ಎಫೆಸ 5:27 - ಕೊಡವ ಬೈಬಲ್

²⁷ ಕಲೆ, ಚುಕ್ಕ್, ಚುಳ್ಳ್ ಇಲ್ಲತೆ ಪವಿತ್ರವಾಯಿತ್ ಏದ್ ಕುತ್ತ ಇಲ್ಲತೆ ಮಹಿಮೆ ದುಂಬ್‍ನ ಸಬೇಯಾಯಿತ್ ತಾಂಡ ಮಿಂಞತ್ ನಿಪ್ಪ್‌ಚಿಡುವಕಾಯಿತೂ ತಾಂಗ್ ತಾನೆ ಅದ್ಂಗಾಯಿತ್ ಒಪ್ಪ್‌ಚಿಟ್ಟತ್.

ಎಫೆಸ 5:27 ပူးပေါင်းရင်းမြစ်များ

2 ಕೊರಿಂಥ 11:2

ಕ್ರಿಸ್ತ ಎಣ್ಣುವ ಒರೇ ಪುತ್ತಂಗಾರಂಗ್ ನಿಂಗಳ ಪವಿತ್ರ ಕನ್ನಿ ಮೂಡಿಯಾಯಿತ್ ಒಪ್ಪ್‌ಚಿಡಂಡೂಂದ್ ನಾನ್ ನಿಶ್ಚಯ ಮಾಡ್‍ನಗುಂಡ್, ನಿಂಗಕಾಯಿತ್ ದೇವಡ ವೈರಾಗ್ಯವಾನ ವೈರಾಗ್ಯತ್‍ಲ್ ನಾನ್ ಉಳ್ಳ.

2 ಕೊರಿಂಥ 4:14

ಒಡೆಯನಾನ ಯೇಸು ಕ್ರಿಸ್ತನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಂಗಳ ಸಹ ಯೇಸುರಗುಂಡ್ ಎಪ್ಪಿತ್, ನಿಂಗಡ ಕೂಡೆ ತಾಂಡ ಮಿಂಞತ್ ನಿಪ್ಪ್‌ಚಿಡುವಾಂದ್ ನಂಗಕ್ ಗೊತ್ತುಂಡ್.

ಎಫೆಸ 1:4

ತಾಂಡ ಮಿಂಞತ್, ನಂಗ ಪ್ರೀತಿಲ್ ಪವಿತ್ರವಾನಯಿಂಗಳಾಯಿತು, ಒರ್ ಕುತ್ತ ಇಲ್ಲತಯಿಂಗಳಾಯಿತು ಇಪ್ಪಕ್, ಲೋಕ ಉಂಟಾಪಕ್ ಮಿಂಞಲೇ ದೇವ ನಂಗಳ ಅಂವೊಂಡ ಜನವಾಯಿತ್ ಇಪ್ಪಕ್ ಕ್ರಿಸ್ತಂಡಲ್ಲಿ ಗೊತ್ತ್ ಮಾಡಿರ್‌ತ್.

ಕೊಲೊಸ್ಸೆ 1:22

ಆಚೇಂಗಿ, ಇಕ್ಕ ಅಂವೊ ತಾಂಡ ಮೋಂವೊ ತಡೀಲ್ ಚತ್ತ್ ಪೋನಗುಂಡ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡಿತ್, ಅಂವೊಂಡ ಸನ್ನಿದಾನತ್‍ಲ್ ನಿಂಗಳ ಪವಿತ್ರವಾನಯಿಂಗಳಾಯಿತ್, ಒರ್ ತಪ್ಪಿಲ್ಲತಯಿಂಗಳಾಯಿತ್, ಒರ್ ಕುತ್ತ ಇಲ್ಲತಯಿಂಗಳಾಯಿತ್ ಅರ್ಪಿಚಿಡ್‌ವಕ್ ಇನ್ನನೆ ಮಾಡ್‍ಚಿ.

