ನನೆ ವಡಿಯನು ತಾಂಡ ತಡೀನ ಚಾಕಿತ್ ಕಾಪಾಡಿಯಂಡುಂಡ್.

ಎಫೆಸ 5:31

ಇದ್ಂಗಾಯಿತ್ ವಡಿಯ ಅಂವೊಂಡ ಅಪ್ಪವ್ವನ ಬುಟ್ಟಿತ್ ತಾಂಡ ಪೊಣ್ಣ್‌ರ ಕೂಡೆ ಒಂದಾಯಿತ್ ಕೂಡಿತ್, ಅಯಿಂಗ ದಂಡಾಳು ಒರೇ ತಡಿಯಾಯಿತ್‌ಪ್ಪ.

ಎಫೆಸ 5:33

ಎನ್ನನೆ ಆಚೇಂಗಿಯು, ಪ್ರತಿ ಒಬ್ಬನು ಅಂವೊನ ತಾನೆ ಪ್ರೀತಿ ಮಾಡ್‌ವನೆಕೆ ತಾಂಡ ಪೊಣ್ಣ್‌ನ ಪ್ರೀತಿ ಮಾಡಂಡು; ಪ್ರತಿ ಪೊಣ್ಣಾಳು ಅವಡ ವಡಿಯಂಗ್ ಮರ್ಯಾದೆ ಕೊಡ್‍ಕಂಡು.

1 ಪೇತ್ರ 3:7

ಅನ್ನನೆ, ವಡಿಯಂಗಳೇ! ನಿಂಗಡ ಪೊಣ್ಣಾಳುವ ತಡೀಲ್ ಬೆಲ ಇಲ್ಲತಯಿಂಗಳಾಯಿತ್ ಉಳ್ಳಾಂಗ್, ನಿಂಗಡ ಪ್ರಾರ್ಥನೆಕ್ ತಡೆ ಬರತನೆಕೆ, ಜ್ಞಾನತ್‍ಲ್ ಅಯಿಂಗಡ ಕೂಡೆ ಬದ್‌ಕಿತ್, ನಿಂಗಡ ಕೂಡೆ ಅಯಿಂಗಳು ಕೃಪೇರ ನಿತ್ಯ ಜೀವಕ್ ಪಾಲ್‍ದಾರಂಗಳಾನಗುಂಡ್, ಅಯಿಂಗಕ್ ಬೋಂಡಿಯಾನ ಮರ್ಯಾದೆನ ಕೊಡ್‍ಕಂಡು.