ಕೊಲೊಸ್ಸೆ 1:28

ಅದ್ಂಗಾಯಿತ್, ಎಲ್ಲಾ ಜ್ಞಾನತ್‍ಲ್ ಕ್ರಿಸ್ತನ ಎಲ್ಲಾರ್‌ಕು ಅರಿಚಿಟ್ಟಂಡ್, ಎಲ್ಲಾರ್‌ಕು ಎಚ್ಚರ ಮಾಡಿಯಂಡ್, ಎಲ್ಲಾರ್‌ಕು ಬೋದನೆ ಮಾಡಿಯಂಡ್ ಉಳ್ಳ. ಒಬ್ಬೊಬ್ಬನ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಬೊಳ್ಂದಂವೊನಾಯಿತ್ ದೇವಡ ಪಕ್ಕ ನಿಪ್ಪ್‌ಚಿಡುವಕಾಯಿತ್ ಇದ್‍ನ ಮಾಡಿಯಂಡುಳ್ಳ.

1 ಥೆಸಲೊನೀಕ 5:23

ಸಮಾದಾನತ್‍ರ ದೇವ ನಿಂಗಳ ಪರಿಪೂರ್ಣವಾಯಿತ್ ಪಿಂಞ ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರವಾನಯಿಂಗಳಾಯಿತ್ ಮಾಡಡ್. ನಿಂಗಡ ಗೇನ, ನಿಂಗಡ ಆಸೆ ಪಿಂಞ ನಿಂಗ ಮಾಡ್‍ವದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತ ಬಪ್ಪಕತ್ತನೆ ಒರ್ ತಪ್ಪು ಇಲ್ಲತನೆಕೆ ಇಪ್ಪಕ್ ಅಂವೊ ನಿಂಗಳ ಕಾಪಾಡಡ್.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

1 ಪೇತ್ರ 1:19

ಆಚೇಂಗಿ, ದಾರ್‌ಕು ಕೊಡ್‍ಪಕ್ ಕಯ್ಯತ ಬೆಲೆಯುಳ್ಳ ಕ್ರಿಸ್ತಂಡ ಚೋರೆರಗುಂಡ್ ದೇವ ನಿಂಗಳ ಬೆಲೇಕ್ ಎಡ್‍ತಂಡದ್ ನಿಂಗಕ್ ಗೊತ್ತುಂಡಲ್ಲ? ಅಂವೊ ಒರ್ ಪವಿತ್ರವಾಯಿತುಳ್ಳ, ಏದ್ ಪಾಳು ಇಲ್ಲತ ಕೊರಿ ಕುಟ್ಟಿರನೆಕೆ ಉಂಡ್.

2 ಪೇತ್ರ 3:14

ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.

ಯೂದ ಒಳ್‍ದ್‍ನ ಕಾಗದ 1:21

ದೇವಡ ಪ್ರೀತಿಯಿಂಜ ನಿಂಗಳ ಕಾಪಾಡಿಯಂಡ್, ನಿತ್ಯ ಜೀವಕ್ ನಿಂಗಳ ಕೊಂಡ್ ಬಪ್ಪಕಾಯಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕರುಣೆಕ್ ಪಾರಕಾತಂಡಿರಿ.

ಯೂದ ಒಳ್‍ದ್‍ನ ಕಾಗದ 1:24

ತಾಂಡ ಮಹಿಮೆಯುಳ್ಳ ಪ್ರಸನ್ನತ್‌ಲ್ ಬಲ್ಯ ಕುಶೀಲ್ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಂಗಳ ಬೂವತನೆಕೆ ನಿಪ್ಪ್‌ಚಿಡ್‍ವಕ್ ಶಕ್ತಿಯುಳ್ಳಂವೊನು,

ಪ್ರಕಟನೆ 14:4

ಈಂಗಳೇ ಪೊಣ್ಣಾಳ್‍ರಗುಂಡ್ ಅಶುದ್ದ ಆಕತ, ಕನ್ನಿ ಮೂಡಿಯರನೆಕೆ ಶುದ್ದವಾಯಿತ್ ಇಂಜಯಿಂಗ. ಕೊರಿಕುಟ್ಟಿಯಾನಂವೊ ಎಲ್ಲಿಯೆಲ್ಲಾ ಪೋಪ, ಅಂವೊಂಡ ಬಯ್ಯಕ್ ಪೋಪಯಿಂಗ ಈಂಗಳೇ. ಅಯಿಂಗ ಜನಡ ಮದ್ಯತ್ಂಜ ದೇವಕಾಯಿತ್ ಪಿಂಞ ಕೊರಿಕುಟ್ಟಿಯಾನವೊಂಗಾಯಿತ್ ಆದ್ಯ ಪಣ್ಣಾಯಿತ್ ವಿಮೋಚನ ಆನಯಿಂಗ.